როცა ბავშვი საახალწლოდ ძვირადღირებულ სათამაშოს ითხოვს - როგორ უნდა მოახერხოთ, რომ პატარას ოცნებები  ზედმეტი ხარჯების გარეშე აუსრულდეს - მშობლები

რა ვაჩუქოთ ბავშვს საახალწლოდ - ეს კითხვა წინასაახალწლო პერიოდში ყველაზე ხშირად ისმის. რა თქმა უნდა, პატარები საჩუქრებს სანტა კლაუსს აბარებენ და ამ საჩუქრების ღირებულებაზე მშობლებს უწევთ თავის მტვრევა.

პატარას, რომელსაც ჯერ კიდევ სანტა კლაუსის არსებობის სჯერა, ბოლომდე არ ესმის, საჩუქარი ძვირია თუ იაფი. ცდუნების შესამცირებლად მოერიდეთ წინასაახალწლოდ ბავშვთან ერთად საბავშვო მაღაზიებში შესვლას, განსაკუთრებით ისეთებში, სადაც შოპინგის საშუალება არ გაქვთ.

მეორეც, როცა ბავშვი თოვლის პაპას რამე "აბარებს", შეეცადეთ გაარკვიოთ, რა სურს. ეს ეტაპი ყველაზე შესაფერისია, რომ დროულად უნდა შესთავაზოთ ალტერნატივა.

მესამე, აუხსენით, რომ თოვლის ბაბუა არ არის ჯადოქარი, ის ვერ მოუტანს ჯადოსნურ ხალიჩას და ჯადოსნურ ჯოხს. საკმარისია, აუხსნათ, რომ სანტა კლაუსი სათამაშოებს ჩვეულებრივ მაღაზიებში ყიდულობს, ამიტომ მას რაიმე რეალური უნდა შეუკვეთოს.

მეოთხე, შეგიძლიათ გამოიყენოთ ლაიფ ჰაკი. თავიდანვე უთხარით შვილს, რომ საახალწლოდ აჩუქებთ იაფფასიან საჩუქარს, მაგალითად, ტკბილეულს, რადგან თოვლის ბაბუა ცოტა გვიან გამოუგზავნის ნამდვილ საჩუქარს. ამ გზით თქვენ გადაავადებთ ხარჯებს, რომლებიც საახალწლოდ ისედაც ძალიან ბევრია.

მიუხედავად ყველაფრისა, არ დაგავიწყდეთ ლეგენდის შესანარჩუნებლად ხის ქვეშ დატოვოთ ბარათი ან გამოიყენეთ სანტა კლაუსის ფოსტა, რომლის მეშვეობითაც შეგიძლიათ გაგზავნოთ არა მხოლოდ წერილი, არამედ წინასწარ შეძენილი საჩუქარიც.

იმ სიტუაციაში, როდესაც საჩუქარს ითხოვენ არა თოვლის ბაბუისგან, არამედ თქვენგან, საკითხი კიდევ უფრო მარტივად წყდება. არ არის საჭირო ლეგენდები და შეგიძლიათ მშვიდად შეთანხმდეთ.

თუ თქვენმა შვილმა მთელი სია შეადგინა, ჰკითხეთ, რომელი სურს ყველაზე მეტად. რატომ სურს ეს კონკრეტული სათამაშო - საბავშვო ბაღში აქვს ვინმეს და იმიტომ თუ მართლაც მისი სურვილია? შეუძლია თუ არა მას გრძელი სიის დაყვანა ერთ ან ორ საჩუქარზე?

მშობლების ნაწილს მიაჩნია, რომ თუ ბავშვის იმპულსურ სურვილებს დაემორჩილება, ეს ქცევის ისეთ ნიმუშს ჩამოუყალიბებს, რომ ზრდასრულ ასაკში დაუფიქრებლად დახარჯავს ფულს. ამაში არის გარკვეული სიმართლე, მაგრამმეორეს მხრივ, ფსიქოლოგები აღნიშნავენ, რომ არ ღირს ბავშვისთვის მკაცრი აკრძალვის დაწესება და შეზღუდვა, რადგან ეს მის ფანტაზიასაც ზღუდავს, აყალიბებს დამოკიდებულებას, რომ ოცნებები არარეალურია და უნდა იცხოვრო მოკრძალებულად და მეტისკენ არ ისწრაფო.

ეცადეთ, პატარაობიდანვე მარტივი სიტყვებით აუხსენათ, რა არის ნივთის ფასი, რას ნიშნავს, ძალიან ძვირი ნივთი. ამავდროულად, არ ღირს მკაცრ საზღვრებში მოქცევა. ბავშვს ჯერ კიდევ უნდა ჰქონდეს რწმენა, რომ თუ ბევრს იმუშავებს, ჯილდოს მიიღებს, ხოლო თუ რაიმეზე იოცნებებს, მისი სურვილი ახდება. ცხოვრებაში უნდა იყოს ადგილი სპონტანურობისთვის, უბრალოდ, ეს არ უნდა იქცეს ცხოვრების წესად.

რა არ უნდა გააკეთოთ ამ დროს:

• თუ ბავშვი ჯერ კიდევ ძალიან პატარაა თქვენთან დიალოგისთვის და კომპრომისებისთვის, არ წაიყვანოთ მაღაზიაში, სადაც სათამაშოების დიდი არჩევანია. რა თქმა უნდა, თვალები გაუბრწყინდება, ყველაფერს ჩაეჭიდება და მერე ტირილით და ისტერიკებით წამოიყვანთ იქიდან.
• არ უნდა დაჰპირდეთ ისეთ რამეს, რასაც ვერ შეუსრულებთ. თუ ფორსმაჟორი მოხდა, შეეცადეთ აუხსნათ ეს ბავშვს ისე, რომ არაფერში დაადანაშაულოთ.
• მაშინვე არ უნდა გაიქცეთ და იყიდოთ ის, რაც ბავშვმა ითხოვა. მიეცით მას გადაწყვეტილების მიღების ვადა. უხეშად რომ ვთქვათ, 1 დეკემბერს თქვით: „დროა იფიქრო იმაზე, რაც გინდა საახალწლოდ“ და მიეცით მას 2 კვირა, რომ იფიქროს. დამიჯერეთ, მინიმუმ10-ჯერ შეიცვლის აზრს. უთხარით მას დღე, როდესაც გადაწყვეტილების შეცვლა აღარ არის შესაძლებელი. თუ სანტა კლაუსს წერილს წერთ, მაშინ ყველაფერი მარტივია: ეს არის წერილის გაგზავნის თარიღი.
• არ შეიძლება მკვეთრად და უხეშად, რომ საჩუქრის ფული არ გაქვთ. პატარა ბავშვებს არ ესმით ეს. მათთვის ფულის ცნება ძალიან აბსტრაქტულია. აუხსენით, რომ თქვენ უნდა იყიდოთ ქურთუკი ზამთრისთვის და დარჩენილ ფულს საჩუქარზე დახარჯავთ. და შეეცადეთ, ერთად შეარჩიოთ ის ვარიანტი, რომელიც ბავშვს მოეწონება. რა თქმა უნდა, ეს ეხება მშობლების საჩუქარს და არა საჩუქარს თოვლის ბაბუისგან.
• არ უთხრათ უარი სურვილების გამოთქმაზე. დაე, ყოველთვის თამამად დაასახელოს თავისი სასურველი სათამაშოები. წინააღმდეგ შემთხვევაში, მომავალში ასეთი ბავშვი ძალიან მორცხვი, ჩაკეტილი იქნება და იმასაც აღარ მოითხოვს, რაც სამართლიანად ეკუთვნის. ყოველი უარი უნდა იყოს გამართლებული და ყოველთვის უნდა იყოს იმედი, რომ აუცილებლად მიიღებს საჩუქარს. ნუ გაუცრუებთ ბავშვს მოლოდინებს.

საახალწლო საჩუქარი პატარებისთვის - მაგნიტური მოზაიკა, რომელიც საბავშვო კარუსელის დეკემბრის ნომერთან ერთად გამოვა