როცა სასწავლო წელი რჩება და დროის შეგრძნებაც თითქოს ოდნავ გვეცვლება, ჩვენც და ჩვენს პატარებსაც შესაძლებლობა გვეძლევა მოვიწყოთ ჯადოსნური, წიგნებით სავსე ზაფხული.
პალიტრა L-ის „ლიბერქიდსის“ სერია პატარა მკითხველებს შესაძლებლობას აძლევს ერთდროულად: იმოგზაურონ ჯადოსნურ ადგილებში, ამოხსნან რთული თავსატეხები და რაც მთავარია, მათ საყვარელ პერსონაჟებთან ერთად გადადგან პირველი ნაბიჯები მეგობრობის, ერთგულებისა და ზრდასრულობის სამყაროში. ამიტომ თუ თქვენი პატარებისთვის საზაფხულო საკითხავს ეძებთ და გსურთ თავისუფალი დრო ნაყოფიერად, ემოციებით დატვირთულებმა გაატარონ - მაშინ ეს სერია უთუოდ დაგეხმარებათ სასურველი წიგნის პოვნაში, რადგან თითოეული მათგანის ფურცლებში ყველაზე საინტერესო თავგადასავლები იმალება.
მაშ ასე, დავიწყოთ ჩვენი მოგზაურობა პალიტრა ლ-ის ლიბერქიდსის სერიის შესანიშნავ წიგნში, მომყევით და აღმოაჩინეთ ის საოცარი ისტორია, რომელიც ამ ზაფხულს შეიძლება ნამდვილ მოგზაურობად გადაიქცეს — ფურცლებზე გაშლილ ზღვებად, ფანტაზიის კუნძულებად და სიურპრიზებით სავსე ქალაქებად!
რეიჩელ ჩივერს კიუ - ჯადოქარი მეზობლად
ისტორია, რომელიც ზღაპრული ელემენტების ფონზე მოგვითხრობს მოზარდთათვის რთულად გადასალახი ცვლილებების მნიშვნელობის შესახებ.
ნაწარმოების ღირებულება გაცილებით ღრმაა, ვიდრე მისი ზღაპრული ფორმა. ეს არის ისტორია არჩევნის შესაძლებლობებისა და პირადი ზრდის შესახებ.
კალის ისტორია ცხადყოფს, რომ:
წიგნი მოზარდთა ფსიქოლოგიის დელიკატურ ასპექტებს შეეხება. კალის განცდა, რომ ახალი სახლი მისი არ არის, ასახავს ყველა იმ ადამიანს, რომელთაც ცვლილებებთან შეგუება უჭირთ. ეს არის წიგნი იმაზე, რომ ბედნიერება მუდმივ სტაბილურობასა და გარე პირობებზე არაა დამოკიდებული.
როგორც კალი ამბობს ნაწარმოების ბოლოს: „სახლი მხოლოდ ადგილი არ არის... სახლი ადამიანებია.“
კალის ისტორია ერთ ზაფხულს იწყება, იმედგაცრუებისა და მონატრების გამო, ახალი სახლის უცხო კედლებში ჩაკეტილი, იგი მუდმივად თავიდან იცილებს გარე სამყაროს. სწორედ ასე ვეცნობით კალის, მისი განცდები და ემოციები, რომლებიც ბევრი მოზარდისთვის ნაცნობი გამოცდილებაცაა, ნაწარმოებს განსაკუთრებულ ავთენტურობას სძენს.
აღსანიშნია, თუ როგორ გარდაიქმნება ეს ცხოვრების რუტინა ზღაპრულ სამყაროდ. ერთ წვიმიან დღეს, როდესაც კალის ეზოში ჯადოქარ ვინიფრედ პოტსის სახლი თავდაყირა ჩამოვარდება, ბალანსი ერთბაშად იცვლება. ეს ეპიზოდი არ არის მხოლოდ ზღაპრული ეფექტი - ის მეტაფორაა იმისა, თუ როგორ ჩნდება ჩვენს ცხოვრებაში მოულოდნელი გამოწვევები, რომლებიც გვაიძულებს დავტოვოთ კომფორტის ზონა.
ვინიფრედს კალის დახმარება სჭირდება, ჯადოქარი თავისი სახლის გარეშე ვერ გაძლებს, მაგრამ, როგორ უნდა დაეხმაროს კალი, თუკი ხუთი თვეა ოთახიდან არ გამოსულა და საერთოდ არ იცნობს იქაურ მხარეს? სწორედ ამ დროს ჩნდება კალის ცხოვრებაში სემი, ბიჭი, რომელიც მალევე მისი განუყრელი მეგობარი ხდება.
ვინიფრედის სისუსტე კიდევ ერთხელ შეგვახსენებს, რომ ამ ქვეყნად უძლეველი არავინაა და რომ შესაძლოა ჯადოქარსაც დასჭირდეს ჩვენი, ჩვეულებრივი ადამიანების დახმარება.
კალი, რომელიც თავდაპირველად თავს უმწეოდ გრძნობს, ერთ-ერთ ყველაზე ღრმა მხატვრულ ტრანსფორმაციას განიცდის. მისი თავდაპირველი შიში და გაუცხოება ეტაპობრივად იცვლება, თავგადასავლების სულისკვეთებითა და მეგობრობის ღირებულებების აღმოჩენით.
განსაკუთრებით მნიშვნელოვანია სემის პერსონაჟი. ბიჭი, რომელიც მეცნიერულ აზროვნებას ჯადოსნურ რეალობასთან აზავებს, შესანიშნავი მაგალითია იმისა, რომ ღია აზროვნებამ შესაძლოა რთული სიტუაციების მოგვარება გაგვიადვილოს.
ასე რომ, ჩვენო პატარა მკითხველებო, ძვირფასო მშობლებო!
თუ ამზადებთ საზაფხულო საკითხავის სიას და ჯადოსნურ თავგადასავლებს, ღრმა ემოციებსა და ღირებულ ცხოვრებისეულ გაკვეთილებს ეძებთ, მაშინ რეიჩელ ჩივერს კიუს ამ განსაკუთრებულმა წიგნმა აუცილებლად უნდა დაიკავოს ადგილი თქვენს თაროზე.
იმისთვის, რომ ზაფხული მართლაც საოცარი გახდეს, ზოგჯერ საჭიროა მხოლოდ ერთი კარგი წიგნი - და ეს სწორედ ის შემთხვევაა!
R