როგორ უნდა ჩააცვათ ჩვილს სწორად ცივ სეზონზე - დეტალური გზამკვლევი ახალბედა დედებისთვის - მშობლები

ქარი, დაბალი ტემპერატურა, ნალექი, ღია და დახურულ სივრცეებში ტემპერატურის მკვეთრი ცვლილება - ეს ის საკითხებია, რომლებიც ცივ სეზონზე ამინდის შესაბამისად ჩაცმას ართულებს. ხშირად მშობლები ორ უკიდურესობაში ვარდებიან - ან ძალიან თხლად აცვამენ პატარას ან პირიქით, მის სიცივისგან დაცვას ვერ ახერხებენ. ბავშვი ორივე შემთხვევაში შეიძლება ავად გახდეს, რაც ახალბედა დედისთვის დიდი სტრესია. ამ პრობლემისგან თავის არიდება რომ შეძლოთ, გაგიზიარებთ პრაქტიკულ რჩევებს, თუ როგორ უნდა ჩააცვათ ჩვილს ცივ სეზონზე.

ჩაცმის ძირითადი პრინციპი ფენებად ჩაცმაა. არ დაგავიწყდეთ, თითოეული ფენა ბუნებრივი მასალისგან უნდა იყოს დამზადებული, რომ ჰაერი გაატაროს და ბავშვი არ ჩახურდეს. თუ ფიქრობთ, რატომ შეიძლება სჯობდეს სამი საშუალო სისქის სამოსი ერთსა და განსაკუთრებულად თბილს, გეტყვით, რომ ამ შემთხვევაში ტემპერატურის შესაბამისად ტანსაცმლის რეგულირებას მარტივად შეძლებთ. მაგალითად, მაღაზიაში შესვლისას ან მანქანით მგზავრობისას, პატარას ზედა ფენას გახდით, რომ არ ჩახურდეს. ქუჩაში გასვლის მომენტში კვლავ ჩააცვამთ, რომ არ შესცივდეს. ამასთან, სქელი ტანსაცმელი ბავშვისთვის სამოძრაოდ საკმაოდ არაკომფორტულია.

ფენებად ჩაცმის დროს, სასურველია თითოეული მათგანი 100% ბამბის მასალისგან იყოს დამზადებული. თუმცა თუ ამას ვერ ახერხებთ, მაშინ პირველი ფენა მაინც აუცილებლად ბუნებრივი მასალის უნდა იყოს. გახსოვდეთ, ჩვილის კანი 4-5-ჯერ უფრო თხელია, ვიდრე ზრდასრულის. ამიტომ ის მარტივად ღიზიანდება და განსაკუთრებული დაცვა სჭირდება. აღნიშნულს კი ბუნებრივი ქსოვილების ტანსაცმლით შეძლებთ. ამ შემთხვევაში თქვენი შვილის სხეული ისუნთქებს და გარემო ტემპერატურასთან ადაპტაციასაც მარტივად შეძლებს. შესაბამისად, არც ჩახურდება და არც შესცივდება. შეგიძლიათ ბავშვი Carter’s-ის ტანსაცმელში გამოაწყოთ და მშვიდად იქნებით, რომ მას ლამაზთან ერთად სწორად შერჩეული, ხარიხიანი სამოსი აცვია. Carter’s უკვე შვიდი თაობაა პატარებს აცმევს და ის ჯერ კიდევ მე-19 საუკუნიდან ზრუნავს პატარების კომფორტსა და კეთილდღეობაზე. ამ მიზნით, ბრენდის მიერ შექმნილი თითოეული პროდუქტი ნატურალური მასალისგან მზადდება. ამასთან საინტერესოა, რომ Carter’s შემოიღო ისეთი ინოვაციები, როგორიცაა კონვერტის ყელიანი ბოდეები და ტანსაცმელი ორმხრივი ელვა შესაკრავით. თავისი გამოგონებებით ბრენდმა მშობლებს ბავშვის ჩაცმა-გახდის პროცესი მნიშვნელოვნად გაუმარტივა. პრაქტიკული დეტალების გათვალისწინებით აღარც დედები და აღარც ჩვილები სტრესს არ განიცდიან ტანსაცმლის გამოცვლის გამოცვლის მომენტში. ამავდროულად, Carter’s-ის სამოსით პატარები თავისუფლად მოძრაობენ, რაც მათი განვითარებისთვის უმნიშვნელოვანესია.

ფენებად ჩაცმისას გაითვალისწინეთ ისიც, რომ ტანსაცმელი პატარას არ უნდა ზღუდავდეს. 2 წლამდე ასაკის ბავშვებისთვის სასურველია პირველი ფენა იყოს ბამბის ბოდე და შარვალი ზედმეტი დეტალების გარეშე. გარეთა ფენად კი შეგიძლიათ ის ჩააცვათ, რაც მოგწონთ. ვიდრე პატარა ჯდომასა და სიარულს ისწავლის, მოერიდეთ ქუდიან სამოსს, რომ წოლისას არ შეაწუხოს.

ახლა კი მთავარი კითხვა - როგორ გავიგოთ, ბავშვს სცივა თუ არა და სჭირდება თუ არა ტანსაცმლის დამატება? ამ დროს მშობლების დიდი ნაწილი ხელისა და ფეხის მტევნებს უმოწმებს. რეალურად კი ეს ერთ-ერთი ყველაზე დიდი შეცდომაა. 0–12 თვემდე ჩვილებს ხშირად აქვთ ცივი ხელები და ფეხები, მიუხედავად იმისა, რომ სხეულის ტემპერატურა ნორმაშია. ამ ასაკში თერმორეგულაცია და პერიფერიული სისხლძარღვების კონტროლი ჯერ კიდევ განვითარების ეტაპზეა და ამიტომ აქვთ პატარებს ცივი კიდურები.

ბავშვის ტემპერატურის გასაგებად, უნდა შეუმოწმოთ კისრის არე და გულ-მკერდი. თუ ეს ადგილები თბილია, ბავშვი იდეალურად გრძნობს თავს. თუ ოფლიანია, მაშინ სცხელა, ხოლო თუ გრილი - სცივა.

სიცივისგან თავის დაცვის დროს, ეცადეთ ბავშვი არ გადაახუროთ. გადახურების ნიშნებია: წითელი ლოყები, ოფლიანობა და გაღიზიანებაც კი. გახსოვდეთ, გადახურებამ შეიძლება უფრო ცუდი შედეგი მოიტანოს, ვიდრე სიცივემ. ამიტომ ჩააცვით ბავშვს კომფორტულად, ტანსაცმელი დამზადებული იყოს ბუნებრივი მასალებისგან, თბილი, მაგრამ არა მძიმე და უპირატესობა მიანიჭეთ პოზიტიურ ფერებსა და პრინტებს.

გახსოვდეთ, ბავშვი ყოველთვის განიშნებთ, რა სჭირდება. მთავარია, მისი სხეულის მოსმენა ისწავლოთ.

R