ბიზნესმენი ბექა ხოფერია საჯაროდ ულოცავს დაბადების დღეს რჩეულს - ირაკლი ალასანიას ყოფილ რძალს ნუცა ადამიას - მშობლები
ბიზნესმენი ბექა ხოფერია საჯაროდ ულოცავს დაბადების დღეს რჩეულს - ირაკლი ალასანიას ყოფილ რძალს ნუცა ადამიას
როგორც ცნობილია, ბიზნესმენი, პოლიტიკოს ხათუნა ხოფერიას ვაჟი და მომღერალ თიკა ჯამბურიას ყოფილი მეუღლე ბექა ხოფერია მესამე ცოლს - სოფო ქურდიანს ცოტა ხნის წინ დაშორდა. მალევე გამოჩნდა ახალ რჩეულთან ერთად, რომელიც ნუცა ადამიაა. ნუცა წარსულში ირაკლი ალასანიას ვაჟზე იყო დაქორწინებული.
ბექას სამი ქორწინებიდან ოთხი შვილი ჰყავს, ნუცას კი ერთი ქალიშვილი ჰყავს ნიკა ალასანიასთან ქორწინებიდან.
ბექა ხოფერიას გახმაურებული ქორწილის შესახებ შარშან ივლისში საუბრობდა საზოგადოება. ცნობილი ბიზნესმენი, რომელიც სამშენებლო ბიზნესს უძღვება, რა ხანია, საზოგადოების ყურადღების ცენტრშია.
ნუცა ადამიას შესახებ კი საზოგადოებამ 2016 წელს შეიტყო, როცა ის ირაკლი ალასანიას რძალი გახდა.
ნუცას და ნიკა ალასანიას იმავე წელს შეეძინათ ქალიშვილი - თინათინი, რომელსაც თინუსად მოიხსენიებს ხოლმე ბებია - ნათია ფანჯიკიძე.
ნუცა და ნიკა ერთმანეთს დაშორდნენ და წყვილი რა ხანია, ერთად აღარ ცხოვრობს. ცოტა ხნის წინ კი ნუცა ბექა ხოფერიასთან ერთად გამოჩნდა. წყვილი უკვე არ მალავს ურთიერთობას და შესაძლოა, ბიზნესმენის მეოთხე ქორწინებაც მალე ვიხილოთ.
