"არც ფქვილი აქვს, არც კვერცხი, არც ხარშვა სჭირდება და წამებში მზადაა" - განსხვავებული კრემი ალეკო ჯავაშვილის რეცეპტით - მშობლები

"არც ფქვილი აქვს, არც კვერცხი, არც ხარშვა სჭირდება და წამებში მზადაა" - განსხვავებული კრემი კრემი ალეკო ჯავაშვილის რეცეპტით

შეფ მზარეული ალეკო ჯავაშვილი თავის გამომწერებს ორიგინალურ რეცეპტს სთავაზობს, რომლითაც კრემის მომზადება არათუ წუთებში, წამებშია შესაძლებელი. არც კვერცხი სჭირდება, არც ფქვილი და არც წამოდუღება.

ხშირად მიწევს მაიონეზის კეთება და ერთ-ერტი სახეობის მომზადებას რძე და ზეთი სჭირდება. სწორედ აქედან მოვიფიქრე ეს რეცეპტი. შეიძლება სახლში საერთოდ არ გქონდეთ გრამების ასაწონი სასწორი, ამიტომ ერთნაირი ზომის ჭიქები გამოიყენეთ. მე ერთჯერად ჭიქებს ვიყენებ.

აიღეთ 3 ერთნაირი ჭიქით რძე, ზეთი (უმჯობესია, ზეითუნის), შაქარი და კაკაო ვანილით.

ჩავასხათ ჭურჭელში რძე. დავამატოთ ზეთი, შაქარი, კაკაო, ვანილი და დავიწყოთ ხელის ბლენდერით თქვეფა (როგორც მაიონეზის მზადებისას). რამდენიმე წამში კრემი მზადაა. აუცილებლად შედგით რამდენიმე საათით მაცივარში, რათა გამყარდეს. თუ მაშინვე გიდათ გამოყენება და უფრო მყარი მასა გჭირდებათ, ზეთი დაამატეთ და ბლენდერით თქვეფა განაგრძეთ.

მივიღეთ კრემი, რომელსაც არც ფქვილი აქვს, არც კვერცხი, არც მოხარშვა უნდა და წამებში კეთდება.

ლიმონის კექსი „არაფრისგან“ - ცნობილი მზარეულის სუპერბიუჯეტური სამარხვო დესერტი

უფრო ახლოს გაიცანით შეფ-მზარეული ალექსანდრე ჯავაშვილი, რომელსაც სოციალურ ქსელებში უამრავი გულშემატკივარი ჰყავს