ყველაზე არაორდინარული დაბადების დღე თქვენი ბავშვისთვის - 3 განსხვავებული იდეა - მშობლები

ბავშვის დაბადების დღე ყოველთვის განსაკუთრებული დღესასწაულია. ამ დღის მოგონებები სამუდამოდ რჩება როგორც ბავშვის, ისე მშობლების მეხსიერებაში, მიღებული ემოციები კი ბავშვს სხვადასხვა თვისების ჩამოყალიბებაშიც ეხმარება.

სწორედ ამიტომ მშობლები ცდილობენ ტრადიციულ ფორმატს გასცდნენ და ბავშვებს სულ უფრო განსხვავებული და შთამბეჭდავი დაბადების დღე გადაუხადონ. დღეს გაგიზიარებთ სამ არაორდინალურ იდეას თქვენი შვილის დაბადების დღისთვის.

კოსტიუმირებული დაბადების დღე

კოსტიუმირებული დაბადების დღე ბავშვებისთვის არა მხოლოდ მხიარული და ფერადი დღესასწაულია, არამედ ნამდვილი თავგადასავალიც. როცა ისინი საყვარელ გმირებად, ზღაპრის პერსონაჟებად ან სუპერგმირებად გარდაისახებიან, დღე კიდევ უფრო დაუვიწყარი ხდება.

ასეთი ფორმატი ხელს უწყობს ბავშვების წარმოსახვის განვითარებას, მათ შორის თამაშსა და კომუნიკაციას, რადგან ყველა ერთად ერთ მაგიურ სამყაროში ხვდება. კოსტიუმირებული დაბადების დღე ბავშვებისთვის არის საშუალება, თავი მართლაც განსაკუთრებულად იგრძნონ.

დაბადების დღე წყალში

ზოგადად, როცა ბავშვების გართობასა და მხიარულებაზე ვფიქრობთ, წყლის ატრაქციონები ერთ-ერთი პირველი წარმოგვიდგება გონებაში. წყალში დაბადების დღის გადახდაზე უკეთესი კი ცოტა რამ შეიძლება შესთავაზოთ თქვენს შვილებს. ამ შესაძლებლობა კი „ჯინო აკვაპარკი“ გაძლევთ. აქ ყველაფერი ისეა მოწყობილი, რომ იუბილარმაც და მისმა სტუმრებმაც თავი ზღაპარში იგრძნონ.

„ჯინოს“ დაბადების დღის შეთავაზების ფარგლებში თქვენ დაგხვდებათ:

• წყლის თამაშების პროგრამა - ბავშვები სპეციალურად შემუშავებულ წყლის აქტივობებში ჩაერთვებიან, რომლებიც არა მხოლოდ მხიარულია, არამედ უსაფრთხო და ასაკზე მორგებული. თამაშებს ანიმატორები უძღვებიან.
• ღია და დახურული ატრაქციონები და აუზები - სხვადასხვა ზომისა და სიღრმის აუზები, სათამაშო ზონები და სლაიდები, სადაც ყველა ბავშვი იპოვის თავისთვის შესაფერის გართობას. აქ დაბადების დღის გადახდისთვის სეზონს მნიშვნელობა არ აქვს, რადგან ბავშვები ცივ ამინდში ორმაგი მხიარულებით ერთვებიან წყლის თამაშებში.
• მხიარული ანიმატორები - პროფესიონალი ადამიანები, რომლებმაც იციან, როგორ შექმნან ხალისიანი და პოზიტიური ატმოსფერო.
• ფოტო და ვიდეო გადაღება - ბედნიერი მომენტები მხოლოდ მეხსიერებაში კი არა, ფოტოალბომშიც დარჩება.
• ვარსკვლავის გახსნის ცერემონია და ტორტის ზღაპრული ჩაქრობა - დღესასწაულის დასკვნითი, ყველაზე ემოციური ნაწილია, რომელიც ბავშვისთვის ნამდვილ სცენად იქცევა.
• სიმშვიდე მშობლებისთვის - მათ შეუძლიათ, პატარები პროფესიონალ ანიმატორებს მიანდონ და თავადაც მოიწყონ განტვირთვის საათები აუზებზე. დამატებით კიდევ ერთი უპირატესობა კი ის გახლავთ, რომ დაბადების დღის გადახდის შემდეგ სტუმრებს მთელი დღის განმავლობაში შეუძლიათ აკვაპარკის ტერიტორიაზე დარჩენა.

სამეცნიერო დაბადების დღე

დაბადების დღის გადახდის ეს ფორმატი ბოლო წლებში საკმაოდ პოპულარული ხდება. სამეცნიერო დაბადების დღის ფარგლებში სპეციალური ანიმატორები და ახალგაზრდა მეცნიერები ბავშვებისთვის ექსპერიმენტებს ატარებენ. ბავშვები თავადაც მონაწილეობენ ექსპერიმენტებში, რაც მათში არამარტო ცნობისმოყვარეობას აღვიძებს, არამედ ახალ ცოდნასაც აძლევს.

ვიდრე ბავშვის დაბადების დღეს დაგეგმავთ, კარგად დაფიქრდით თითოეულ დეტალზე, ეცადეთ წვეულება მაქსიმალურად მის ინტერესებს მოარგოთ და საბოლოო მიზნად დაისახოთ, რომ დღის ბოლოს იუბილარი და მისი ყველა მეგობარი გაღიმებული და ბედნიერი იყოს.

R