მიუზიკლი „საშობაო სიმღერა“  მოზარდ მაყურებელთა თეატრის სცენაზე 6 იანვრიდან გელოდებათ - მშობლები

საახალწლო განწყობას უფრო მეტად გაგიფერადებთ მოზარდ მაყურებელთა თეატრის, ერთ-ერთი ყველაზე პოპულარული მიუზიკლი „საშობაო სიმღერა“.

„ბროდვეისეული“ მიუზიკლის მანერით გადმოცემული, ჩარლზ დიკენსის „ საშობაო სიმღერა“ წარმოადგენს მუსიკალურ ფანტაზიას მსოფლიოს პოპულარული საშობაო სიმღერების მოტივებზე.

მიუზიკლის ინსცენირების ავტორი, დამდგმელი რეჟისორი: ლევან გვაზავა. მხატვარი ნინო კიტია, ქორეოგრაფი დათო მეტრეველი, კონცერტმაისტერი ნათია ჯიქია, მუსიკალური გაფორმება ლევან გვაზავასი.

სპექტაკლი წარმოადგენს საბავშვო მიუზიკლს. გადმოცემულია ბავშვებისთვის (და არა მარტო) გასაგებ მუსიკალურ ენაზე. სპეციალურად ამ სპექტაკლისთვის დაიწერა რამოდენიმე ქართული მუსიკალური ნაწარმოები. ქართულ ენაზე პირველად ითარგმნა მსოფლიოს პოპულარული საშობაო სიმღერები.

მიუზიკლში, პროფესიონალ მსახიობებთან ერთად, მონაწილეობს ბავშვთა ვოკალურ-ქორეოგრაფიული გუნდი.

სპექტაკლი მოგვითხრობს მთავარი გმირის, ებენიზერ სკრუჯის შესახებ, რომელიც ლონდონში 1834 წელს ცხოვრობდა. სკრუჯი, ძუნწი და დაუნდობელი გახლდათ, მას სძულდა დღესასწაულები და განსაკუთრებით, შობა.შობის ღამეს ხომ სასწაულები ხდება?!...

„საშობაო სიმღერაზე დასწრების შესაძლებლობა გაქვთ:

• 6 , 12 , 13 იანვარს 18:00
• 7, 11,20,21 იანვარს 13 :00
• 14 იანვარს 15:00
• 23, 24,25 იანვარს 12:00
• 30 იანვარს 15:00