ესპანელი პრინცესა, რომელიც დედოფლობისთვის ემზადება - 19 წლის ლეონორი 10 ენას ფლობს, გაიარა სამხედრო მომზადება და ერთ-ერთ ყველაზე ინტელექტუალურ მემკვიდრედ მიიჩნევა - მშობლები

ესპანეთის მომავალი დედოფალი, სამეფო ტახტის მემკვიდრე, ლეონორი, 10 სხვადასხვა ენაზე საუბრობს. მიუხედავად იმისა, რომ პრინცესა ლეონორი ჯერ კიდევ ძალიან ახალგაზრდაა, მან ადრეული ასაკიდანვე დაამტკიცა, რომ ესპანეთის სამეფო ტახტის ღირსეული მემკვიდრეა. წლებია, მამასთან და ოჯახის წევრებთან ერთად ოფიციალურ ღონისძიებებში იღებს მონაწილეობას და სიტყვითაც გამოდის.

ის ამჟამად ოფიციალურად ასტურიის პრინცესად მოიხსენიება. ტახტზე კი მისი მამა, ფილიპე მეექვსეა. პრინცესა ლეონორი ესპანეთში ბოლო 150 წლის განმავლობაში პირველი მმართველი-დედოფალი გახდება. ესპანეთის ისტორიაში კი მეორე მმართველი-დედოფალი იქნება.

მან 3-წლიანი მომზადება გაიარა არმიაში, ფლოტსა და საჰაერო ძალებში, ასევე მთავარ სამხედრო აკადემიაში.

მშობლიური ენის გარდა, ლეონორი ფლობს ინგლისურს, ფრანგულს, ჩინურს, არაბულსა და პორტუგალიურს და ასევე, ესპანეთის სამეფოს ყველა ოფიციალურ ენას.

პრინცესა ლეონორი თანამედროვე მონარქიაში საკმაოდ საინტერესო ფიგურაა. ის მეფე ფელიპე VI-ისა და დედოფალ ლეტიციას უფროსი ქალიშვილია. ლეონორი 2005 წლის 31 ოქტომბერს, მადრიდში დაიბადა. ამჟამად ესპანეთის ტახტის პირდაპირი მემკვიდრეა.

პრინცესა ლეონორი მადრიდში, კერძო სკოლაში სწავლობდა. 2021 წლიდან უელსში, ცნობილ UWC Atlantic College-ში მოხვდა. პრესტიჟულ სასწავლებელში მსოფლიოს სხვადასხვა ქვეყნიდან მხოლოდ შერჩეული ახალგაზრდები სწავლობენ.

2023 წლიდან სამხედრო აკადემიაშია სწავლობდა. ტახტის მემკვიდრეებს სამხედრო მომზადების ვალდებულება აქვთ. შესაბამისად, არც ლეონორი ყოფილა გამონაკლისი.

2018 წელს გოგონა მხოლოდ 13 წლის იყო, როდესაც "კონსტიტუციის 40 წლის იუბილეზე" ოფიციალური სიტყვა წარმოთქვა. ეს სიმბოლური მომენტი იყო, რადგან გოგონამ ხაზგასმით თქვა, რომ მზად არის, ემსახუროს ესპანეთს.

ხშირად ამბობენ, რომ ლეონორი მამის მსგავსად მშვიდი და პასუხისმგებლიანი ხასიათისაა. მას უკვე ძალიან ბევრი გულშემატკივარი ჰყავს და საზოგადოებაში მისი ყოველი ახალი გამოჩენა დიდ ინტერესს იწვევს.