აუტიზმის 5 ნიშანი, რომელთა შემჩნევაც წლამდე ასაკშიც შესაძლებელია: "რაც უფრო ადრე ამჩნევთ პრობლემას, მით უკეთესად ექვემდებარება ის კორექციას" - მშობლები
აუტიზმის 5 ნიშანი, რომელთა შემჩნევაც წლამდე ასაკშიც შესაძლებელია: "რაც უფრო ადრე ამჩნევთ პრობლემას, მით უკეთესად ექვემდებარება ის კორექციას"
ცნობილი ფაქტია, რომ რაც უფრო ადრე შეამჩნევთ პრობლემას, მით უკეთესად ექვემდებარება ის კორექციას. თუმცა, აუტიზმის ამოცნობა ადრეულ ასაკში ძალიან რთულია.
აუტიზმის განვითარების წამყვანი რისკ-ფაქტორი გენეტიკური დატვირთვაა. თუმცა, მაინც დაშვებულია ალბათობა, რომ გავლენას ახდენს ორსულობის დროს გართულებები, ზოგიერთი მედიკამენტის მიღება და საშვილოსნოსშიდა ინფექციები.
და მაშინაც კი, თუ იდეალური მემკვიდრეობა გაქვთ (თუმცა, ნაკლებად სავარაუდოა, რომ ასე საფუძვლიანად შეისწავლიდით მას), არ გქონდათ რაიმე დაავადება, არ იღებდით არანაირ მედიკამენტებს, ვერავინ მოგცემთ გარანტიას, რომ ბავშვს არ ექნება აუტისტური სპექტრის აშლილობა. მისი წარმოშობის მექანიზმი დღემდე შესწავლილი არ არის.
ამავე დროს, საზოგადოებაში პირველ ნიშნებს - რომლებიც დაახლოებით 3 წლის ასაკიდან ვლინდება - ყურადღებას არ აქცევენ, სანამ ბავშვის ქცევა მკვეთრად განსხვავებული არ გახდება სხვა ბავშვების ქცევისგან. აი, მაშინ - 5 ან 7 წლის ასაკში - მიჰყავთ ის ნევროლოგთან, ფსიქოლოგთან, რომლებიც ამბობენ, რომ კორექცია გაცილებით ადრე უნდა დაწყებულიყო.
აუტიზმის 5 ნიშანი, რომლებიც შეიძლება ერთ წლამდეც შეამჩნიოთ
- არ გიყურებთ თვალებში;
- არ იყენებს საჩვენებელ თითს მისათითებლად
- სახელზე რეაქციის არარსებობა;
- მშობლებთან თბილი ემოციური კონტაქტის საჭიროების არარსებობა;
- თავისებურებები სენსორულ სფეროში: ბავშვს უყვარს მხოლოდ გარკვეული საკვების ჭამა, მგრძნობიარეა ხმაურის, ტანსაცმლის მიმართ, არ უყვარს შეხება.
ექსპერტები ხაზგასმით აღნიშნავენ: აუტისტური სპექტრის აშლილობების სრულად დამარცხება შეუძლებელია, თერაპია მიმართულია იმ სიმპტომების შემსუბუქებისკენ, რომლებიც ხელს უშლის ყოველდღიურ ცხოვრებაში. მაგრამ ამავე დროს, ASA-ს მქონე ადამიანებს ძლიერი მხარეებიც აქვთ.
მაგალითად, ამ სპექტრის მქონე ადამიანებს შეუძლიათ საგნის დეტალურად შესწავლა, ინფორმაციის დიდი ხნით დამახსოვრება, რადგან ისინი აღიქვამენ მას როგორც ვიზუალური, ასევე სმენითი ანალიზატორებით. ასეთ ადამიანებს შესანიშნავი უნარები აქვთ მათემატიკაში, მეცნიერებაში, მუსიკასა და ხელოვნებაში.
