უეცარი სიკვდილი ხალხმრავალ და ჩახუთულ გარემოში: რისკები და პირველადი დახმარება - მშობლები

უეცარი სიკვდილის უმეტესობა ზრდასრულებში კარდიული (გულის) მიზეზებით არის გამოწვეული, რასაც ხალხმრავალმა და ჟანგბადით ღარიბმა გარემომ შესაძლოა ხელი შეუწყოს.

ამ კონკრეტულ შემთხვევაში ზუსტ მიზეზს, რა თქმა უნდა, ექსპერტიზა დაადგენს, თუმცა გვინდა გესაუბროთ ზოგადად, ასეთ ვითარებაში, ამ ასაკობრივ ჯგუფში, უეცარი გარდაცვალების ყველაზე ხშირ მიზეზებზე.

სავარაუდო სამედიცინო მიზეზები

55-60 წლის ასაკში, უეცარი სიკვდილის ყველაზე ხშირი მიზეზები კარდიოლოგიური ხასიათისაა, თუმცა გარემო ფაქტორები მნიშვნელოვნად ზრდის რისკს:

1. უეცარი კარდიული სიკვდილი

• კორონარული არტერიის დაავადება და მიოკარდიუმის ინფარქტი:ჩახუთულმა გარემომ, სტრესმა და ჟანგბადის ნაკლებობამ (ჰიპოქსიამ) შესაძლოა გამოიწვიოს გულის შეტევის ან სისხლის მიწოდების კრიტიკული შემცირება.

• ფატალური არითმიები (პარკუჭთა ფიბრილაცია/ტაქიკარდია):გულის ელექტრული აქტივობის მოშლა, რაც ხშირად გულის წინასწარ არსებული დაავადების (მაგალითად, კარდიომიოპათია, მიოკარდიუმის ინფარქტის შემდგომი ნაწიბური) ფონზე ვითარდება. ჩახუთულ გარმოში არსებულმა სტრესმა და ჟანგბადის ნაკლებობამ შესაძლოა არითმიის პაროქსიზმი გამოიწვიოს.

2. ცერებროვასკულური მიზეზები (ინსულტი)

• იშემიური ან ჰემორაგიული ინსულტი:თავის ტვინში სისხლის მიმოქცევის უეცარი მოშლა, რამაც შეიძლება გამოიწვიოს გონების დაკარგვა და სასიცოცხლო ფუნქციების სწრაფი მოშლა.

3. ფილტვების მწვავე უკმარისობა/ემბოლია

• ფილტვის არტერიის თრომბოემბოლია: ფილტვის სისხლძარღვის უეცარი დახშობა თრომბით. ეს იწვევს ჟანგბადის მწვავე დეფიციტს, სახის გალურჯებას და უეცარ სიკვდილს. განაგრძეთ კითხვა

რა არის ინსულტის წინაპირობა და მთავარი რისკი -როგორ ავიცილოთ ერთ-ერთი ყველაზე მძიმე დაავადება, რომელიც პაციენტს და ოჯახს უზარმაზარ ტვირთად აწვება

ინფარქტისა და ინსულტის ნაკლებად ცნობილი, თუმცა სერიოზული რისკფაქტორი, რომლის გადამოწმებაც შეგიძლიათ