მამოლოგი, ონკოპლასტიკური ქირურგი თემურ გოგიტიძე თავის პრაქტიკაში გამორჩეული შემთხვევის შესახებ საუბრობს. ექიმი სოციალურ ქსელში ვიდეოს აქვეყნებს ერთ-ერთი ლექციიდან. აღმოჩნდა, რომ ქალს ძუძუში ნემსი ისე შეერჭო, რომ მთლიანად გაუჩინარდა სხეულში და ის ერთი წლის განმავლობაში არც გახსენებია. შემდეგ კი სრულიად შემთხვევით აღმოუჩინეს.
"ეს არის რეალური შემთხვევა. ერთ-ერთ პაციენტთან სკრინინგზე ნემსი აღმოვაჩინეთ ძუძუში. ქალბატონი ამბობდა, რომ ლიგინში გადავტრიალდი და რაღაც შემერჭო ძუძუში ერთი წლის წინო. შემდეგ დაავიწყდა. ძუძუ დიდია და მასში თავად ვერ აღმოაჩინა ეს ნემსი. როცა გამოვიკითხეთ ეს შემთხვევა, აღმოჩნდა, რომ ეს იყო წელიწადზე მეტი ხნის წინ. ამდენ ხანს იარა ამ ნემსით, რომელიც სკრინინგულ გამოკვლევაზე დავინახეთ. ვერ დავუტოვებდით, ამოვიღეთ." - ამბობს ექიმი გავრცელებულ ვიდეოში.
პოსტს არანაკლებ საინტერესო კომენტარები ახლავს:
"მეც შემერჭო ბავშობაში დინდულში და დაიკარგა. დღემდე დამაქვს"
"დედაჩემს ჰქონდა წელიწადი მასე ჯოხი ნიკაპზე შერჭობილი არ ჩანდა" - წერენ სოცქსელის მომხმარებლები