რას ნიშნავს სტრატეგიული აზროვნება და როგორია ჭადრაკის როლი მის განვითარებაში - მშობლები

სტრატეგიული აზროვნება არის უნარი, რომელიც ადამიანს შესაძლებლობას აძლევს, წინასწარ განსაზღვროს მიზნები, შეაფასოს შესაძლო სირთულეები და იპოვოს ოპტიმალური გზები მათი გადალახვისთვის. ეს უნარი მნიშვნელოვანია ადამიანის ცხოვრების ნებისმიერ ეტაპზე და ნებისმიერ საკითხში, როგორც პირად ცხოვრებაში, ისე პროფესიულ საქმიანობაში. სტრატეგიული აზროვნების გარეშე გრძელვადიანი მიზნების დასახვა და მათი მიღწევა, ფაქტობრივად, შეუძლებელია.

სტრატეგიული აზროვნების ჩამოყალიბებაში დიდი როლი აქვს ე.წ ჭადრაკისებურ აზროვნებას. ეს ნიშნავს, რომ სხვადასხვა მომენტში ათამაშებთ რამდენიმე სცენარს და წინასწარ ფიქრობთ, რა მოხდება თუ ამას იტყვით? რა სარგებელს მიიღებთ, თუ ამას გააკეთებთ? რა სირთულის გადალახვა მოგიწევთ, თუ ამ გზას აირჩევთ? ასე ყოველთვის წინასწარ გეცოდინებათ თქვენი ქმედებების სავარაუდო შედეგი და შესაბამისად, სასურველი მიზნის მიღწევა თქვენთვის უფრო მარტივი იქნება.

მნიშვნელოვანია, რომ სტრატეგიულ აზროვნებას პატარა ასაკიდანვე შევეჩვიოთ. ამისთვის კი საუკეთესო გზა ჭადრაკია. ის საუკუნეების განმავლობაში ითვლებოდა ინტელექტის, მოთმინებისა და სტრატეგიული უნარების განვითარების იარაღად. თამაშის დროს მოთამაშე ვალდებულია:

• წინასწარ დაგეგმოს სვლები – თითოეული გადაწყვეტილება გავლენას ახდენს არა მხოლოდ მიმდინარე, არამედ მომდევნო სვლებზეც;
• შეაფასოს მოწინააღმდეგის სტრატეგია – წარმატება დამოკიდებულია არა მხოლოდ საკუთარ გეგმებზე, არამედ იმაზე, თუ რამდენად სწორად გაიაზრებთ მეტოქის ნაბიჯებს;
• გაანალიზოს ალტერნატივები – ერთდროულად რამდენიმე გზის გათვლა ხელს უწყობს სტრატეგიულ აზროვნებას;
• ისწავლოს მოთმინება და კონცენტრაცია – სტრატეგიული აზროვნება მოითხოვს სიღრმისეულ ანალიზსა და დეტალებზე ყურადღების მაქსიმალურ კონცენტრაციას.

რაც უფრო პატარა ასაკიდან შევეჩვევით ამ ყველაფერს, მით უფრო წარმატებული იქნება ჩვენი ცხოვრების თითოეული სვლა და ნაბიჯი. თამაშით სწავლა კი ზოგადად რაღაცის სწავლისა და ათვისების საუკეთესო გზაა.

თქვენი პატარებისთვის თამაშით სწავლა უფრო სასიამოვნო რომ გახდეს, გამომცემლობა „პალიტრა L-მა“ და „პალიტრა სტუდიამ“ შექმნეს საოცარი და ჯადოსნური ჭადრაკი, რომელიც ტრადიციულ თამაშს ზღაპრულ ელფერს სძენს.

ამ უნიკალურ ვერსიაში მეფედ სპილო დგას, მის გვერდით ლაზიერი, კუს როლში კი ჭკვიანი მელია გვევლინება. მხედრის ადგილას პატარა პონი ჩნდება, ეტლის მაგივრად კურდღელი დახტის, ხოლო პაიკებად პაწაწინა თაგუნიები განლაგდებიან დაფაზე. სხვა ჭადრაკებისგან განსხვავებით, სპილო-მეფეს სახელიც კი აქვს - ირფალიონი. ირფალიონს გამორჩეული ცხოვრება ჰქონდა. სანამ ჭადრაკის მეფე გახდებოდა, ცირკის ჯადოსნურ ექსპრესთან ერთად მოგზაურობდა დედამიწის გარშემო და უამრავი თავგადასავალი გადახდა თავს.

ეს საოცარი, განსხვავებული ჭადრაკი აუცილებლად გახდება როგორც სტრატეგიული აზროვნების, ის ფანტაზიის განვითარების წყარო თქვენი შვილებისთვის. მეტი ინფორმაციისა და ახალი ფიგურების საიდუმლოებების გასაგებად გადადით ბმულზე: http://short.palitra.ge/XghrIfOJ.

სულ მალე ჯადოსნური ჭადრაკის შეძენას „პალიტრა L-ის“ ვებგვერდზე, ცხელ ხაზზე 2 47 00 45 და „ბიბლუსის“ მაღაზიათა ქსელში შეძლებთ მთელი ქვეყნის მასშტაბით.

არ დაგავიწყდეთ, ჭადრაკში მიღებული გამოცდილება პირდაპირ აისახება ადამიანების ყოველდღიურ ცხოვრებასა და მათი საქმიანობის წარმატებაზე. მაგალითად, კარიერულ წარმატებაში, სადაც გრძელვადიანი გეგმების შედგენა და კონკურენტების ქმედებების ანალიზი მნიშვნელოვანია ან პირად ცხოვრებაში, სადაც სწორი გადაწყვეტილების მიღებას წინასწარი დაგეგმვა და სავარაუდო შედეგების გათვლა სჭირდება.

ახლა კი გაგიზიარებთ, რამდენიმე რჩევას როგორ განვივითაროთ სტრატეგიული აზროვნება ჭადრაკის მეშვეობით:

• დაიწყეთ მარტივი სტრატეგიებით – ისწავლეთ ფიგურების ეფექტური გამოყენება და თამაშის ძირითადი პრინციპები;
• განიხილეთ კლასიკური სტრატეგიები – ცნობილი მოჭადრაკეების სვლების ანალიზი ავითარებს ხედვას და შეფასების უნარს;
• ითამაშეთ რეგულარულად – პრაქტიკა საშუალებას იძლევა სწრაფად გაუმჯობესდეს ანალიზისა და გადაწყვეტილებების მიღების უნარი.
• პროცესი გახადეთ მაქსიმალურად სასიამოვნო - „პალიტრა L-სა“ და „პალიტრა სტუდიას“ მიერ შექმნილი ჭადრაკი დაგეხმარებათ ჭადრაკის თამაშით ესთეტიკური სიამოვნება მიიღოთ და პროცესი უფრო სახალისო იყოს.

R