ორი ტორტი და ორი იუბილარი - ნოე სულაბერიძემ უფროსი შვილის და სიმამრის დაბადების დღე ერთად აღნიშნა (ვიდეო) - მშობლები

ნოე სულაბერიძე თავის უფროს შვილს და ერთადერთ ვაჟს, საშკას, სოციალურ ქსელში ულოცავს დაბადების დღეს:

"დღეს ჩემი პირველი შვილი საშკა 22 წლის გახდა. ვამაყობ და მიყვარხარ".

ნოეს ორი უფროსი შვილი ჰყავს წინა ურთიერთობებიდან - საშკა და ლიზა.

და ორი უმცროსი ქალიშვილი ჰყავს ჯანეტ ქერდიყოშვილთან ქორწინებაში - ანნა და ლილი.

ნოეს უფროსი შვილები მის გვერდით არიან ყველა მნიშვნელოვან ოჯახურ ღონისძიებაზე და მათ კარგი ურთიერთობა აქვთ ჯანეტთან.

გუშინ ასევე ჰქონდა დაბადების დღე ნოეს სიმამრს, ჯანეტის მამას, რომელიც 65 წლის გახდა. ოჯახმა გადაწყვიტა, ერთად აღენიშნათ ეს ორივე დაბადების დღე.

ტელეწამყვანი და პროდიუსერი, რომელსაც აქამდე ჰქონდა ქორწინებაც და რომანებიც, ამბობს, რომ ჯანეტის სახით იპოვა საყვარელი ქალი და იდეალური დედა. ასევე - მეგობარი. "გმადლობ, რომ ხარ საუკეთესო ცოლი, დედა და მეგობარი!" "ვთვლი, რომ ძალიან გამიმართლა, შენ რომ შემხვდი ცხოვრების გზაზე..." - ასეთი სიტყვებით ულოცავს ხოლმე დაბადების დღეებს.