56 წლის ჯენიფერ ენისტონმა დაადასტურა, რომ შეყვარებულია - მისი რჩეული 49 წლის ქოუჩია - მშობლები

56 წლის ჯენიფერ ენისტონმა დაადასტურა რომანი 49 წლის ჯიმ კერტისთან, ცნობილ ქოუჩთან და ჰიპნოთერაპევტთან.წყვილი ამჟამად ესპანეთში ერთად ისვენებს. ცოტა ხნის წინ პაპარაცებმა ჯიმი და ჯენიფერი მალიორკასთან ახლოს იახტაზე გადაიღეს. მათი საქციელით თუ ვიმსჯელებთ, ისინი აღარ ცდილობენ ურთიერთობის საიდუმლოდ შენახვას.

როგორც Daily Mail იტყობინება, ინსაიდერებმა დაინახეს ისინი ჩახუტებისა და კოცნის მომენტშიც. გამოცემამ ჟურნალისტების მიერ გადაღებული ფოტოები გამოაქვეყნა. ჯიმ კერტისი საკუთარ თავს „ტრანსფორმაციულ ქოუჩსა და ჰიპნოთერაპევტს“ უწოდებს. ის ინსტაგრამზე ბლოგს მართავს და ნახევარი მილიონი გამომწერი ჰყავს. ჯიმი თავის მიმდევრებს უყვება, თუ როგორ დაივიწყონ ყოფილი შეყვარებულები, როგორ იპოვონ სიყვარული 50 წლის ასაკში და განიხილავს ურთიერთობების სხვა თემებსა.

აღსანიშნავია, რომ ჯენიფერ ენისტონი მას თითქმის ორი წლის განმავლობაში ადევნებდა თვალყურს და არაერთხელ მოიწონა მისი პოსტები, მათ შორის ვიდეო, სადაც ნაჩვენები იყო სავარჯიშოები „განკურნების, განქორწინების შემდეგ გამოჯანმრთელებისა და ახალი სიყვარულის პოვნისთვის“. ასევე ვიდეო, რომელშიც კურტისი მოუწოდებდა ადამიანებს „არ იზოლირებულიყვნენ“ ურთიერთობებისგან. ენისტონი გატაცებულია თვითშემეცნებით და არატრადიციულ ტექნიკას მიმართავს: ერთხელ აღიარა, რომ ფრენის შიშის დასაძლევად ჰიპნოზს მიმართა. ბევრი ადამიანი ამ გარემოებას მის ახალ რომანს უკავშირებს.

ცნობისათვის, ენისტონმა წარსულში ორი განქორწინება გადაიტანა: ბრედ პიტთან, რომელმაც ის ანჯელინა ჯოლის გამო მიატოვა და მსახიობ ჯასტინ ტერუსთან, რომელიც მასთან დაშორების შემდეგ ხელახლა დაქორწინდა.