შეფასებისა და გამოცდების ეროვნულმა ცენტრმა 2025 წლის გამოცდების საბოლოო შედეგები გამოაქვეყნა. სხვადასხვა უნივერსიტეტში რეგისტრაციის თარიღებსა და პროცედურებს კი შეგიძლიათ, მათ საიტზე გაეცნოთ.
მომავალ სტუდენტებს ბევრი შეკითხვა აქვთ. ამ სტატიაში შევეცდებით, რამდენიმე შეკითხვას ვუპასუხოთ:
ერთი კონკრეტული წესი, რაც ყველა პირველკურსელზე გავრცელდება, არ არსებობს. თითოეული უნივერსიტეტი ინდივიდუალურად აქვეყნებს იმ საბუთების სიას, რომლებიც პირველკურსელებმა რეგისტრაციის დროს უნდა წარადგინონ.
ამ შემთხვევაშიც, უნივერსიტეტებში სხვადასხვა მიდგომაა. ზოგიერთი უნივერსიტეტი რეგისტრაციისას პირველი სემესტრის გადასახადს სრულად ითხოვს. ზოგი უნივერსიტეტი კი სტუდენტს შესაძლებლობას აძლევს, განცხადების დაწერის საფუძველზე, თანხა რამდენიმე თვეზე გადაანაწილოს და ნაწილ-ნაწილ გადაიხადოს. ამიტომ, ეს საკითხით იმ უნივერსიტეტში უნდა დააზუსტოთ, სადაც ჩაირიცხეთ.
როგორც აღვნიშნეთ, ზოგიერთი უნივერსიტეტი ატესტატის დედანს ითხოვს, ზოგიერთი კი - ნოტარიულად დამოწმებულ ასლს.
აღნიშნული მოწმობა ვაჟებმა იმ უბნის გამგეობაში, სამხედრო განყოფილებაში უნდა მიიღონ, სადაც ჩაწერილები არიან.
განცხადების დაწერის შემდეგ, ცნობა უფასოდ გაიცემა. არასრულწლოვანი პირველკურსელის შემთხვევაში, მშობლის ან კანონიერი წარმომადგენლის თან ხლება აუცილებელი არ არის. მნიშვნელოვანია, პირადობის მოწმობა გქონდეთ.
უნივერსიტეტებში სწავლა სხვადასხვა დროს იწყება. დეტალურად შეგიძლიათ, გაეცნოთ ბმულზე.
როგორც საქართველოს ბანკში განგვიცხადეს, სტუდენტური ბარათი, რომელიც სხვა შეღავათებთან ერთად, ტრანსპორტში სპეციალურ ტარიფს ითვალისწინებს, ჯერჯერობით არ გაიცემა. მათი თქმით, ჯერ განათლების, მეცნიერებისა და ახალგაზრდობის სამინისტროდან სტუდენტთა სია არ მიუღიათ, რის საფუძველზეც ბარათების დამზადებას შეძლებენ.
თამარ იაკობაშვილი