ბათუმელი მსახიობის თურქული წარმატება - ნანუკა სტამბოლიშვილის გზა ვარსკვლავობამდე და ოჯახური ფოტოები - მშობლები

ნანუკა სტამბოლიშვილს დღეს უკვე უამრავი ადამიანი იცნობს საქართველოშიც და თურქეთშიც. ის ცნობილი თურქული სერიალის "სხვისი შვილის" მესამე სეზონში გამოჩნდა და მეოთხე სეზონშიც გაიბრწყინა. როგორც ამბობენ, სრულიად ახლებური სული შთაბერა ამ სერიალს და ცოტა ხნის წინ საგანგებოდაც დააჯილდოეს თურქეთში, საუკეთესოდ შესრულებული როლებისთვის. ჯილდო დააწესა Legend Fashion Magazine-მა და მანვე გადასცა სპეციალურად მოწყობილ ღონისძიებაზე.

როგორც ცნობილია, ნანა ბათუმელი მოცეკვავე, მსახიობი და მოდელია. ბათუმში ცხოვრობს მისი ოჯახი - დედ-მამა და ძმა, რომელიც ასევე მოცეკვავეა.

ბათუმშივე შექმნა ნანამ ოჯახი ლაშა მგელაძესთან. წყვილს ერთი შვილი ჰყავს.

გარდა სამსახიობო საქმიანობისა, ნანა დიზაინერია და საკუთარი თანსაცმლის ბრენდი აქვს - Kartveli Nana. მის ბიოგრაფიაში არის ასევე მონაწილეობა ბაიარ შაჰინის კლიპში Odoshani და მიუზიკლში "საქართველო".