წელს ქართულ ენასა და ლიტერატურაში რეკორდული რაოდენობის მაქსიმალური ქულა დაიწერა... - როგორია წინა წლების სტატისტიკა - მშობლები

შეფასებისა და გამოცდების ეროვნულმა ცენტრმა აბიტურიენტებისათვის 2024 წლის ერთიანი ეროვნული გამოცდების პირველადი შედეგების გამოქვეყნება დაიწყო. დღეს აბიტურიენტებმა ქართულ ენისა და ლიტერატურის ქულა გაიგეს. ამ ეტაპზე, პირველადი მონაცემების თანახმად, მაქსიმალური ქულა 85-მა აბიტურიენტმა აბიტურიენტმა მიიღო. შეფასებისა და გამოცდების ეროვნული ცენტრი ქართული ენისა და ლიტერატურის ჯგუფი პირველადი შედეგების შესახებ წერს:

- ქართული ენისა და ლიტერატურის გამოცდის პირველადი შედეგების საფუძველზე შეიძლება ითქვას, რომ წლევანდელი გამოცდები საკმაოდ წარმატებული იყო. ამაზე მეტყველებს როგორც საგამოცდო ტესტების მახასიათებლები, ისე აბიტურიენტთა ნამუშევრების ანალიზი.

- რამდენად მომზადებული მოვიდნენ წელს აბიტურიენტები და შეცვლილია თუ არა შარშანდელისაგან განსხვავებით აბიტურიენტების ცოდნის დონე?

- ჩვენმა ახალგაზრდებმა ძალიან საინტერესო ნამუშევრები შემოგვთავაზეს. ბუნებრივია, ცოდნის დონე ერთ წელიწადში საგრძნობლად ვერ შეიცვლებოდა, მაგრამ აშკარაა, რომ ტენდენცია იმედის მომცემია. სამწუხაროდ, წელსაც აბიტურიენტთა გარკვეული ნაწილი გამოცდისათვის სათანადოდ არ იყო მომზადებული და ეს საერთო შედეგზე აისახება.

- პირველადი მონაცემებით რამდენმა აბიტურიენტმა გადალახა ზღვარი? რამდენმა მიიღო მაქსიმალური ქულა?

- ეს არის პირველადი შედეგი და მოგეხსენებათ, რომ აბიტურიენტებს შეუძლიათ გაასაჩივრონ მიღებული ქულა, რამაც საერთო სურათზე შეიძლება იქონიოს გავლენა. ამ ეტაპზე პირველადი მონაცემების თანახმად, მაქსიმალური ქულა მიიღო 85-მა აბიტურიენტმა. რაც შეეხება კითხვას, თუ რამდენმა გადალახა მინიმალური კომპეტენციის ზღვარი, საგულისხმოა, რომ გათანაბრების შედეგად ზღვრის გადალახვის შესაძლებლობას ის აბიტურიენტიც ინარჩუნებს, რომლის პირველადი ქულა მინიმალური კომპეტენციის ზღვარზე ნაკლებია, მაგრამ მასთან ახლოსაა. ამიტომ დაველოდოთ საბოლოო შედეგებს.

- რომელი დავალების შესრულება გაუჭირდათ გამოსაცდელებს ყველაზე მეტად?

- დეტალური სტატისტიკური ანალიზი მოგვიანებით გამოქვეყნდება.

ზოგადად, ყველაზე რთული წერითი დავალებაა, შესაბამისად, აბიტურიენტებს უფრო მეტად მისი შესრულება უჭირთ.

- რომელი ტიპის დავალებაში მიიღეს აბიტურიენტებმა ყველაზე მაღალი შეფასება?

ყველაზე მაღალ შეფასებას აბიტურიენტები, ტრადიციულად, წაკითხულის გააზრების შესამოწმებელი დავალებების ნაწილში იღებენ, შემდეგ მოდის ტექსტის რედაქტირება.

პირველადი მონაცემების მიხედვით, ქართულ ენასა და ლიტერატურაში დაწერილი მაქსიმალური შეფასება რეკორდულია. შედარებისთვის:

• 2023 წელს ქართულ ენასა და ლიტერატურაში მაქსიმალური 60 ქულა 74-მააბიტურიენტმა მიიღო.
• 2022 წელს ქართულ ენასა და ლიტერატურაში მაქსიმალური 60 ქულა - 64-მა აბიტურიენტმა მიიღო.
• 2021 წელს ქართულ ენასა და ლიტერატურაში მაქსიმალური შეფასება - 70 ქულა 17-მა აბიტურიენტმა მიიღო.
• 2020 წელს ქართულ ენასა და ლიტერატურაში მაქსიმალური შეფასება - 70 ქულა 20-მა აბიტურიენტმა მიიღო.

ქულების გამოქვეყნება 5 აგვისტოდან უცხოური ენის შედეგით განახლდება.

აბიტურიენტები, რომლებმაც ქართული ენისა და ლიტერატურის ეროვნულ გამოცდაზე უმაღლესი ქულები მიიღეს: ამ შეგრძნებას არაფერი შეედრება

რომელ საგანში იჭრება ერთიან ეროვნულ გამოცდებზე ყველაზე მეტი აბიტურიენტი და რომელ საგანში იწერება ყველაზე მაღალი ქულები - სტატისტიკური ანალიზი

რამდენი აბიტურიენტი იღებს გრანტს და რამდენი ხვდება უნივერსიტეტში ეროვნული გამოცდების შემდეგ - ბოლო წლების სტატისტიკური მონაცემები

თამარ იაკობაშვილი