დღეს გაზაფხულის ბუნიობაა - რა უნდა გააკეთოთ, რომ კეთილდღეობა მოიზიდოთ და რისი გაკეთება არ შეიძლება - მშობლები

2024 წლის 20 მარტს გაზაფხულის ბუნიობაა. ეს კალენდარული წლის ის მომენტია, როდესაც ჩრდილოეთ და სამხრეთ ნახევარსფეროებში დღისა და ღამის ხანგრძლივობა ტოლია. როგორც მეცნიერები ამბობენ, ამ დღეს მზე ეკვადორთან ზენიტშია და დედამიწის ზედაპირზე მისი სხივები მართი კუთხით ეცემა. გარდა ამისა, გაზაფხულის ბუნიობა ჩრდილოეთ ნახევარსფეროში გაზაფხულის ასტრონომიულ დასაწყისად ითვლება, რაც ზაფხულის მზებუდობამდე გაგრძელდება.

გაზაფხულის ბუნიობას ოდითგანვე დიდ ყურადღებას აქცევდნენ და ფიქრობდნენ, რომ ეს დღე ნაყოფიერებას, კეთილდღეობასა და ბარაქას განსაზღვრავდა. ამიტომაც, წლების განმავლობაში, არაერთი ტრადიცია და ჩვეულება არსებობდა, რომლებსაც ადამიანები იყენებდნენ იმისათვის, რომ თავიანთ სახლში გაზაფხულის განახლებული ენერგია და კეთილდღეობა შეეტანათ. მართავდნენ მხიარულ შეკრებებს, აცხობდნენ ღვეზელებს და ერთმანეთს უმასპინძლდებოდნენ. მათგან გარკვეული ჩვევები დღემდე შემონახულია:

რა უნდა გააკეთოთ გაზაფხულის ბუნიობის დღეს, რომ წარმატება მოიზიდოთ?

• დაასუფთავეთ სახლი საფუძვლიანად და გადაყარეთ ყველა უსარგებლო, არასაჭირო ნივთი - ითვლება, რომ ამ გზით გარემოს ნეგატიური აურისაგან გაწმენდთ და სახლში განახლებულ ენერგიას შეუშვებთ.
• შეეცადეთ, ამ დღეს დრო პოზიტიურ ფიქრს დაუთმოთ, დაფიქრდეთ წარსულის შეცდომებზე და ეს გაკვეთილად, მნიშვნელოვან გამოცდილებად აქციოთ.
• ჩამოწერეთ სამომავლო გეგმები, რისი გაკეთება გსურთ, რა არის თქვენი მიზანი - ეს სია განსაკუთრებით დაგეხმარებათ, რომ მიაღწიოთ იმას, რაც მთელი გულით გსურთ.
• ეს დღე შესანიშნავია იმისათვის, რომ თქვენთვის მნიშვნელოვან ადამიანებთან საერთო ენა გამონახოთ, თუკი კონფლიქტი, დაძაბულობა გაქვთ, მოგვარებაზე დაილაპარაკოთ, გარკვეულ დათმობებზე წახვიდეთ და შეურიგდეთ.
• ითვლება, რომ ამ დღეს შეყვარებულებმა ერთმანეთი აუცილებლად უნდა ნახონ, თუ უნდათ, რომ მათი გრძნობები და სიყვარული სამუდამოდ გაგრძელდეს.
• სახლში მწვანე მცენარეები შეიტანეთ, თუ შესაძლებელია დარგეთ, დათესეთ - ეს კეთილდღეობასა და ბარაქას მოგიტანთ.
• გარდა ამისა, ფურცელზე დაწერეთ სანუკვარი ოცნების შესახებ და საგულდაგულოდ დამალეთ... ითვლება, რომ როგორც კი გადამალული ფურცელი დაგავიწყდებათ, ის ოცნება მაშინვე ახდება.

რისი გაკეთება არ შეიძლება გაზაფხულის ბუნიობის დღეს?

• ამ დღეს კამათი, ჩხუბი, დაპირისპირება კატეგორიულად არ შეიძლება. ითვლება, რომ ეს ენერგია მთელი წელი გაგყვებათ.
• არ მიაყენოთ შეურაცხყოფა ბავშვებს, არამედ მათთან ერთად მშვიდი, სასიამოვნო საღამო მოიწყვეთ.
• ნუ დაიწყებთ ახალ საქმეებს.
• არ დატოვოთ ჭურჭელი დასარეცხი და არც გარემო მოუწესრიგებელი.
• ნუ გადაიღლებით ემოციურად. ჯობს, ძალიან გვიან არ დაიძინოთ.
• არ დარგოთ ტირიფი - ითვლება, რომ ამ გზით პრობლემებსა და სევდას მოიზიდავთ.

ხალხური ნიშნები გაზაფხულის ბუნიობის დღისთვის:

• თუ 20 მარტს ყინვა იქნება, მთელი გაზაფხული ცივი და არასასიამოვნო აღმოჩნდება.
• თუ მოღრუბლული დღე იქნება- მაშინ, ღამითაა ყინვები მოსალოდნელი.
• თუ გაზაფხულის ბუნიობის დღეს თბილა, მომდევნო 40 დღე იგივე ამინდი შენარჩუნდება.
• თუ სამხრეთის ქარი უბერავს - ზაფხული ცხელი იქნება.
• თუ წეროები 20 მარტს ჩამოფრინდებიან - გაზაფხული დაგვიანდება.
• თუ საღამოს ცივა, ეს მოახლოებულ ყინვებს მოასწავებს.