სტივ ჯობსის 27 წლის ქალიშვილი, რომელსაც დედამ ქმრის მემკვიდრეობა არ გადასცა, თხოვდება - "მამის მილიარდები არ ერგო, თუმცა მაინც ყველაზე მდიდრულ ქორწილს იხდის" - მშობლები

ლეგენდარული "Apple"-ის დამფუძნებლის, სტივ ჯობსის უმცროსი ქალიშვილი, ევა ჯობსი, ქორწინდება. მიუხედავად იმისა, რომ ევასა და მის და-ძმას მამის მილიარდები მემკვიდრეობით არ მიუღიათ, 27 წლის საპატარძლო მაინც ერთ-ერთ ყველაზე ელიტარულ და ძვირადღირებულ ქორწილს იხდის.

სტივ ჯობსის გარდაცვალების შემდეგ, მისმა მეუღლემ ლორენ პაუელ-ჯობსმა საჯაროდ განაცხადა, რომ ქმრის მემკვიდრეობას შვილებს არ დაუტოვებდა. როგორც ის ამბობდა, არ სურდა, რომ სიმდიდრე გაზრდილიყო და მემკვიდრეობით გადაცემულიყო — ამის ნაცვლად ქონება საქველმოქმედო საქმეებზე მიმართა. შესაბამისად, ევა ოფიციალურად მემკვიდრე არ გამხდარა და მამის მილიარდობით დოლარიდან არაფერი ერგო.

თუმცა ეს არ ნიშნავს, რომ ევა ფინანსურ გაჭირვებაში ჩავარდა. ჯერ ერთი, ის მაინც შეძლებულ გარემოში გაიზარდა — ჰქონდა წვდომა პრესტიჟულ განათლებაზე, კონტაქტებზე და რესურსებზე. მან დაამთავრა სტენფორდის უნივერსიტეტი, შემდეგ კი კარიერა დამოუკიდებლად — მოდის ინდუსტრიაში დაიწყო. ევა მუშაობდა ისეთ ბრენდებთან, როგორიცაა Louis Vuitton, მონაწილეობდა სხვადასხვა ფოტოსესიაში და მოდის კვირეულებში. გარდა ამისა, იგი აქტიური ინფლუენსერია და მონაწილეობს მაღალშემოსავლიან სარეკლამო კამპანიებში. ასეთ კონტრაქტებში ჰონორარები ხშირად ასეულ ათას დოლარს აღწევს.

გარდა ამისა, არსებობს ლოგიკური ვარაუდი, რომ მიუხედავად ოფიციალური უარისა, ევას გარკვეული ფინანსური მხარდაჭერა მაინც აქვს დედის მხრიდან. ლორენ პაუელ-ჯობსი თავადაც მილიარდერი ინვესტორი და ფილანტროპია და, სავარაუდოდ, შვილებს ცხოვრებაში სტარტის უზრუნველსაყოფად საჭირო მხარდაჭერას მაინც აძლევს. დამატებით, ევას საქმრო — ბრიტანელი ოლიმპიური მხედარი ჰარი ჩარლზი — ასევე შეძლებული ოჯახის შვილია. მისი მამა, ოლიმპიური ჩემპიონი პიტერ ჩარლზი, დიდ ბრიტანეთში სპორტის სამყაროში გავლენიან ფიგურად ითვლება.

ცერემონია ინგლისში, ოქსფორდშირში, ძველ არქიტექტურულ რეზიდენციაში — Estelle Manor-ში გაიმართება. ღონისძიება ხუთდღიანია და მთლიანობაში მისი ღირებულება, სხვადასხვა მონაცემით, 6-დან 7 მილიონ დოლარამდეა. განსაკუთრებული ყურადღება ექცევა კონფიდენციალურობას: ადმინისტრაცია მკაცრად კრძალავს ფოტოგრაფიას და სტუმრებს შესვლისას სმარტფონის კამერების დაფარვასაც კი სთხოვს. მამულის ინფრასტრუქტურა შთამბეჭდავია - სტუმრებს შეუძლიათ ისარგებლონ 25 მეტრიანი საცურაო აუზით, რომაული სპა კომპლექსით, ჩოგბურთის კორტებით და კერძო ვერტმფრენის დასაჯდომი მოედნით.

დაგეგმილია რამდენიმე წვეულება, ელეგანტური ვახშამი, ცერემონია ბაღში და მუსიკალური საღამო ელტონ ჯონის მონაწილეობით, რომელიც მხოლოდ ამ საღამოსთვის ექსკლუზიურად გამოდის სცენაზე და ერთ საათში მილიონ გირვანქა სტერლინგს უხდიან.

მოწვეულია დაახლოებით 200 სტუმარი, მათ შორის ცნობილი პოლიტიკოსები, სამეფო ოჯახის წევრები, მილიარდერები და ვარსკვლავები. მათ შორის არიან კამალა ჰარისი, პრინცესა ბეატრისი, ბილ გეითსის ქალიშვილები — ფიბი და ჯენიფერი.

განსაკუთრებით საინტერესოა ევას საქორწილო კაბა. დეტალები გასაიდუმლოებულია, თუმცა ინსაიდერები ვარაუდობენ, რომ მოდელმა შესაძლოა მამამისის ხსოვნას პატივი მიაგოს და სტივ ჯობსის ლეგენდარული შავი ტურნეკლის შემქმნელის, ისი მიაკეს დიზაინს აირჩევს. ასევე შესაძლებელია, რომ მონაწილეობა მიიღონ ბრენდებმა, რომლებთანაც ევა თანამშრომლობდა: Louis Vuitton-მა ან Coperni-მ.

წყვილმა ერთმანეთი 2022 წელს გაიცნო და 2024 წლის სექტემბერში დაინიშნა. ქორწილამდე ევამ მეგობრებთან ერთად აღნიშნა წინასაქორწინო წვეულება იტალიის კუნძულ კაპრიზე, სადაც მასთან ერთად იმყოფებოდნენ მისი მეგობრები და ოჯახის წევრები, მათ შორის ფიბი გეითსი.