იქნება თუ არა საბავშვო ბაღებში საგაზაფხულო არდადეგები და რამდენი დასვენების დღე დარჩა სასწავლო წლის დასრულებამდე - მშობლები
იქნება თუ არა საბავშვო ბაღებში საგაზაფხულო არდადეგები და რამდენი დასვენების დღე დარჩა სასწავლო წლის დასრულებამდე
როგორც ცნობილია, სკოლებში საგაზაფხულო არდადეგები 8 მარტიდან დაიწყება და 15 მარტამდე გაგრძელდება. თუმცა, საბავშვო ბაღებში საგაზაფხულო არდადეგები ოფიციალურად გამოცხადებული არ არის. ამის შესახებ თბილისის საბავშვო ბაგა-ბაღების მართვის სააგენტოში გვითხრეს.
საბავშვო ბაღებში ოფიციალურად უქმე დღეებში ისვენებენ. შესაბამისად, სასწავლო წლის დასრულებამდე შემდეგი დასვენების დღეები დარჩა:
- 3 მარტი - დედის დღე
- 8 მარტი - ქალთა საერთაშორისო დღე
- 9 აპრილი - საქართველოს სახელმწიფოებრივი დამოუკიდებლობის აღდგენის აქტის მიღების დღე, საქართველოს ეროვნული ერთიანობის, სამოქალაქო თანხმობისა და სამშობლოსათვის დაღუპულთა მოგონების დღე.
- 9 მაისი - ფაშიზმზე გამარჯვების დღე
- 12 მაისი - ანდრია პირველწოდებულის ხსენების დღე, ყოვლადწმინდა ღვთისმშობლისადმი საქართველოს წილხვდომილობის დღე.
- 26 მაისი - საქართველოს დამოუკიდებლობის დღე
ოფიციალურად,სააღდგომო დღეებშიდასვენებაა: დიდი პარასკევი, დიდი შაბათი, აღდგომა, მიცვალებულთა მოხსენიების დღე. 2025 წელს აღდგომა 20 აპრილსაა. შესაბამისად, ბაღებშიც 18 აპრილიდან 21 აპრილის ჩათვლით დაისვენებენ.
ბაღებში სასწავლო-სააღმზრდელო პროცესი ივნისის ბოლოს სრულდება.
თამარ იაკობაშვილი
