"არ გაანიავოთ საცხოვრებელი სახლი ან ოფისი, სანამ ჰაერის ხარისხი არ გაუმჯობესდება... მოერიდეთ ფიზიკურ დატვირთვას გარეთ" - ბიძინა კულუმბეგოვი - მშობლები
"არ გაანიავოთ საცხოვრებელი სახლი ან ოფისი, სანამ ჰაერის ხარისხი არ გაუმჯობესდება... მოერიდეთ ფიზიკურ დატვირთვას გარეთ" - ბიძინა კულუმბეგოვი
ალერგოლოგი ბიძინა კულუმბეგოვი სოციალურ ქსელში წერს:
"საქართველოს გარემოს ეროვნული სააგენტოს მიხედვით, თბილისის ჰაერი საგრძნობლად დაბინძურებულია მყარი ნაწილაკებით (PM2.5 და PM10).
გთხოვთ დაიცავით შემდეგი რეკომენდაციები, განსაკუთრებით ასთმის და ფილტვის ქრონიკული ობსტრუქციული დაავადების მქონე პაციენტებმა:
- დარჩით შენობაში და შეზღუდეთ ქუჩაში ყოფნის დრო;
- მოერიდეთ ფიზიკურ დატვირთვას გარეთ;
- არ გაანიავოთ საცხოვრებელი სახლი ან ოფისი, სანამ ჰაერის ხარისხი არ გაუმჯობესდება;
- გამოიყენეთ შესაბამისი ნიღაბი: N95 ან FFP2 ტიპის რესპირატორი (ჩვეულებრივი სამედიცინო ნიღაბი ასეთი ზომის მყარ ნაწილაკებს ვერ აკავებს);
- მანქანაში ჩართეთ შიდა ჰაერის წმენდის რეჟიმი;
- სახლი დაალაგეთ სველი წესით.
