ფრაზები, რომლებიც უფროს შვილებს ემოციურ ტრავმას აყენებს - მშობლები

წარმოიდგინეთ, რომ ხართ ერთადერთი და საყვარელი შვილი და უეცრად გაჩნდება კიდევ ერთი - რომელიც ყურადღებას მოითხოვს, გამუდმებით ტირის და კიდევ იკავებს თქვენს ოთახს, მშობლების ყურადღებას, თავად კი თითქოს მეორე პლანზე გადადიხართ.

„მხოლოდ წარმოიდგინეთ ბავშვის გრძნობები: მან უნდა „გაუნაწილოს" მშობლები, სათამაშოები, ხშირად საკუთარი ოთახი. ასევე დაეკისრება არაბავშვური პასუხისმგებლობა: იგრძნობს, რომ მშობლები მისგან ისეთ რამეს მოელიან, რაც მას არ შეუძლია" - ამბობს ფსიქოლოგი კამილა როშე.

ექსპერტის თქმით, უფროსებს ავიწყდებათ, რომ ბავშვი, იმის გამო, რომ უცროსი და ან ძმა გაუჩნდა, სწრაფად ვერ გაიზრდებოდა, რომ ის ისევ პატარა ბავშვია. აღარ ეპყრობიან ძველებური გაგებით მის ქცევას. საბოლოო ჯამში, მასთან ისეთ ფრაზებით საუბარს იწყებენ, რომლებიც სერიოზულად აზიანებენ ბავშვის ფსიქიკას. წარმოგიდგენთ მათგან ყველაზე გავრცელებულებს და შეეცადეთ, რაც შეიძ₾ება იშვიათად გამოიყენოთ ისინი.

1. „როცა შენ იყავი პატარა, შენც ასე გივლიდით!"

ასე ამბობენ, როცა სურთ, გაკიცხონ ბავშვი, როდესაც იგი ყურადღების მიქცევას ცდილობს. სინამდვილეში კი იგი არ არის დამნაშავე იმაში, რომ უფროსი შვილი გახდა და არ უნდა გრძნობდეს თავს მოვალედ თავის მშობლებთან ან უმცროს და-ძმასთან მიმართებაში.

2. „შენს პატარა დაიკოს მოვლაში დედას უნდა დაეხმარო"

დიახ, ერთმანეთის დახმარება ნორმალურია, მაგრამ უსამართლოა გაკიცხო ბავშვი იმისთვის, რომ არ გეხმარებათ უმცროსის მოვლაში. როგორც ამას არ უნდა შეხედოთ, მშობლები აქ თქვენ ხართ, ხოლო იგი იგივე ბავშვია, როგორც მისი პატარა ძმა ან და, უბრალოდ ოდნავ უფროსი.

3. „შენ უნდა ასწავლო და მაგალითი მისცე"

ეს ფრაზა საშიშია იმიტომ, რომ დამატებით წნეხს ახდენს უფროს ბავშვზე. მის შეგნებაში მკვიდრდება აზრი, რომ მას შეცდომის უფლება არ აქვს, ხოლო ამის შემდეგ ჩნდება ზედმეტი პასუხისმგებლობის გრძნობაც: თუ უმცროსმა რაღაც დააშავა ან არასწორად გააკეთა, ესე იგი უფროსმა არასწორი მაგალითი მისცა.

4. „დიდი ხარ და უნდა დაუთმო"

მოზრდილებისთვის ეს საკმაოდ ლოგიკურია: თუ ჩვილს რაღაცის ახსნა არ შეუძლია, მაშინ საკითხი მის სასარგებლოდ გადაწყდება, ხოლო უფროსთან შეიძლება შეთანხმება. მაგრამ ბავშვისთვის ეს ჟღერს მოთხოვნად, რომ მსხვერპლად გაიღოს საკუთარი სურვილები და ინტერესები „მოწინააღმდეგის" სასარგებლოდ, მხოლოდ მისი ასაკის გამო. როგორც ხვდებით, ამით პატარის მიმართ სიყვარული არ მოემატება.

5. „უკვე დიდი ხარ, შენ არ უნდა იტირო!"

აქ ყველაფერი მარტივია: ცრემლების აკრძალვა საბოლოო ჯამში გაუქმებს ბავშვის ემოციებს და აიძულებს მათ ჩახშობას. დამატებით კიდევ ასაკთან დაკავშირება, რომელიც სინამდვილეში ჯერ კიდევ ბავშვური და მგრძნობიარეა. დაიმახსოვრეთ სამუდამოდ: უფროსი შვილი არ ნიშნავს ზრდასრულს.

6. „მიეცი, რა, და გაჩუმდება"

თუ ბავშვი არ სურს სათამაშოს მიცემა, არ უნდა აიძულოთ, მით უფრო მისი ასაკის გამო. დიახ, დაღლილი მშობლები ხშირად ცდილობენ ამით მცირე შვება მოიპოვონ. მაგრამ ამ შემთხვევაში სისუსტე უმცროსის მიმართ იქცევა უსამართლობად უფროსის მიმართ.