4 ნიშანი სიზმარში, რომლებსაც თურმე აუცილებლად უნდა მივაქციოთ ყურადღება - ისინი მნიშვნელოვან გაფრთხილებას გვაძლევენ - მშობლები

არიან ადამიანები, რომლებსაც გაღვიძებისას სიზმარი არ ახსოვთ. ზოგი, პირიქით, დილით ყველაფერს შესანიშნავად აღიდგენს. ხშირად ამბობენ, რომ სიზმარი მნიშვნელოვან ინფორმაციას ატარებს და ზოგიერთ დეტალს განსაკუთრებული მნიშვნელობა აქვს. ნათელმხილველები და ეზოთერიკოსები ამბობენ, რომ სიზმრები შემთხვევით არ გვეგზავნება და არის გარკვეული მინიშნებები, რომელთა უგულებელყოფა არ შეიძლება:

1. საშიში უცნობი

თუ სიზმარში უცნობ ადამიანს ნახავთ, მნიშვნელოვანია იმის დამახსოვრება, თუ რა განწყობა გაქვთ. თუ სიზმარში უცხო ადამიანის გეშინიათ, ის თქვენს სახლში შემოჭრას ან რაიმე ცუდ განზრახვას გამოხატავს, ფრთხილად იყავით. ეს ნიშნავს, რომ თქვენს ცხოვრებაში მალე არაკეთილსინდისიერი ადამიანი შემოვა და შესაძლოა, ტყუილის, ინტრიგების, თაღლითობის მსხვერპლი გახდეთ. როგორც ამბობენ, ასეთი სიზმრით სამყარო გაფრთხილებას გიგზავნით. სხვათა შორის, ხშირად სიზმარი უცხო ადამიანზე, რომელიც შიშსა და შფოთვას იწვევს, მიანიშნებს მტერზე, რომელიც ენერგეტიკული რიტუალით ცდილობს, ზიანი მოგაყენოთ.

2. ფრენა

ტრადიციულად, სიზმარში ფრენა ადამიანების წარმატების მწვერვალზე მიუთითებს, მაგრამ ეს ინტერპრეტაცია ზედაპირული და მცდარია. სინამდვილეში, ეს ნიშანია, რომ გამოფხიზლდეთ, მიწაზე დაეშვათ და მოვლენებს რეალისტურად შეხედოთ. თუ ფრენის ეპიზოდი რამდენჯერმე მეორდება და გაღვიძების შემდეგაც კარგად იბეჭდება მეხსიერებაში, თქვენს ცხოვრებაში რაღაც სასწრაფოდ უნდა შეცვალოთ.

3. დევნა

თუ სიზმარში ხედავთ, რომ გდევნიან და გეშინიათ, მაგრამ ვერ ხედავთ, ვინ მოგდევთ, ვისი გეშინიათ, ეს, სავარაუდოდ, ქვეცნობიერში პრობლემის იგნორირების მცდელობაზე მიუთითებს. დაჩაგვრის შეგრძნება იმის სიმბოლოა, რომ არ გვინდა, თვალი გავუსწოროთ იმ რეალობას, რაც ჩვენ წინაა. ასეთი სიზმარი იქამდე განმეორდება, ვიდრე ადამიანი კონკრეტულ გადაწყვეტილებას არ მიიღებს და პრობლემას არ მოაგვარებს.

4. კბილები

უძველესი დროიდან კბილები ადამიანის ჯანმრთელობის სიმბოლოდ ითვლებოდა. შესაბამისად, თუ მათ სიზმარში რაიმე სჭირთ, ფრთხილად უნდა იყოთ და განსაკუთრებული ყურადღება გამოიჩინოთ. თუ სიზმარში კბილი დაკარგეთ, სისხლი მოგდით ან რაიმე ფორმით დაზიანდა, ეს მიანიშნებს, რომ ადამიანს შესაძლოა, ჯანმრთელობის პრობლემა შეექმნას ან ახლო ადამიანი დაკარგოს.