ჯენიფერ ლოპესი 56 წლისაა - ვარსკვლავის პირველი დაბადების დღე ბენ აფლეკთან დაშორების შემდეგ - მშობლები

24 ივლისს ჯენიფერ ლოპესი 56 წლის გახდა. მომღერალმა და მსახიობმა, რომელიც მსოფლიო ტურნეზე იმყოფება, განქორწინების შემდეგ პირველი დაბადების დღე თურქეთში, თავის გუნდთან ერთად აღნიშნა.

ლოპესი წვეულებაზე მისი ახალი ტრეკის, Birthday-ს, თანხლებით, ტანზე მომდგარი ვერცხლისფერი კაბით გამოჩნდა. ჯეი ლო დაბადების დღის ტორტის გარშემო ცეკვავდა, მოცეკვავეების, მუსიკოსების და სხვა თანამშრომლების გარემოცვაში.

„ჩვენ ყველაფერს ვაკეთებთ მსოფლიოში ყველაზე შრომისმოყვარე უფროსისთვის. და ის 27 წლის გოგოსავით გამოიყურება. გილოცავ დაბადების დღეს, ჯენიფერ“, - მიულოცა მომღერალს მისმა ერთ-ერთმა თანამშრომელმა.

ჯენიფერ ლოპესმა თავისი ბოლო, 55-ე დაბადების დღე ბენ აფლეკის გარეშეც აღნიშნა, მაგრამ იმ დროს ისინი ჯერ კიდევ დაქორწინებულები იყვნენ. აგვისტოში მომღერალმა განქორწინება მოითხოვა.

ჯენიფერ ლოპესი და ბენ აფლეკი 2022 წელს დაქორწინდნენ, მაგრამ ისინი 2000-იანი წლების დასაწყისშიც ხვდებოდნენ და დანიშნულებიც იყვნენ. მსახიობთან ოფიციალურად დაქორწილნებამდე ვარსკვლავი სამჯერ იყო დაქორწინებული. მესამე ქმართან, მარკ ენტონისთან, რომელსაც ლოპესი 10-წლიანი ქორწინების შემდეგ 2014 წელს დაშორდა, მომღერალმა ტყუპი, მაქსი და ემი, გააჩინა.