რატომ იფშვნება პასკა, რატომ უსკდება თავები და როგორ ვარეგულიროთ ფორმაში პასკის ზომა - ია მინდაძე-ასათიანის რჩევები - მშობლები

სოციალურ ქსელში ზოგიერთი კულინარის პასკის რეცეპტი განსაკუთრებით პოპულარულია. ბუნებრივია, ამავე კულინარების რჩევებს, რომლებიც პასკის ცხობის ყველა დეტალს მოიცავს, დიასახლისები დიდი ინტერესით ისმენენ. ია მინდაძე-ასათიანმა კიდევ ერთხელ გამოაქვეყნა ვიდეო, სადაც ცხობასთან დაკავშირებულ ყველაზე გავრცელებულ შეკითხვებს უპასიხა. გთავაზობთ ამონარიდებს ამ ჩართვიდან:

1. ხშირად ისმის კრიტიკა, რატომ არის ჩემს რეცეპტში არაჟანი და მაწონი. ეს ხომ კექსიაო. სადაც საფუარი ემატება, იქ კექსი ვერანაირად ვეღარ გამოვა. ასე რომ, ეს კექსი ნამდვილად არ გახლავთ.
2. საფუარი ისეთი პროდუქტია, რომელსაც სიცხე არ უყვარს. ცომს სამი ეტაპი აქვს, აფუება, ფერმენტაცია და მომწიფება. აფუება სწრაფად ხდება, შემდეგ ფერმენტაცია იწყება, ხოლო მომწიფება უფრო გვიანი ეტაპია. ძალიან მნიშვნელოვანია, რომ ფერმენტაცია და მომწიფება ერთმანეთს დაემთხვეს, რათა არ წარმოიქმნას ენზიმები და გლუტენი მთლიანად არ „შეჭამოს“. იდეალური ცომი ჯობს სიგრილეში ამოვიდეს. ( შალები და პლედები არ სჭირდება, სიცხე არ სჭირდება. მთავარია გქონდეთ კარგი საფუარი და კარგი ფქვილი. )მაცივარში მაშინვე ნუ შედგამთ. ამოფუებას რომ დაიწყებს ცომი, მერე, ფერმენტია-მომწიფებისთვის უნდა შესვათ მაცივარში.
3. რძის ტემპერატულა 30 გრადუსს არ უნდა აღემატებოდეს.
4. რატომ უსკდება თავები? იმიტომ, რომ ცომი კარგად მოზეზლილი და დამუშავებული არ არის. ხელით მოზელით ვერ მიიღებთ პანეტონეს მსგავს იდეალურ გუმბათებს. ვისაც პრიალა, არადამსკდარი თავები მოგწონთ, ზედმეტი არც ფქვილი უნდა მოგივიდეთ, არც საფუარი. ბევრი საფუარი არ ნიშნავს, რომ უკეთესად ამოვა. 5 კილო ცომს სჭირდება 5 გრამი საფუარი.
5. ცომს ზელა სჭირდება, არ არის აუცილებელი ერთი საათი შეუსვენებლად ზილოთ და გადაიქანცოთ, 10-15 წუთით დაისვენეთ და შემდეგ დაუბრუნდით. ზეთით დაისველეთ ხელები და ჩაზილეთ. ზილეთ 5 წუთით და ისევ დაისვენეთ. რამდენჯერმე გაიმეორეთ და მიიღებთ კარგად მოზელილ ცომს.
6. პასკა რომ არ დაიფშვნას, აკონტროლეთ ღუმელის ტემპერატურა. ჩემს ღუმელში 500-გრამიანი პასკა 150 გრადუსზე 35 წუთში გამოვაცხვე. მომდევნო პარტიები უფრო ნაკლებ დროში გამოცხვა, რადგან ღუმელი კარგად იყო გახურებული. 500-გრამიანი პასკა რომ მივიღოთ, 350-გრამიანი ფორმა უნდა ვიყიდოთ. ამ ფორმაში ვდებთ 520 გრამ ცომს და ვიღებთ 500-გრამიან პასკას.
7. 500-გრამიან ფორმაში 650 გრამი ცომი ჩადეთ, 750-გრამიანში - 850 გრამი. თუმცა მინახავს, რომ 500-გრამიანში 500 გრამ ცომს დებენ, მაგრამ გადმოდის და თითქოს მოსაჭრელი აქვს თავი. ამიტომ ზომები აკონტროლეთ.
8. ჩემი რეცეპტით 8 კილომდე ცომი გამოდის. ამ მასას რამდენ ფორმაშიც გაანაწილებთ, იმდენი პასკა გამოგივათ.
9. რაც შეეხება კვერცხს, მთლიანად ერთ პორციას 600 გრამი კვერცხის მასა სჭირდება. დიდ კვერცხებშ ცილა მეტია, ამიტომ ვდილობ, ცილა მოვაკლო და კვრეცხის გული დავამატო, ისე, რომ 300 გრამი გული მქონდეს და 300 გრამი ცილა.
10. თავზე მოსასმელად ვიყენებ ერთ მთლიან კვერცხს და ერთ კვერცხის გულს. ვამატებ ერთ სუფრის კოვს 20%-იან არაჟანს.
11. ფორმაში ამოსვლას რომ ორი თითის დადება აკლია, გადაუსმევთ თავზე და შედგამთ ღუმელში.

იხილეთ ვიდეო სრულად

პასკის ცომის შალებში, პლედებში შეფუთვა არ არის საჭირო. 40 გრადუსი ტემპერატურა არ უნდა გქონდეთ ოთახში, არ გჭირდებათ - ია მინდაძე-ასათიანის რეცეპტი და პრაქტიკული რჩევები პასკის ცხობისთვის

როდის უნდა გამოვაცხოთ პასკა, რომ აღდგომამდე იდეალური გემო და სრუქტურა შეინარჩუნოს