მას მერე, რაც ცოლმა საჯაროდ გალანძღა, ალეკ ბოლდუინი თავისი 7 შვილის დედას ეყრება - "როცა მე ვლაპარაკობ, შენ ხმას ნუ იღებ!" - მშობლები

ჰოლივუდის ვარსკვლავი ალეკ ბოლდუინი დიდხანს განიცდიდა სექსსიმბოლო კიმ ბესინჯერთან დაშორებას. მერე კი, 2012 წელს იქორწინა ჰილარიაზე. წყვილს 7 შვილი ჰყავს და აქამდე, იდეალური ცოლ-ქმარი იყვნენ. წლების განმავლობაში, ალეკ და ჰილარია ბოლდუინებმა არაერთ განსაცდელს გაუძლეს, თუმცა ერთმანეთს ყოველთვის მხარს უჭერდნენ და ქორწინებას ინარჩუნებდნენ. ერთ-ერთი ყველაზე დიდი გამოწვევა მათ 2021 წელს შეხვდათ...

ეს გახმაურებული შემთხვევა იყო: ალეკ ბოლდუინმა Rust-ის გადასაღებ მოედანზე გაისროლა და უბედური შემთხვევის შედეგად, 42 წლის ოპერატორი, ჰალინა ჰაჩინსი გარდაიცვალა. ბოლდუინი სასამართლოს წინაშე წარდგა. საქმე რამდენიმე წლის განმავლობაში განიხილებოდა და 2024 წლის 12 ივლისს საბოლოოდ დაიხურა. ალეკ ბოლდუინის ბრალეულობა არ დამტკიცდა, თუმცა მთელი ამ დროის განმავლობაში, მსახიობი და მისი ოჯახის წევრები საკმაოდ რთულ პერიოდს გადიოდნენ...

მათი ბოლდუინების გულშემატკივრები ფიქრობდნენ, რომ წყვილმა რთული პერიოდი უკან მოიტოვა. თუმცა, როგორც ჩანს,რეალურად მათ შორის დაძაბულობაა და საუბრობენ, რომ ისინი განქორწინების ზღვარზე არიან. საზოგადოებისთვის დაძაბულობა სულ ახლახან გაცხადდა. რესტორან Planet Hollywood-ის გახსნაზე, სადაც ვარსკვლავებმა თავიანთი რეალითი შოუს, The Baldwins-ის შესახებაც ისაუბრეს, ჰილარია პროექტის შესახებ ლაპარაკობდა, რა დროსაც საუბარში მეუღლე ჩაერთო. ქალს ეს არ მოეწონა და ალეკს კამერების წინ უთხრა: "როცა მე ვსაუბრობ, შენ გაჩუმდი." ალეკმა ბოდიში მოიხადა, თუმცა ჰილარიამ კიდევ ერთხელ მკაცრად უთხრა, რომ საუბარი არასოდეს აღარ გააწყვეტინოს... შემდეგ ინტერვიუერს მიუბრუნდა და იხუმრა, რომ ალეკი შოუდან ჩაეხსნათ.

ამ ფაქტის შემდეგ ჭორები, რომ წყვილი დაშორების ზღვარზეა, განსაკუთრებით გააქტიურდა. ალეკ ბოლდუინის გულშემატკივრებს მისი ცოლის ეს ქცევა არ მოეწონათ. ბევრი წერს, რომ მან ქმარი საჯაროდ დაამცირა და შეურაცხყოფა მიაყენა.

წყვილი ამბობს, რომ ეს ხუმრობა იყო. თუმცა, გარშემო მყოფებს ამის არ სჯერათ და ამბობენ, რომ ბოლდუინებს ქორწინებაში სერიოზული პრობლემა აქვთ.

"ჰილარიასა და ალეკისათვის რეალითი შოუ გამოცდა იქნება. ჰილარია ძალიან ამბიციური ქალია და ალეკზე აშკარად დომინირებს." - ამბობს ინსაიდერი. გარდა ამისა, ვარაუდეობენ, რომ მათი რეალითი შოუ მალე დაიხურება. პრემიერამ მხოლოდ 680 ათასი მაყურებელი მიიზიდა, მეორე ეპიზოდში კი მაყურებელთა რაოდენობა 420 ათასამდე დაეცა. თუ შოუ დაიხურება, ეს ჰილარიასთვის დიდი დარტყმა იქნება, რადგანაც მან ალეკი დაარწმუნა, რომ ეს პროექტი წამოეწყოთ.

აღსანიშნავია, რომ ალეკ ბოლდუინს გადასაღებ მოედანზე მომხდარი სამწუხარო ინციდენტის შემდეგ კარიერის აღდგენა უჭირს. შოუში მონაწილეობა კი მისთვის დამამცირებელია, თუმცა როგორც ინსაიდერები ამბობენ, რეალითი შოუს გადაღება მისი ცოლის დაჟინებული მოთხოვნაა.

ახლა წყვილის გულშემატკივრები მოვლენების განვითარებას ყურადღებით აკვირდებიან. ზოგიერთს სჯერა, რომ ბოლდუინები ურთიერთობის გამოსწორებას შეძლებენ. ზოგი კი ფიქრობს, რომ საჯარო კამათი დიდი დაპირისპირების დასაწყისია.