ფეხსაცმლის ჩამოსატანად თვითმფრინავი გაგზავნა, სარეცხს მსახურებს ხელით არეცხინებს... - დედოფალ კამილას ყველაზე აბსურდული მოთხოვნები და ახირებები, რომლებსაც მსახურებს უყენებს - მშობლები

კამილა პარკერ ბოულზი 2005 წელს პრინცი ჩარლზის ცოლი გახდა და კორნუოლის ჰერცოგინიას სტატუსიც მიიღო. მის მეუღლეს უინძორების სასახლეში ყველაზე კაპრიზული ადამიანის რეპუტაცია ჰქონდა და მეტსახელად "განებივრებულ პრინცსაც" უწოდებდნენ. მეტიც, სასახლის თანამშრომლები ჩარლზის უცნაური ახირებებით აღშფოთებულები იყვნენ. თუმცა, როგორც ცნობილია, მეუღლეს უცნაურ ჩვევებსა და მოთხოვნებში არც კამილა ჩამოუვარდება და ქვეშევრდომებს სრულიად წარმოუდგენელ მოთხოვნებს უყენებს.

როგორც ცნობილია, კამილა პარკერ ბოულზი, იქ, სადაც გამგზავრებასა და ღამის გათევას, სადილს ან ვახშამს აპირებს, მოთხოვნების სიას წინასწარ აგზავნის. სიაში აღწერილია, რა უნდა დახვდეს მას ადგილზე, რომ თავი კომფორტულად იგრძნოს. მაგალითად, როგორი საძინებელი და ავეჯი უნდა იყოს, რა უნდა დახვდეს მენიუში და ასე შემდეგ.

ცოტა ხნის წინ გავრცელდა ინფორმაცია, თითქოს, კამილამ იმ ფეხსაცმლის ჩამოსატანად, რომელიც უცხოური ტურისთვის შეუკერეს და შემთხვევით ქუვეითში ვიზიტით მყოფს იქ დარჩა, სამეფო თვითმფრინავი გააგზავნა. თუმცა, სამეფო ოჯახმა ეს ინფორმაცია უარყო და აღნიშნა, რომ თვითმფრინავი ქუვეითში საქმიანი მიზნით გაემგზავრა.

სხვათა შორის, კამილასთვის უცხოური ვიზიტები დიდი გამოწვევაა, რადგანაც როგორც ცნობილია, დედოფალს თვითმფრინავები არ უყვარს, მაგრამ ცდილობს, სახელმწიფოს ინტერესები გაითვალისწინოს და სიმტკიცე შეინარჩუნოს. იმ შემთხვევაში, როდესაც კამილა და ჩარლზი საქმიანი ვიზიტით რომელიმე ქვეყანაში მიემგზავრებიან, თვითმფრინავში სრული კომფორტი უნდა იყოს. აღსანიშნავია, რომ წყვილი თითქმის 80 წლისაა.

თუმცა, ეს ყველაფერი არ არის... პრინცი ჩარლზი და დედოფალი კამილა თანამშრომლებს სთხოვენ, რომ ტანსაცმელი ხელით გარეცხონ. ამის შესახებ გამოცემა The Daily Mail წიგნზე "არა მხოლოდ კორგის წინ: ცხოვრების საიდუმლოებები სასახლის ფარდების მიღმა" წერს. სამეფო ბიოგრაფი, ბრაიან ჰოუ წერს, რომ დედოფალი კამილას მოთხოვნით, ტანსაცმელი სარეცხის მანქანას არ უნდა შეეხოს.

როდესაც სასახლის უცნაურ წესებზე ვსაუბრობთ, ელისაბედ II უნდა გავიხსენოთ. ცნობილია, რომ მრავალი წლის წინ დედოფალმა ელისაბედ მეორემ სასახლეში მტვერსასრუტის გამოყენება აკრძალა. დედოფალს ხმაური აწუხებდა და თანამშრომლებს სთხოვდა, რომ ოთახები ტექნიკის გამოყენების გარეშე დაესუფთავებინათ.