რუსეთში მცხოვრები ქართველი ბიზნესმენის ქალიშვილის ოთხდღიანი ქორწილი ყაზბეგში - ტრადიციული სამოსით და ცეკვებით, ბევრი სტუმრით და მხიარულებით (ფოტო+ვიდეო) - მშობლები

რუსეთში ცნობილი და გავლენიანი ქართველი ბიზნესმენის, კომპანია „ბოსკოს“ და „გუმის“ დირექტორის თეიმურაზ გუგუბერიძის ქალიშვილმა სოფიამ ოცნების ქორწილი მოაწყო - ხალხური ცეკვებით, მუსიკით და საქმროსთვის სიურპრიზით. ზეიმი ყაზბეგში გაიმართა და ოთხი დღე გაგრძელდა.

ძირითადი ზეიმი ღია ცის ქვეშ მოეწყო, ქორწილის ცერემონიაც, ხალხური ცეკვებიც და ევროპული საღამოც. გოგონამ რამდენჯერმე გამოიცვალა სამოსი, თავად იცეკვა და იმღერა კიდეც.

ზეიმი ეროვნულ სტილში იყო გაფორმებული. ქორწილის ორგანიზატორებმა ყველა დეტალზე იზრუნეს. ერთ-ერთი დღე ღია ცის ქვეშ ბუფეტით დაიწყო, სადაც სტუმრებისთვის მწვანე ბალახზე ხალიჩები იყო გაშლილი.

სოფიას ქართველი მეუღლე გიორგი სადღესასწაულო შოუს არ ჩამორჩა. მან საყვარელი ადამიანისთვის რამდენიმე სიმღერა შეასრულა. მოგვიანებით, ახალდაქორწინებულებმა ერთად იცეკვეს ცოცხალი მინი-ორკესტრის თანხლებით.

საღამოსთვის სტუმრები შენობაში გადავიდნენ, სადაც ზეიმი უფრო ოფიციალურ ატმოსფეროში გაგრძელდა. სცენაზე პროფესიონალმა არტისტებმა ქართული მუსიკა და ცეკვები შეასრულეს. ერთ-ერთი ყველაზე სანახაობრივი მომენტი სოფიას შესრულება იყო. პატარძალმა წითელი ეროვნული სამოსი ჩაიცვა და სტუმრების წინაშე იცეკვა.

ზეიმზე არა მხოლოდ ნათესავები და მეგობრები შეიკრიბნენ, არამედ პატარძლის მეგობრებიც, მათ შორის - ანკა ციციშვილი, რომელთან ერთადაც სოფიამ თბილისში კონცეპტუალური მაღაზია IERI დააარსა.

სხვათა შორის, სოფიას წინასაქორწინო წვეულებაც ძალიან ხმაურიანი იყო - ის მაროკოში, მარაქეშში გაიმართა, სადაც ბიზნესვუმენმა მომავალი ქორწილი მეგობრებთან ერთად აღნიშნა.

თეიმურაზ გუგუბერიძე პროფესიონალი მოცურავე იყო, საბჭოთა კავშირის ნაკრების წევრი. წლებია გავლენიანი ბიზნესმენია. სოფია ლონდონსა და მონაკოში სწავლობდა და წლების წინ ანკა ციციშვილთან ერთად დააარსა დიზაინერული კონცეპტუალური მაღაზია.