"ჩემი შვილის მამაზე დაქორწინება შეცდომა იყო... ყველაფერს მე ვწყვეტდი და მე უფრო ლიდერი ვიყავი..." - ელენა სიყმაშვილი - მშობლები

მოკრივე და სამხედრო მოსამსახურე ელენა სიყმაშვილი გადაცემაში "სიცრუის დეტექტორი" ყოფილ მეუღლეზე საუბრობს და ამბობს, რომ მასზე დაქორწინება შეცდომა იყო:

- ჩემი შვილი 15 წლისაა. ბიჭი მყავს. ვფიქრობ, შეძლებისდაგვარად, ნორმალურად ვზრდი. კარგია, რომ მე დამემსგავსა. ყველაფერი ჩემი აქვს. ჩემი ყოფილი მეუღლე სერჟანტი იყო. პროექტ "ყაზარმაში" ვიყავი. შემდეგ გადავწყვიტე, სამხედრო სამსახურში წავსულიყავი. სულ ამბობდნენ: "ქალია, სუსტია და ამას ვერ გააკეთებსო." მე უტეხი ვიყავი და ამიტომ, სამხედრო სამსახურში წავედი, რომ სერჟანტი ვყოფილიყავი.

ჩემი შვილის მამაზე დაქორწინება შეცდომა იყო. რაც უფრო მეტი წელი გადიოდა, ამას უფრო ვაცნობიერებდი. ხანდახან ხდება ისე, რომ არასწორ ადამიანებთან გვიწევს ცხოვრება. ვირჩევთ ადამიანს და მერე ვაცნობიერებთ, რომ ეს ძალიან დიდი შეცდომა იყო. რა თქმა უნდა, როგორც ჩემი შვილის მამას დიდ პატივს ვცემ. ჩემს შვილთანაც მასზე ყოველთვის დადებითად ვსაუბრობ. თუმცა, ჩემთვის რადიკალურად სხვანაირი ადამიანი იყო. როდესაც სამხედრო სამსახური დავიწყე, ჩემი სერჟანტი იყო. აქედან დაიწყო ეს ურთიერთობა. დავმეგობრდით, ერთმანეთს მივეჩვიეთ და შემდეგ ოჯახის შექმნა გადავწყვიტეთ. ღმერთს მადლობა, რომ შვილი მყავს. უფრო მადლობელი ვარ, რომ ეს ბავშვი მე მგავს. მაგრამ, ამ ურთიერთობას ძალიან ვნანობ. შეცდომა იყო. ფიზიკურადაც ჩემთვის შეუფერებელი იყო. როცა ერთად ცხოვრება დავიწყეთ, ძალიან ბევრი მინუსი დავინახე. სამეგობროდ არაჩვეულებრივი ადამიანი იყო. მაგრამ, ერთად ცხოვრების დროს, რადიკალურად სხვა ადამიანი აღმოჩნდა. მეგონა, რომ ცოლად მე მოვიყვანე... იმიტომ, რომ ყველაფერს მე ვწყვეტდი და მე უფრო ლიდერი ვიყავი. ჩემზე ძალიან დამოკიდებული გახდა. მიუხედავად იმისა, რომ პრინციპული და ძლიერი ადამიანი ვარ და გადაწყვეტილებებს დამოუკიდებლად ვიღებ, აღმოჩნდა რომ მასზე დაქორწინება ჩემი მხრიდან სისულელე იყო. ამ ამბავს იმდენად ტრაგიკულად აღარ ვთვლი, რადგან შვილი მყავს. ერთად 3 წლამდე ვიცხოვრეთ. ერთმანეთს მარტივად დავშორდით. ზედმეტი ლაპარაკი არ მიყვარს. ერთს ვეტყვი და თუ უნდა, გაიგებს, თუ არა, სხვანაირი მოქმედებები მაქვს... თუ მე უნდა ვყოფილიყავი წამყვანი ფიგურა, ის მამაკაცი საჭირო აღარ იყო. რაღაში მჭირდებოდა?! მას შემდეგ აღარ დავქორწინებულვარ. თუ დავქორწინდები, მამაკაცი, რომელსაც ცოლად გავყვები, აუცილებლად ჩემზე ძლიერი უნდა იყოს. რა თქმა უნდა,ფიზიკურადაც მაღალი უნდა იყოს და გოშია ძაღლივით არ უნდა მომდევდეს გვერდით. დიდი უნდა იყოს და დაკუნთული. მაგრამ, ჩემი არჩეული მამაკაცი სიტყვის პატრონი, ჩამოყალიბებული, შემდგარი უნდა იყოს და მე არ უნდა მაძლევდეს იმის უფლებას, რომ ყველაფერზე მითითებები გავცე. მე უნდა ვიყო მასზე დამოკიდებული და არა - ის. მიუხედავად იმისა, რომ უხეში ვიზუალი მაქვს, რომანტიკული, ერთგული ადამიანი ვარ. ძალიან მესიამოვნება, როდესაც ჩემი არჩეული მამაკაცი უჩვეულო სიურპრიზებს მომიწყობს.