ჰოლივუდის ვარსკვლავის უკიდურესი სიგამხდრე უკვე ყველას აშფოთებს - ლილი როუზი თვალსა და ხელს შუა "დნება" - მშობლები

ნიუ-იორკის მოდის კვირეულზე Calvin Klein-ის ახალი კოლექცია წარადგინეს. ჩვენებაზე მისულ ვარსკვლავებს შორის იყო 36 წლის ლილი კოლინზი და მისმა საჯაროდ გამოჩენამ მისი გულშემატკივრების შეშფოთება გამოიწვია.

მსახიობი ღონისძიებაზე დაბალწელიანი ქვედაბოლოთი და მოკლე ტოპით მივიდა, ამიტომ მისმა ჩაცმულობამ ვარსკვლავის მუცელი და წელი არ დამალა. ლილის გულშემატკივრები ფიქრობენ, რომ წონაში ზედმეტად დაიკლო, ზოგიერთმა კი ივარაუდა, რომ მსახიობს კვლავ კვებითი აშლილობა აქვს.

კოლინზმა ადრე აღიარა, რომ ბულიმიითა და ანორექსიით იტანჯებოდა. ოჯახის შექმნისა და დედობის სურვილი დაეხმარა მას ამ დაავადებებთან გამკლავებაში. თუმცა, ამბობენ, რომ სწორედ ჯანმრთელობის პრობლემების გამო ვერ შეძლო ლილის დამოუკიდებლად შვილის გაჩენა, თუმცა თავად მსახიობს ეს არ დაუდასტურებია.

წლის დასაწყისში კოლინზმა და მისმა მეუღლემ ჩარლი მაკდაუელმა განაცხადეს, რომ მშობლები გახდნენ. მათი ქალიშვილი ტოვი სუროგატი დედის დახმარებით დაიბადა, რამაც ინტერნეტში ცხარე დისკუსია გამოიწვია. ბევრმა ლილი გააკრიტიკა, რადგან ფიქრობდნენ, რომ მას შეეძლო თავად გაეჩინა ბავშვი, მაგრამ არ სურდა ფიგურის გაფუჭება. მოგვიანებით მაკდაუელმა ცოლი დაიცვა და ნათლად განაცხადა, რომ მას და ლილის უბრალოდ არ შეეძლოთ მშობლები გამხდარიყვნენ ბუნებრივი გზით.

ლილი კოლინზი თანამედროვე ჰოლივუდის ნამდვილი ვარსკვლავია. მისი ერთ-ერთი ყველაზე ცნობილი პროექტია "ემილი პარიზში". ასევე ნათამაშები აქვს ბევრ წარმატებულ ფილმში.