"ნუთუ მართლა 12 წლისაა? რატომ არ აცდიან ბავშვობას?" - კიმ კარდაშიანის და კანიე უესტის 12 წლის ქალიშვილის გამოჩენას აჟიოტაჟი მოჰყვა - მშობლები
"ნუთუ მართლა 12 წლისაა? რატომ არ აცდიან ბავშვობას?" - კიმ კარდაშიანის და კანიე უესტის 12 წლის ქალიშვილის გამოჩენას აჟიოტაჟი მოჰყვა
კვლავ განხილვის საგნად იქცა კიმ კარდაშიანისა და კანიე უესტის უფროსი, 12 წლის ქალიშვილის საჯარო გამოჩენა, რომელიც დედასთან ერთად რომში ისვენებს. მომხმარებლებმა კარდაშიანი გააკრიტიკეს ნორთის გარეგნობის გამო, რომელიც ოჯახურ ვახშამზე დეკოლტე კორსეტითა და მინი ქვედაბოლოთი გამოჩნდა.
„არავითარ შემთხვევაში არ გამოვუშვებდი ჩემს 12 წლის შვილს ასე საჯაროდ“, "ნუთუ მართლა 12 წლისაა? რატომ არ აცდიან ბავშვობას?", „საშინელება“ ძალიან რბილი სიტყვაა“, „ის ზრდასრულ ქალს ჰგავს! ეს საშინელებაა“, - წერენ Daily Mail-ის მომხმარებლები.
ეს არ არის პირველი შემთხვევა, როდესაც ნორთის გარეგნობა განხილვის საგანი გახდა. მაგალითად, მისი დაბადების დღის წვეულების ფოტოები, რომელიც იახტაზე გაიმართა, ცოტა ხნის წინ ვირუსულად გავრცელდა ინტერნეტში. შემდეგ მომხმარებლებმა ყურადღება მიაქციეს იმ ფაქტს, რომ ბავშვი თავისი ასაკისთვის ძალიან მომწიფებულად გამოიყურება, თუმცა პატარა ასაკიდან დიდს ჰგავდა და დედაც ხელს უწყობდა.
კიმი უგულებელყოფს კრიტიკას - კანიეს უკმაყოფილების მიუხედავად. მანამდე, უესტი უკვე საჯაროდ კონფლიქტში იყო ყოფილ მეუღლესთან შვილების აღზრდასთან დაკავშირებული მისი შეხედულებების გამო. კიმმა კი განაცხადა, რომ რეპერს შვილები არ აინტერესებს.
ნორთ უესტი ახლა მუსიკალურ კარიერას აშენებს. ის სცენაზე მამასთან ერთად გამოჩნდა და მონაწილეობა მიიღო FKA Twigs-ის ვიდეოში, სადაც იაპონურად რეპავდა, მონაწილეობდა სინგლის „Talking / Once Again“ ჩაწერაში, რომელმაც Billboard Hot 100-ში 30-ე ადგილი დაიკავა.
კარდაშიანს და უესტს, რომლებიც 2021 წელს განქორწინდნენ, კიდევ სამი შვილი ჰყავთ. რეპერი ამჟამად დაქორწინებულია 30 წლის ავსტრალიელ მოდელ ბიანკა ცენსორიზე, 44 წლის კიმი კი მარტოხელაა, თუმცა განქორწინების შემდეგ მას გახმაურებული რომანები აქვს.
