რომელ საგანში გაასაჩივრა ყველაზე მეტმა აბიტურიენტმა საკუთარი შეფასება და რამდენს მოემატა ქულა - 2025 წლის სტატისტიკა - მშობლები

რამდენიმე დღის წინ შეფასებისა და გამოცდების ეროვნულმა ცენტრმა 2025 წლის ერთიანი ეროვნული გამოცდების მონაწილეთა აპელაციის შედეგები გამოაქვეყნა.

2025 წელს 113 326 ნაშრომიდანგასაჩივრდა 3274,რაც აბიტურიენტების ნაშრომების საერთო რაოდენობის 2.89%-ია. წელს ყველაზე მეტმა გამოსაცდელმა ქართული ენისა და ლიტერატურის გამოცდის შედეგი გაასაჩივრა.

გასაჩივრებული ნაშრომების რაოდენობა საგამოცდო საგნების მიხედვით:

• ქართული ენა და ლიტერატურა -1297;
• ზოგადი უნარები (სომხურ ენაზე) - 29;
• ზოგადი უნარები (აზერბაიჯანულ ენაზე) - 16;
• ინგლისური ენა - 656;
• რუსული ენა -10;
• გერმანული ენა - 6;
• ფრანგული ენა - 0;
• მათემატიკა - 416;
• ისტორია - 250;
• გეოგრაფია - 43;
• ბიოლოგია -241;
• ქიმია - 64;
• ფიზიკა - 14;
• ლიტერატურა - 38;
• სახვითი და გამოყენებითი ხელოვნება - 13;
• სამოქალაქო განათლება - 181.

შეფასება სულ 1005 ნაშრომის შემთხვევაში შეიცვალა, რაც საერთო რაოდენობის მხოლოდ 0.89%-ია. ქულა მოემატა 1003 ნაშრომს, ხოლო ქულის დაკლება მოხდა 2 ნაშრომის შემთხვევაში.

აბიტურიენტებს, რომლებსაც ქულა შეეცვალათ გადახდილი თანხა, 50 ლარი, უკან დაუბრუნდებათ. თანხის დაბრუნებასთან დაკავშირებით, დეტალური ინფორმაცია შეფასებისა და გამოცდების ეროვნული ცენტრის ვებგვერდზე გამოქვეყნდება.

თამარ იაკობაშვილი