მეფე ჩარლზმა უილიამს უკანასკნელი სურვილი გაანდო... - ანდერძი კამილას ეხება - მშობლები
მეფე ჩარლზმა უილიამს უკანასკნელი სურვილი გაანდო... - ანდერძი კამილას ეხება
გასულ კვირას გაერთიანებული სამეფოს მეფე საავადმყოფოში მოხვდა. ის არ აპირებს დანებებას და მზადაა ვერაგ დაავადებასთან ბრძოლა განაგრძოს. თუმცა, ჩარლზ III მაინც წუხს თავისი ახლობლების მომავალზე.
უკვე ერთ წელზე მეტია, რაც ჩარლზ III პროსტატის კიბოს ებრძვის. როდესაც მეფემ თავისი დიაგნოზის შესახებ შეიტყო, ხელი არ ჩაუქნევია და სერიოზულად მოეკიდა მკურნალობას. მას დღემდე სჯერა, რომ ყველაფერი კარგად იქნება, მით უმეტეს, მას შთააგონებს კეიტ მიდლტონის მაგალითი, რომელმაც ონკოლოგიას სძლია.
თუმცა, გასულ კვირას ბუკინგემის სასახლიდან შემაშფოთებელი ამბები მოვიდა — ჩარლზი საავადმყოფოში მოხვდა. 27 მარტს მონარქს გეგმიური შეხვედრა ჰქონდა მკურნალ ექიმებთან. გამოკვლევის შედეგად მას "დროებითი გვერდითი ეფექტები" აღმოაჩნდა, რომლებიც ონკოლოგიასთან ბრძოლამ გამოიწვია. ამიტომ მმართველი იძულებული გახდა გარკვეული დრო საავადმყოფოში გაეტარებინა სპეციალისტების მეთვალყურეობის ქვეშ. თუმცა, მისმა წარმომადგენლებმა აღნიშნეს, რომ შეშფოთების მიზეზი არ არსებობს და მალევე დაბრუნდება სახლში. ამასთან, ექიმებმა მონარქს რამდენიმე დაგეგმილი ღონისძიების გაუქმება ურჩიეს.
როგორც ჩანს, ჩარლზი შეშინებულია მოულოდნელი გართულებებით და უკვე გადასცა პრინც უილიამს რამდენიმე თხოვნა, რომელიც მისი სიკვდილის შემთხვევაში უნდა აღსრულდეს.
ყველაზე მეტად მეფე იმაზე წუხს, თუ როგორ წარიმართება დედოფალ კამილას ცხოვრება მისი წასვლის შემდეგ. ამიტომ, პირველ რიგში, მან სწორედ მეუღლესთან დაკავშირებით გამოთქვა თავისი მოთხოვნები. ჩარლზმა მოითხოვა, რომ კამილას სასახლისა და მისი ფინანსებით განკარგვის უფლება მიეღო, იუწყება RadarOnline. იგი იმედოვნებს, რომ ამგვარად დედოფლისადმი პატივისცემას მიაღწევს მისი გარდაცვალების შემდეგაც.
ინსაიდერების თქმით, ახლა, როცა მონარქმა საყვარელი ადამიანის ბედზე იზრუნა, კამილა თავს ხელშეუხებლად გრძნობს. ამიტომ ის პოზიციებს იმყარებს, რათა სამეფო საკუთრება, მსახურთა სრული შტატი და უხვი ხარჯები მოიპოვოს ტანსაცმელსა და მოგზაურობაზე, ასევე წვდომა მის საყვარელ სამკაულებზე.
თუ პრინცი უილიამი შეასრულებს ამ მოთხოვნას, მაშინ სანაცვლოდ მას შეუძლია ჰარისთან ისე მოიქცეს, როგორც საჭიროდ ჩათვლის, განაცხადა ჩარლზმა. წყაროები მიიჩნევენ, რომ მას შემდეგ, რაც პრინცი ტახტზე აღმოჩნდება, ის დაუყოვნებლივ ჩამოართმევს ძმასა და მის ცოლს სასექსის ჰერცოგისა და ჰერცოგინიას ტიტულებს.
მეფეს მართლაც აქვს მიზეზი, რომ წუხდეს მეუღლის კეთილდღეობაზე. ბუკინგემის სასახლესთან დაახლოებული პირები აღნიშნავენ, რომ პრინცესა დიანას ვაჟებმა ვერ შეძლეს კამილასთვის მისი საქციელის პატიება.
თავის წიგნში ჰარი მამის ცოლს საშიშს უწოდებდა და ადანაშაულებდა იმაში, რომ "საიდუმლოდ ლაფში სვრიდა" მას და სხვა ადამიანებს ზურგს უკან, საკუთარი იმიჯის გასამყარებლად.
ამბობენ, რომ უილიამსაც დღემდე არ შეუძლია დაივიწყოს მამის ღალატის ისტორია კამილასთან, განსაკუთრებით იმის გამო, რომ ამან ტკივილი მიაყენა მის დედას. თუმცა, პრინცს არასოდეს გამოუთქვამს უარყოფითი აზრი მეფის ცოლის შესახებ საჯაროდ, და ინსაიდერები ამტკიცებენ, რომ საერთო ენის გამონახვაც კი მოახერხა დედინაცვალთან. ამასთან, გავრცელდა ხმები, რომ შარშან მონარქის უფროსმა ვაჟმა კამილას და, ანაბელ ელიოტი, სამეფო ხელფასიდან ამოშალა.
მიუხედავად იმისა, რომ მომავალ მეფეს არ გააჩნია სიყვარული მამის ცოლის მიმართ, ის კიდევ უფრო მეტად ბრაზობს ჰარიზე. ამიტომ, სავარაუდოდ, ის დათანხმდება მამის პირობას და კამილას კარგ საცხოვრებელ პირობებს შეუქმნის.
