29 იანვარს ჩინური ახალი წელია - რას გვპირდება მწვანე ხის გველი ოჯახის, კარიერისა და ფინანსების კუთხით - მშობლები
29 იანვარს ჩინური ახალი წელია - რას გვპირდება მწვანე ხის გველი ოჯახის, კარიერისა და ფინანსების კუთხით
29 იანვარს ჩინური ახალი წელია და მწვანე ხის გველის წელიც ოფიციალურად დაიწყება. გველის წელში პირველი ახალმთვარეობა მერწყულის ნიშანშია. როგორც ასტროლოგები ამბობენ, 2025 წელი მარტივ გზას არ გვპირდება, შესაძლოა, სხვადასხვა დაბრკოლებისა და სირთულის წინაშე აღმოვჩნდეთ. მაგრამ, ამავდროულად, ეს სიბრძნის გამოვლენის წელი იქნება, როდესაც ყველა ადამიანს ექნება შესაძლებლობა, გამოასწოროს შეცდომები და საკუთარი მიზნებისა და ოცნებების ასასრულებლად ბევრად ეფექტური ნაბიჯები გადადგას.
გველი ჩინურ ასტროლოგიაში სიბრძნესთან და მოთმინებასთან ასოცირდება. ამიტომაც, ეს წელი მთელ მსოფლიოში ბევრ რამეს შეცვლის. გველი თითოეულ ადამიანს დაეხმარება, რომ დათრგუნოს ეგოიზმი და რეალობა ობიექტურად შეაფასოს.
მიმდინარე წლის მთავარი სიმბოლო ყველაზე მეტად მოთმინებასა და სიტუაციის ანალიზის უნარს აფასებს. გველი მოგვცემს შესაძლებლობას, გავაცოცხლოთ ან თავიდან დავიწყოთ ის საქმეები, პროექტები, რომელთა განხორციელებაზეც ადრე ვოცნებობდით, მაგრამ სხვადასხვა მიზეზით ვერ შევძელით.
ასევე, ასტროლოგები გვირჩევენ, რომ არ ვიჩქაროთ და ყველაფრის ერთდროულად განხორციელება არ დავგეგმოთ. 24 თებერვალს პლანეტა მარსი რეტროგრადულ მოძრაობას ასრულებს და სწორედ ამ პერიოდიდან შეგვიძლია, ცვლილებებზე უფრო აქტიურად ვიმუშაოთ.
წელი მერწყულის იუპიტერთან ძალიან კარგი ასპექტით იწყება. ამიტომაც, ასტროლოგები თვლიან, რომ 2025 წელი სოციალური რეალიზაციისა და ახალი პროექტების წელია. ეს კომბინაცია ხელს უწყობს ნებისმიერ წამოწყებას, რაც სოციალურ ან საზოგადოებრივ მიმართულებას უკავშირდება.
მერწყული ძალიან მეგობრული ნიშანია. ახლა არა მხოლოდ საკუთარ თავზე, არამედ გარშემომყოფებზეც უნდა ვიზრუნოთ და ვიფიქროთ. "ჯერ დაფიქრდით და შემდეგ იმოქმედეთ" - სწორედ ესაა ასტროლოგების მთავარი რჩევა. ისინი მოგვიწოდებენ, რომ იმპულსური გადაწყვეტილებებისაგან თავი შევიკავოთ და დრო სიტუაციის ანალიზს დავუთმოთ.
თუ დაქორწინებას გეგმავთ, ასტროლოგები გირჩევენ, რომ ეს 30 მარტამდე ან 22 ოქტომბრის შემდეგ, წლის ბოლომდე გადაწყვიტოთ.
წლის პირველი ნახევარი ფინანსური თვალსაზრისით ჰაერისა და ცეცხლის ნიშნებს განსაკუთრებულ წარმატებას ჰპირდება. მეორე ნახევარში კი წყლისა და მიწის ნიშნებს გაუმართლებთ. ასევე, როგორც აღვნიშნეთ, ეს წელი ძველი პროექტებისა და მიზნების გასაცოცხლებლად შესანიშნავ შესაძლებლობას გვაძლევს.
