"პლანეტის ულამაზესი ბებია..." - 61 წლის დემი მურის სილამაზის საიდუმლო - მშობლები

დემი მურზე ხუმრობენ, რომ აღარც ახსოვს, პასპორტში რა ასაკი უწერია - მისი უბერებელი გარეგნობა ყველას აოცებს და აღაფრთოვანებს. 61 წლის წლის ასაკში მსახიობის საყვარელი ჩასაცმელი კვლავ საცურაო კოსტიუმია.

მისი სოციალური ქსელის გვერდები სავსეა ბიკინიანი ფოტოებით: მსახიობს უყვარს მზის აბაზანების მიღება და თუ სანაპიროზე მოგზაურობას ვერ ახერხებს, საკუთარი სახლის გაზონზე ირუჯება. დემის მსგავსი ფიგურით ყველა ნამდვილად ვერ დაიკვეხნის - ასეთი თხელი მუცელი და ლამაზი ფეხები მასზე ახალგაზრდებისთვისაც კი მიუღწეველი ოცნებაა!

მსახიობმა არაერთხელ აღიარა, რომ თავად პროფესიამ აიძულა, ფიზიკური აქტივობა ყოველდღიურ ჩვევად ექცია. იგი ხან ძალით, ხან ნებით ასრულებდა სპორტულ სავარჯიშოებს, გარკვეული როლებისთვის კიდევ უფრო მეტი ვარჯიში დასჭირდა. მაგალითად, ფილმის "სტრიპტიზის" გადაღების დროს, ვარჯიშს დღეში სამ საათს უთმობდა: პარალელურად დადიოდა ცეკვის კურსებზე, იოგასა და სპორტდარბაზში, ასევე ბევრს დარბოდა.

ფილმისთვის "G.I. Jane" საბრძოლო ხელოვნების რამდენიმე სახეობას დაეუფლა და შედეგად იდეალური ფიგურა მიიღო. მაგრამ მთავარი ის არის, რომ მან შედეგის შენარჩუნება ათწლეულების შემდეგაც შეძლო და ეს კომფორტული ცხოვრების დარღვევისა და მუდმივი შეზღუდვების გარეშე მოახერხა!

ფორმის შესანარჩუნებლად დემი მური არ იცავს დიეტას და არც სპორტდარბაზში დადის. ის ინტუიციურ ჭამაში ვარჯიშობს და ჭამს მხოლოდ მაშინ, როცა შიმშილს გრძნობს. მსახიობის მენიუს ძირითადი ნაწილი ახალი ბოსტნეული, მჭლე ხორცი, თევზი, ხილი, კენკრა და თხილია. ასევე აქვს სპეციალური ლაიფ ჰაკები, რომლებსაც ექიმის მეთვალყურეობით აკეთებს. მაგალითად, იწყებს დილას ჭიქა თბილი წყლით, რომელსაც უმატებს ლიმონის ნაჭერს, ცოტა ნეკერჩხლის სიროფს და კაიენის წიწაკას. ვარჯიშისთვის მსახიობს ურჩევნია იოგა, პილატესი, ცურვა და უბრალოდ ბევრს დადის, ხშირად თავის პაწაწინა ძაღლთან პილაფთან ერთად სეირნობს.

სხვათა შორის, ახლა ბევრი ექსპერტი თანხმდება, რომ სხეულის ფორმებზე ყველაზე დადებითი გავლენა არა სწორი კვება და რეგულარული ვარჯიშია, არამედ ძირითადი ყოველდღიური აქტივობა. ამიტომ, თუ ეს შესაძლებელია, ლიფტი კიბეებით, ხოლო მანქანით მგზავრობა ფეხით სიარულით შეცვალეთ. ამ მეთოდის საუკეთესო დასტური დემი მურის საცურაო კოსტუმებში გამოწყობილი ეს ფოტოებია.