მონოპოლი - თამაში, რომელიც ბავშვებს რეალური ცხოვრების უნარებს ასწავლის, ქართულ ენაზეა ხელმისაწვდომი - მშობლები

ოდესმე დაფიქრებულხართ, რატომ ხდება ისე, რომ ბავშვები, რომლებიც სკოლაში კარგად სწავლობენ და საუკეთესო ნიშნებს იღებენ, ყოველთვის ვერ ახერხებენ ცხოვრებაში თავის დამკვიდრებას. ხოლო ისინი, ვინც სკოლაში საშუალო ნიშნებზე სწავლობდნენ, მომავალში წარმატებულები ხდებიან?

საქმე იმაშია, რომ მხოლოდ აკადემიური ცოდნა ცხოვრებისეული წარმატებისთვის არ არის საკმარისი. ბევრად უფრო მნიშვნელოვანია უნარები, რომლებიც წიგნებში არ წერია: ფინანსური აზროვნება, სტრატეგიული გადაწყვეტილებები, პასუხისმგებლობა, მოლაპარაკება, სარისკო სიტუაციების შეფასება და ალღო. სწორედ ამაშია სამაგიდო თამაშების ძალა.

ეკონომიკური და ფინანსური თამაშები ბავშვებს აძლევს შესაძლებლობას, უსაფრთხოდ გაეცნონ ფულის, საკუთრების, ვაჭრობისა და ინვესტიციის სამყაროს. ეს ცოდნა მათში მყარ საფუძველს ქმნის, რომელსაც შემდეგ მთელი ცხოვრება გამოიყენებენ. თამაშის დროს, ბავშვები სწავლობენ არა მექანიკური დამახსოვრებით, არამედ მოქმედებით - საკუთარი პატარა „ქალაქის“ მართვით.

სწორედ ამიტომ ითვლება შეუცვლელ კლასიკად სამაგიდო თამაში „მონოპოლი“. ამ თამაშზე იზრდებოდნენ თაობები და დღემდე, ყველაზე პოპულარული თამაშის საპატიო წოდებას ინარჩუნებს. „მონოპოლის“ პირველი ვერსია 1904 წელს, ელიზაბეტ მეიჯიმ შექმნა და „მემამულეების თამაში“ დაარქვა. მოგვიანებით, 1930-იან წლებში, მან მიიღო ცნობილი ფორმატი: ბარათები, დაფა, კამათლები - ყველაფერი, რაც რეალობის მცირე მოდელს ქმნის.

„მონოპოლი“ ბავშვებს ასწავლის, როგორ იბადება ფინანსური გადაწყვეტილების შედეგი. ყოველი ნაბიჯი - ქონების შეძენა თუ გაყიდვა, ბიუჯეტის შენარჩუნება, სხვა მოთამაშეებთან მოლაპარაკება - ასწავლის მათ, რომ ფული არის რესურსი, რომელსაც გონივრულად მართვა უნდა. ბავშვი სწავლობს, რა განსხვავებაა სურვილსა და აუცილებლობას შორის, რატომ ღირს ზოგჯერ რისკზე წასვლა, როდის უნდა შეინახო, როდის დააბანდო და ა.შ.

თამაშის პროცესში ბავშვები თანდათან იძენენ იმ უნარებს, რომლებიც მომავალში მათ ყველაზე მეტად გამოადგებათ: პრობლემის სწრაფი ანალიზი, სტრატეგიული ხედვა, მოლაპარაკების ხელოვნება, მოთმინება და შედეგებზე პასუხისმგებლობა. მონოპოლი მათ აძლევს შესაძლებლობას, დროებით გახდნენ მეწარმეები, ინვესტორები, უძრავი ქონების მენეჯერები და ყველაფერი ეს სრულიად უსაფრთხოდ, რეალური რისკების გარეშე.

„მონოპოლი“ მხოლოდ გართობა არ არის, ეს არის თამაში, სადაც ბავშვი პირველად აცნობიერებს, რომ თითოეულ გადაწყვეტილებას თავისი ფასი აქვს. სადაც შემთხვევითობა და სტრატეგია თანაბრად მოქმედებს. სადაც ბედისწერა არ ნიშნავს არაფერს, თუ თავად არ ჩაერთვები პროცესში. ეს გამოცდილება მათ რეალურ ცხოვრებაშიც მიჰყვებათ და ხშირად ბევრად უფრო ეხმარებათ, ვიდრე ნებისმიერი თეორიული გაკვეთილი.

„მონოპოლი“ ხელმისაწვდომია ქართულ ენაზე „პეპელას“ და XS Toys-ის მაღაზიათა ქსელში და შესაძლოა, სწორედ ეს პატარა ყუთი გახდეს თქვენი ბავშვის პირველი ნაბიჯი ფინანსური განათლებისკენ და ცხოვრებისეული წარმატებისკენაც.

R