ქალი, რომელმაც 220 კილოგრამი დაიკლო, შედეგებს ებრძვის: "ფეხები ბეტონის სვეტებად ექცა" - მშობლები

დაახლოებით ხუთი წლის წინ ამერიკელი დები, თემი და ეიმი სლეიტონები რეალითი შოუს „დიდი დები“ გმირებად იქცნენ. მათი ცხოვრება, ჭარბ წონასთან ბრძოლა და ნორმალურ ცხოვრებაში დაბრუნების მცდელობა, მსოფლიოს მრავალმა მაყურებელმა გაიზიარა. მაშინ ცოტას სჯეროდა, რომ რომელიმე მათგანი სიმსუქნესთან გამკლავებას შეძლებდა — თემი იმ დროისთვის 330 კილოგრამზე მეტს იწონიდა და გადაადგილება მხოლოდ სხვისი დახმარებით შეეძლო. თუმცა დღეს ის არამხოლოდ დამოუკიდებლად გადაადგილდება — ის მილიონობით ადამიანს შთააგონებს. 220 კილოგრამზე მეტი წონის დაკლების შემდეგ სლეიტონი რადიკალურად შეიცვალა. თუმცა ახალი გამოწვევა — დიდი ოდენობით მოშვებული კანი — სერიოზულ დისკომფორტს უქმნის.

თემის გზა ექიმების მკაცრი მოთხოვნების შემდეგ დაიწყო: იმისთვის, რომ ბარიატრიული ოპერაციის ჩატარების უფლება მიეღო, თითქმის 90 კილოგრამი უნდა დაეკლო. ეს იყო პირველი სერიოზული გამოცდა — და ის წარმატებით გაიარა. თემიმ დამოუკიდებლად 60 კილოგრამი დაიკლო, რაც ნამდვილ გამარჯვებად შეფასდა. ამის შემდეგ მას კუჭის შემცირების ოპერაცია ჩაუტარდა და გარდაქმნის პროცესი დაჩქარდა.

მოგვიანებით თემიმ 220 კილოგრამზე მეტი დაიკლო, თავი დააღწია ჟანგბადზე დამოკიდებულებასა და ინვალიდის ეტლს. 2024 წელს პირველად გამოჩნდა ფოტოებში დამხმარე მოწყობილობების გარეშე — ახლა ის მათ მხოლოდ ღამით იყენებს.

თავისი ახალი გარეგნობა სლეიტონმა სოციალური ქსელებში დიდი სიამაყით წარმოადგინა. ბევრს თავიდან არ სჯეროდა, რომ ნამდვილად ის იყო.

თუმცა აღფრთოვანების მიღმა მწარე რეალობა დგას. წონის დაკარგვის შედეგად თემის სხეულზე ათობით კილოგრამი კანი ჩამოეშვა. ყველაზე მეტად ეს ფეხებზე შეიმჩნევა — კომენტატორები მათ „ბეტონის სვეტებს“ ადარებენ, რადგან მოშვებული კანი ვიზუალურად ამძიმებს ქვედა სხეულს.

პლასტიკურმა ქირურგმა, რომელიც თემის ტრანსფორმაციაზე მუშაობს, განმარტა, რომ წონის დაკარგვა მხოლოდ დასაწყისია. შემდეგი ნაბიჯი ჭარბი კანის მოცილებაა, რაც არა მხოლოდ ფინანსურ, არამედ ემოციურ მზაობასაც მოითხოვს. პაციენტებმა ჯანსაღი ჩვევების განვითარება უნდა გააგრძელონ და გააცნობიერონ, რომ ტრანსფორმაცია ოპერაციით არ სრულდება.

2025 წლის იანვარში თემიმ ჭარბი კანის მოცილების ოპერაცია გაიკეთა. ექიმებმა რვა საათის განმავლობაში იმუშავეს მის ნიკაპზე, მკლავებზე და მუცლის არეზე, ჯამში 7 კილოგრამზე მეტი ქსოვილი მოაცილეს.

ექიმები აღფრთოვანებული იყვნენ მისი აღდგენითი პროცესის სისწრაფით.თუმცა ჭარბი კანის მთლიანად მოცილებისთვის თემის რამდენიმე ძვირად ღირებული ოპერაციის ჩატარება სჭირდება: ფეხების კანის გაჭიმვა 15,000 დოლარი ჯდება; კისრის — 35,000; მუცლის პლასტიკა და მკლავების დაჭიმვა — თითო 20,000. ჯამში 90,000 დოლარამდე სჭირდება, რაც მისი პოპულარობის მიუხედავად, სლეიტონისთვის თითქმის მიუწვდომელია. გარდა ამისა, თითოეულ ოპერაციას თან ახლავს სერიოზული რისკები — ინფექციებიდან დაწყებული რთული რეაბილიტაციით დამთავრებული.

დიეტოლოგი ქეით ჰილტონი ხაზგასმით აღნიშნავს, რომ ასეთი სწრაფი წონის დაკარგვის შემდეგ კანის ელასტიკურობის აღდგენა ქირურგიული ჩარევის გარეშე თითქმის შეუძლებელია. ამიტომ აუცილებელია ყოველი მომდევნო ნაბიჯისთვის სიფრთხილით მომზადება.

თემის ტრანსფორმაცია მხოლოდ ფიზიკური არ ყოფილა — ეს ემოციური პროცესიც იყო. 2023 წელს მან მეუღლე, ქალებ უილინგემი დაკარგა. ისინი ერთმანეთს რეაბილიტაციის ცენტრში შეხვდნენ და მალევე დაქორწინდნენ. მათი სიყვარული შოუს მაყურებლებისთვის იმედის სიმბოლოდ იქცა.

თემი თბილად იხსენებს, როგორ უჭერდა მხარს ქალები ყველაზე მძიმე წუთებში: ის მის გვერდით იყო, როცა ოპერაციის შანსისთვის იბრძოდა და მასთან ერთად უხაროდა პირველი წარმატებები. „ის ჩემი ანგელოზი იყო. მისი ყურებით ვიღვიძებდი და ვიძინებდი. ახლა ზეციდან მიყურებს,“ — ამბობდა სლეიტონი მისი გარდაცვალების შემდეგ.

დღეს თემი კვლავ აგრძელებს საკუთარ თავზე მუშაობას. მის რაციონში ძირითადად ცილოვანი საკვებია — ქათამი, თევზი, ბოსტნეული. რუტინაში შედის მსუბუქი გასეირნებები და სპეციალისტების მეთვალყურეობით ფიზიკური ვარჯიშები. მას ასწავლეს, როგორ მართოს სტრესი და გადაჭარბებული ჭამისკენ მიდრეკილება.