"შენ მასწავლე, როგორ მეპოვა სიხარული... ყველას ცხოვრება გააკეთილშობილე, ვისაც შეხვდი" - ბრუკლინ ბექჰემმა ცოლის გარდაცვლილ ბებიას სიყვარულით სავსე პოსტი მიუძღვნა - მშობლები

ახლახან, 95 წლის ასაკში, ბექჰემების რძლის, ნიკოლა პელცის ბებია, ბანი გარდაიცვალა. გოგონა მასთან ძალიან ახლოს იყო: ბებია მისი და ბრუკლინ ბექჰემის ქორწილშიც იმყოფებოდა მოწმედ. ნიკოლას ამ ტრაგედიაზე კომენტარი ჯერ არ გაუკეთებია, მაგრამ ქმარმა გადაწყვიტა, სოციალურ ქსელებში გარდაცვლილი ნათესავისთვის პოსტი მიეძღვნა, რადგან ბანისთან ძალიან დამეგობრდა და შეიყვარა მოხუცი.

ბრუკლინმა მისი და ბანიის ფოტოები და ვიდეოები გააზიარა, რომელიც ასევე სიყვარულით ნანის ეძახდნენ და საჯაროდ დაჰპირდა, რომ იზრუნებდა მის შვილიშვილზე. „ნანი, გმადლობ, რომ ასეთი იყავი. ყველაზე ტკბილ და ბედნიერ ადამიანად მიმაჩნდი მსოფლიოში და მასწავლე, როგორ მეპოვა სიხარული ყველაფერში. მადლობა, რომ ყველას უღიმოდი. შენ ყველას ცხოვრება გააკეთილშობილე, ვისაც შეხვდი. ძალიან გამიმართლა, რომ 4 წლის განმავლობაში შენი შვილიშვილი მეც ვიყავი. გპირდები, რომ ვიზრუნებ ნიკოლზე და შენს ოჯახზე. ძალიან მიყვარხარ და ძალიან მომენატრები."

ნიკოლა პელცი და ბრუკლინ ბექჰემი 2022 წელს დაქორწინდნენ. მას შემდეგ წყვილი ძირითადად შეერთებულ შტატებში ცხოვრობდა და ამ დროს ბრუკლინი ძალიან დაუახლოვდა ნიკოლას ნათესავებს - შეგახსენებთ, რომ ის მილიარდერისა და ინვესტორის ნელსონ პელცის მემკვიდრეა. იყო პერიოდი, როდესაც ნიკოლა პრაქტიკულად არ კონტაქტობდა ქმრის ვარსკვლავურ ოჯახთან: ჭორების თანახმად, ამის მიზეზი ვიქტორია ბექჰემთან უთანხმოება იყო. თუმცა, მტრობა დიდი ხანია დასრულდა: ახლა ნიკოლა და ვიქტორია ძალიან ახლოს არიან და ცეკვის ვიდეოებსაც კი ერთად იღებენ.