24 წლის გიგა დაუშვილი 9 თებერვალს დაიკარგა თბილისში და თვეზე მეტხანს ეძებდნენ ოჯახის წევრები და სამართალდამცველები. სამწუხაროდ, ცოტა ხნის წინ ახალგაზრდა გარდაცვლილი იპოვეს. დეტალები საზოგადოებისთვის ექსპერტიზის შემდეგ გახდება ცნობილი.
გიგას მეგობრები და ოჯახის წევრები სოციალურ ქსელშიც ემშვიდობებიან.
"გიგა, მართლა არ ვიცი რა ვთქვა. ბოლომდე მქონდა იმედი, ბოლომდე მჯეროდა, რომ გამოჩნდებოდი და დაბრუნდებოდი სახლში, მაგრამ სამწუხაროდ, ყველაფერი ბედნიერად არ მთავრდება. უზომოდ მიყვარხარ და მეყვარები. ნამდვილად სიმართლეა, რომ ღმერთს თავისთვის ყოველთვის კარგი ადამიანები უნდა. მჯერა, რომ აუცილებლად გიხილავ ისევ და ისევ ჩვენს ძველ ისტორიებს გავიხსენებთ, ისევ ისე ვიცინებთ, ისევ კარგ დროს გავატარებთ და ბედნიერები ვიქნებით ერთად... ნათელში იყოს შენი სული, ჩემო ძმა და მეგობარო..."
"შენზე წარსულში როგორ ვილაპარაკო, დეი... დროებით, ჩემო გულის ნაწილო. შენ იცი, ვინ ხარ ჩემთვის, ჩვენ დეიდა-დისშვილი არ ვართ მხოლოდ, ჩვენ სულ სხვა ურთიერთობა გვაქვს, მე და შენ, შენ და მე, ასე ვიყავით და ვიქნებით სულ, სანამ ვიარსებებ ამ ქვეყანაზე. მერე კი, ვიცი პირველი შენ შემომეგებები, როცა სამუდამოდ დავიდებ ბინას შენთან. მიყვარხარ უკიდეგანოდ..."