"4 თვეა ცალკე გადავედით საცხოვრებლად, მე და ჩემი შვილები... ახალი ეტაპია ჩემს ცხოვრებაში..." - რუსკა მაყაშვილი პირად ცხოვრებაში ცვლილებებზე ალაპარაკდა - მშობლები

მსახიობი და ტელეწამყვანი რუსკა მაყაშვილი ტელეკომპანია "იმედიდან" წასვლის შემდეგ, ძირითადად თეატრშია დაკავებული და ასევე, აქტიურად საქმიანობს, როგორც ინფლუენსერი. აღმოჩნდა, რომ კარიერაში ცვლილებებთან ერთად ცვლილებაა მის პირად ცხოვრებაშიც. როგორც გოგოლა კალანდაძესთან ინტერვიუში აღნიშნა, გადაცემაში "სახლები", უკვე ოთხი თვეა, შვილებთან ერთად მარტო, მეუღლის გარეშე ცხოვრობს ახალ სახლში. სწორედ ამ ორიგინალურად მოწყობილ ბინაში უმასპინძლა გადაცემას და ისაუბრა კიდეც.

"4 თვეა ცალკე გადმოვედით საცხოვრებლად, მე და ჩემი შვილები... საინტერესოა მარტო ცხოვრება. ყველაფერს აქვს თავის პლუსები და მინუსები, მაგრამ საინტერესოა ძალიან. რაღაც ახალი ეტაპია ჩემს ცხოვრებაში, მარტო, ცალკე ცხოვრების, ვნახოთ როგორ იქნება ეს ყველაფერი.

ჩვენი დილა შვიდზე, ხანდახან შვიდის ნახევარზე ვიღვიძებ ბავშვების გამო. ვამზადებ სკოლისთვის და ბაღისთვის. შემდეგ ჩემს საქმეებს მივხედავ ხოლმე, რეპეტიციები, გადაღებები. კვირის დღეებში, როცა ილია და კატო ჩემთან არიან, ვცდილობ, მოვასწრო ყველაფერი დღის განმავლობაში. მერე ბავშვები სახლში მოდიან, მივდივართ სტუმრად, ან ეზოში ჩადიან და თამაშობენ... ყველას დატვირთული გრაფიკი გვაქვს, თუმცა, ფაზლივით აწყობილი და კარგია ასე...

დალაგებაში, საჭმლის კეთებაში დამხმარე ადამიანი მეხმარება. თუმცა რა თქმა უნდა, ვიცი საჭმლის გაკეთება... ბავშვებთანაც ძიძა არ მყოლია, მე და სანდრომ გავზარდეთ.