“მონა იზაურა” – როგორ გამოიყურებიან სერიალის გმირები 50 წლის შემდეგ - მშობლები

"მონა იზაურა" პირველი ბრაზილიური სერიალი იყო, რომელმაც საბჭოთა მაყურებელი მონუსხა. 1976 წლის ბრაზილიური ტელენოველა მსოფლიოს 80 ქვეყანაში გადაიცემოდა. თავდაპირველად ტელენოველა 100 25-წუთიანი ეპიზოდისგან შედგებოდა, მაგრამ სსრკ-ში გავრცელების მიზნით, ის საბჭოთა მაყურებლისთვის უფრო ნაცნობ ფორმატამდე - 15 60-70-წუთიან ეპიზოდამდე - გადაკეთდა. პირველი ხუთი ეპიზოდი 1988 წლის 16-20 ოქტომბრიდან გავიდა ეთერში, ხოლო შემდგომი ეპიზოდები - 1989 წლის 26 თებერვლიდან 7 მარტამდე.

საბჭოთა კავშირში სერიალი სწრაფად გახდა პოპულარული და 1990 წელს ხელახლა გაუშვეს ეთერში. სერიალიდან ბევრი სიტყვა (მაგალითად, "ფაზენდა") გახდა პოპულარული, მსახიობებზე კითხულობდნენ, რაც იბეჭდებოდა და მოუთმენლად ელოდებოდნენ მორიგ სერიას.

როგორ გაგრძელდა ცნობილი გმირების ცხოვრება და როგორ გამოიყურებიან ახლა? გადავავლოთ თვალი რამდენიმეს.

ლუსელია სანტოსი — იზაურა დოს სანტოსი

სერიალში მონაწილეობამდე, ლუსელია სანტოსს ტელევიზიაში არანაირი გამოცდილება არ ჰქონდა, თუმცა მაინც მოახერხა კასტინგის გავლა. სერიალში მთავარმა როლმა ის საერთაშორისო ვარსკვლავად აქცია და მისი კარიერა განსაზღვრა. მან მრავალი შეთავაზება მიიღო და ათობით ფილმსა და სატელევიზიო სერიალში ითამაშა.

სანტოსი კომპოზიტორსა და დირიჟორ ჯონ ნეშლინგს გაჰყვა ცოლად და ვაჟი, პედრო ნეშლინგი შეეძინა, რომელიც მსახიობია. 2017 წელს ლუსელია ბებია გახდა.

წყვილი ამჟამად განქორწინებულია.

2020 წელს მსახიობი, 10 წლის შესვენების შემდეგ, პირველად დაბრუნდა კინოში და პორტუგალიურ სერიალში „Blade of a Knife“. მას შემდეგ ის აღარ გამოჩენილა. აქტიურად არის ჩართული სოციალურ მედიაში, მონაწილეობს საქველმოქმედო საქმიანობაში და ტყეების გაჩეხვის შესახებ ცნობიერების ამაღლებას ცდილობს. სანტოსი ბუდისტია.

რობერტო პირილიო - ტობიასი

მსახიობმა რობერტო პირილიომ, 29 წლის ასაკში, მთავარი გმირის პირველი დიდი სიყვარულის როლი შეასრულა. შემდეგ მან ითამაშა სერიალებში „ქვის წრეში“, „კლონი“, „შავი ქალღმერთი“ და სხვა. ასევე მუშაობდა თეატრში; მისი უდიდესი თეატრალური წარმატება იყო მთავარი როლი სპექტაკლში „დაიწყე სილის დარტყმებითა და ტყუილებით“, რომელსაც ის ზედიზედ 14 წლის განმავლობაში თამაშობდა. ბოლო წლებში პირილიო აქტიურად აგრძელებს ფილმებში თამაშს;

ედვინ ლუისი - ალვარო სანტანა დე სოუზა

იზაურას პირველი სიყვარულის, ტობიასის გარდაცვალების შემდეგ, ედვინ ლუისის პერსონაჟი მასთან ურთიერთობას იწყებს.

მსახიობმა დაამთავრა სან პაულოს დრამატული ხელოვნების სკოლა და ასევე შეისწავლა ხელოვნების ისტორია და ფრანგული ენა. კინოკარიერასთან ერთად, ასევე თეატრში მუშაობს. ლუისს ჰყავს აყვანილი ვაჟი, კლაუდიო ანდრადე და შვილიშვილი, მარია კლარა. მსახიობი რამდენჯერმე იყო დაქორწინებული. 76 წლის მსახიობი ამბობს, რომ ასაკის გამო კანის გაუარესება აწუხებს, ამიტომ ხშირად მიმართავს პლასტიკურ ქირურგიას და სახის ლიფტინგიც გაიკეთა.

რუბენს დე ფალკო - ლეონსიო (გარდაიცვალა 2008 წელს, 76 წლის ასაკში)

ლეონსიოს, მდიდარი ვაჟის, რომელმაც იზაურას წინააღმდეგ შეთქმულება მოაწყო, როლი რუბენს დე ფალკოს კარიერის განმსაზღვრელ მომენტად ითვლება. რომანის „მონა იზაურას“ (2004-2005) ახალ კინოადაპტაციაში რუბენსმა ლეონსიოს მამის როლი შეასრულა - მისი კარიერის ერთ-ერთი ბოლო როლი. სულ მსახიობი 66 ფილმსა და სატელევიზიო სერიალში გამოჩნდა. ის არასოდეს დაქორწინებულა. ცნობილია, რომ 1970-იანი წლების ბოლოს ხანმოკლე რომანი ჰქონდა პოპულარულ ბრაზილიელ მსახიობ სუსანა ვიეირასთან. 2008 წელს მსახიობი გულის შეტევით გარდაიცვალა.

ნორმა ბლუმი მალვინას როლში

მსახიობი ნორმა ბლუმი თამაშობდა ლეონსიოს, „მონა იზაურას“ მთავარი ბოროტმოქმედის, კეთილი ცოლის როლს. როდესაც მისი ქმარი იზაურას შეურაცხყოფდა, მალვინა მას მხარს უჭერდა. სამსახიობო კარიერამდე ბლუმი ტელევიზიაში სცენარისტის ასისტენტად, შემდეგ კი ტელეწამყვანად მუშაობდა. 1970-იან წლებში ტელესერიალებში გამოჩნდა, მაგრამ ჯანმრთელობის პრობლემების გამო 1992 წელს შესვენება აიღო. 2000-იან წლებში ტელევიზიას დაუბრუნდა, მისი ბოლო სერიალი 2015-2017 წლებში გავიდა ეთერში.

ბლუმი ახლა 84 წლისაა. მსახიობმა დაწერა ავტობიოგრაფია, ბავშვებისთვის რამდენიმე მოთხრობა და სახელმძღვანელო თვითგანვითარებისთვის.

ლეა გარსია როზას როლში (გარდაიცვალა 2023 წელს, 90 წლის ასაკში)

სერიალში ლეა გარსიამ კარიერაში პირველად ითამაშა ბოროტმოქმედი - მონა როზა, რომელსაც იზაურა არ მოსწონდა. მსახიობმა აღიარა, რომ მისთვის რთული იყო ასეთი პერსონაჟის თამაში. თუმცა, იდეალურად განასახიერა როლი: მაყურებელს არა მხოლოდ როზა, არამედ მისი შემსრულებელიც არ მოსწონდა.

გარსია მსახიობი გახდა ქმრის, დრამატურგის აბდიას ნასიმენტოს გავლენით, რომელთანაც მოგვიანებით ორი შვილი შეეძინა. ფილმში „შავი ორფეოსი“ შესრულებული როლისთვის მსახიობი კანის კინოფესტივალზე საუკეთესო მსახიობი ქალის ნომინაციაზე იყო წარდგენილი.

2023 წლის 15 აგვისტოს, იგი 90 წლის ასაკში გარდაიცვალა.