"4 წელი ვაშენებდით ამ სახლს. ხელოსნებმა გამაგიჟეს, არადა ჩემი ქმარი პედანტია და მაქსიმუმს ითხოვდა... ოცნება ავისრულე და ეგზოტიკური ცხოველები მოვიყვანე, მაგრამ ბავშვებს ეშინიათ..." - ქეთა თოფურია ახალ სახლზე და ქმრის პედანტიზმზე ალაპარაკდა - მშობლები
"4 წელი ვაშენებდით ამ სახლს. ხელოსნებმა გამაგიჟეს, არადა ჩემი ქმარი პედანტია და მაქსიმუმს ითხოვდა... ოცნება ავისრულე და ეგზოტიკური ცხოველები მოვიყვანე, მაგრამ ბავშვებს ეშინიათ..." - ქეთა თოფურია ახალ სახლზე და ქმრის პედანტიზმზე ალაპარაკდა
ქეთა თოფურიამ ახალი ფოტოები გამოაქვეყნა თავისი ახალი სახლიდან, რომელშიც ცოტა ხნის წინ გადავიდა საცხოვრელად ქმარ-შვილთან ერთად.
როგორც ცნობილია, ქეთა ცოტა ხნის წინ გადავიდა ქალაქგარეთ კერძო სახლში. მან და მისმა ქმარმა ლევ დენგოვმა წამოიწყეს ეს მშენებლობა და ქეთას თქმით, რამდენიმე წელი დასჭირდა მშენებლობას და რემონტს. "საკმაოდ ბევრი "კვადრატია", არ ვიცი, რამდენი. ასე მგონია, რომ თითქმის ოთხი წალი ვაშენებდით", - ამბობს ქეთი. ისიც აღნიშნა, რომ აგიჟებდნენ ხოლმე ხელოსნები, რის გამოც არაერთხელ მოუწია რაღაცების გადაკეთება, ფასადი კი ოთხჯერ შეცვალეს. ეს ყველაფერი იმიტომ, რომ სურდათ, სრულყოფილი გამოსულიყო.
"ჩემი ქმარი პედანტია. მას სურს ყველაფერი იდეალური იყოს და ვერ იტანს პატარა გადაცდომებს", - აღიარებს ქეთი.
მას მერე, რაც ყველაფერი მომზადდა, ქეთი იქ თავისი სამი შვილით და მეუღლით გადავიდა. როგორც ცნობილია, ქეთის უფროსი ქალიშვილი ჰყავს პირველი ქორწინებიდან და ორი უმცროსი - ადამი და ნიკოლი - ლევ დენგოვთან.
ახალ სახლში ქეთიმ თავისი ოცნებებიც აისრულა და ეგზოტიკური ცხოველები იყიდა. აღიარა, რომ ბავშვობიდან ოცნებობდა ეგზოტიკურ ცხოველებზე, თუმცა მის შვილებს დიდად არ მოეწონათ. ეშინიათ უცხო ცხოველების და ვოლიერებიდან ვერ უშვებს. ვაჟმა საერთოდაც შესთავაზა, ზოოპარკს აჩუქეო. არადა, ამბობს, რომ ეგზოტიკური მაიმუნები საკმაოდ ძვირი დაუჯდა და მათი მოვლაც ძვირია. მეორე სახლშიც ჰყავს ცხოველები - იქ სამეფო დოგები, თეთრი ფარშავანგები, პონები, ქათმები, ბატები და კურდღლები ბინადრობენ.
