აუტიზმი, ფსიქიატრებზე ადრე, შეიძლება ერთმა ანალიზმა გამოავლინოს - მეცნიერების ახალი აღმოჩენა - მშობლები

ჰონგ კონგელმა მკვლევარებმა პირდაპირი კავშირი აღმოაჩინეს ნაწლავების ჯანმრთელობასა და ბავშვებში აუტიზმის არსებობას შორის. აუტიზმის მქონე პაციენტების შესწავლისას მეცნიერებმა შენიშნეს ნაწლავის მიკრობიომის სპეციფიკური კომპონენტები, მათ შორის ბაქტერიები, სოკოები და ვირუსები, რომლებიც დამახასიათებელი იყო ამ დიაგნოზის მქონე ადამიანებისთვის.

დიდი ხანია, სამედიცინო ექსპერტები ამბობენ, რომ ნაწლავის მიკროფლორა გავლენას ახდენს მთლიანად ორგანიზმის ფუნქციონირებაზე და, კერძოდ, იმუნურ რეაქციებზე და თავის ტვინში არსებულ სხვადასხვა პროცესებზე. დღეს უკვე არსებობს კვლევები, რომლებიც მიუთითებენ მიკრობიომის გავლენას სოციალური შფოთვითი აშლილობისა და დეპრესიის განვითარებაზე. ახლა არსებობს თეორია, რომ აუტიზმი ასევე დაკავშირებულია ნაწლავების ფუნქციონირების გარკვეულ ცვლილებებთან.

ამრიგად, განავლის ანალიზი ბევრად უფრო ადრე დააგენს ბავშვთა აუტიზმს, ვიდრე ფსიქოლოგი ან ფსიქიატრი. დღესდღეობით აუტისტური სპექტრის აშლილობის (ASD) გამოსწორების პრობლემა განპირობებულია იმით, რომ დიაგნოზს ხშირად საკმაოდ გვიან სვამენ - სამიდან ოთხ წლამდე, თუმცა თავის ტვინის აშლილობა თანდაყოლილია. სპეციალისტებს დიდი დრო სჭირდება დაკვირვებისა და დიაგნოზის დასმისთვის, რის გამოც ძვირფასი თვეები და წლები იკარგება, რომლის გამოყენებაც თერაპიის დასაწყებად ძალიან ეფექტური იქნებოდა. თუ განავლის ტესტით სწრაფად დადგინდება, აქვს თუ არა ბავშვს ASD, ბევრ მშობელს ექნება შესაძლებლობა მდგომარეობის გამოსწორება რაც შეიძლება ადრე დაიწყოს.

დოქტორი ელიზაბეტ ლუნდი, კვების და კუჭ-ნაწლავის ჯანმრთელობის კონსულტანტი, აღნიშნავს, რომ ამ ეტაპზე მკვლევარებმა ჯერ არ იციან, რა არის მიზეზი და რა არის შედეგი. ან აუტიზმის გამო ბავშვს აქვს შერჩევითი კვება და ეს აისახება ნაწლავის მიკროფლორაზე, ან, პირიქით, მიკრობიომის დარღვევა იწვევს ASD-ს.

„იდეა, რომ განავლის ნიმუშებს დიაგნოზის დასმაში დაეხმარება, ძალიან საინტერესოა, რადგან ამჟამად ძალიან დეფიციტურია გამოცდილი კლინიკები (ფსიქოლოგებისა და ფსიქიატრების), რომლებსაც აუტიზმის ადრეული დიაგნოსტიკა შეუძლიათ“, - აღიარებს ელიზაბეტ ლუნდი.

ნაწლავის მიკრობიომის თეორიას მხარს უჭერს კალიფორნიის ტექნოლოგიური ინსტიტუტის 2019 წლის კვლევა. მეცნიერებმა აუტიზმის მქონე ადამიანების ნაწლავებიდან მიკრობები თაგვების ნაწლავებში გადაიტანეს და მღრღნელების ქცევის ცვლილებები დააფიქსირეს. თაგვებმა დაიწყეს უფრო დისტანციურად ქცევა და მრავალი თვალსაზრისით დაემსგავსნენ აუტიზმის მქონე ადამიანებს.

არსებობს 2022 წელს ჩატარებული კვლევაც, რომელიც ამბობს, რომ მიკრობიომის ნორმალიზება გავლენას ახდენს ბავშვის ქცევაზე, მაგალითად, აგრესიის შემცირებაზე.

დღეს ჩვენ ჯერ კიდევ არ ვიცით ზუსტად, რა პროცესები იწვევს აუტიზმს ადამიანებში. ცნობილია, რომ შემთხვევების 80%-მდე პირდაპირ კავშირშია გენეტიკასთან. მაგრამ დარჩენილი 20% კვლავ გამოწვევად რჩება მეცნიერებისთვის. ბოლო წლებში გამოითქვა თეორიები, რომ ASD-ის განვითარებაზე გავლენას ახდენს მშობლების ასაკი, სიმსუქნე, დიაბეტი და იმუნური დარღვევები. ასევე არსებობს თეორია გარემოზე გავლენის შესახებ, როგორიცაა პესტიციდები.

ბოლო დროს კისამეცნიერო წრეებში სულ უფრო და უფრო ხშირად საუბრობენ აუტიზმისა და კვების ურთიერთკავშირზე. ზოგიერთი ექიმი და მშობელი ამტკიცებს, რომ გლუტენისა და რძის ცილისგან თავისუფალი მენიუ დადებითად მოქმედებს ასდ-ის მქონე ბავშვების მდგომარეობაზე.