"გაცილებით დიდი პრობლემაა 30-ზე მეტი ბავშვი გაკვეთილზე, მეორე ცვლა, ანტისანიტარია სკოლებში, კვების საკითხი... რა დროს ფორმებია?" "თუ მე-11 კლასი მასალის გამეორებას ეთმობა, ე.ი. ორ კლასს ვაუქმებთ?" "თანამდებობის პირების შვილებმა ისწავლონ საჯარო სკოლებში..." - რას ფიქრობენ მშობლები ახალ რეფორმაზე - მშობლები

ბოლო 2 დღის განმავლობაში საქართველოს მთავრობამ და განათლების, მეცნიერებისა და ახალგაზრდობის სამინისტრომ უმაღლესი და სასკოლო განათლების რეფორმის კონცეფციები დაამტკიცა.

ამ რეფორმების წყალობით საზოგადოებას განათლების სისტემაში საკმაოდ ბევრ ცვლილებასთან მოუწევს შეგუება.

დავინტერესდით, თავად მშობლები და მასწავლებლები რას ფიქრობენ ამ ცვლილებებზე, რა მოსწონთ და რა შეხედულებები აქვთ თავად. წარმოგიდგენთ მათ მოსაზრებებს, რომლებიც სოაციალურ ქსელებში გამოხატეს.

• „მივესალმები ამ გადაწყვეტილებებს, საერთოდ ამოვიღებდი ზოგიერთი ავტორის სახელმძღვანელოს ქართულ ენასა და ლიტერატურაში მეათე, მეთერთმეტე და მეთორმეტე კლასებში.“
• „20 წელია ვტრიალებთ ერთ წრეზე და ისევ იქიდან ვიწყებთ, სადაც გავჩერდით“.
• „სკოლის პედაგოგებსაც უნდა აეკრძალოთ მობილურებით სარგებლობა გაკვეთილების მიმდინარეობის პერიოდში, მშობლებსაც უნდა აეკრძალოთ სკოლის შენობაში და საკლასო ოთახში შესვლა, დამრიგებელთან დაახლოებული მშობლები რომ მოძრაობენ სკოლაში და მაგარი ტიპები ჰგონიათ თავები.“
• „ბრეჟნევის დროში ვბრუნდებით. ეს რეფორმა ანადგურებს ისედაც მყიფე განათლების სისტემას“.
• „სკოლის ფორმები, იმედია, ერთი თირკმლის ფასი არ დაჯდება, სამი შვილი მყავს და ორი თირკმელი მაქვს“.
• „ინტერნეტში სასწავლო მასალის მოძიებაც აიკრძალოს და ასწავლონ ის მასალა, რაც წიგნებშია მოწოდებული. თქვენ თვითონ ხდით ბავშვებს ინტერნეტ და ტელეფონ დამოკიდებულებს, გაკვეთილებს ჩათში რომ წერთ მასწავლებლები. მოუნიშნეთ და ისე უთხარით ბავშვებს. მშობლებს რომ უგზავნით ჩათში, ვერ მიიტანენ სახლამდე ამბავს, თუ რა აქვთ გაკვეთილად?“
• „ძალიან კარგი გადაწყვეტილება იქნება... თან მასწავლებლებს უნდა მიეცეს უფლება, ცოტა მეტად მოსთხოვოს მოსწავლეს... მჯერა, ბევრ მასწავლებელს ეშინია ზედმეტად შენიშვნაც რომ მისცეს...იმიტომ, რომ მოსწავლე საჩივარს დაუწერს“.
• „გოგებაშვილის დედაენა დააბრუნეთ სკოლებში. ყველა ქართველი მწერლის ავტობიოგრაფიააა დასაბრუნებელი სკოლებში. ავტობიოგრაფიასთან მათი ნაწარმოებებიც აუცილებლად დააბრუნეთ პროგრამებში და პატრიოტიზმს, სწორი მნიშვნელობით, თავისთავად ისწავლიან, ქართველობის მნიშვნელობასთან ერთად“.
• „მასწავლებლებს ყველაფერი აკრძალული გვაქვს: შენიშვნის მიცემა, დასჯა (ცემა-ტყეპას არ ვგულისხმობ, მასწავლებლების სალანძღავად ზოგიერთებს ხელზე რომ დაუხვევიათ), გარეთ გაგდება, ტელეფონის ჩამორთმევა, თურმე მათი უფლებები ირღვევა. ამ დროს არ ირღვევა მასწავლებლის, კარგი მოსწავლეების უფლებები, რომელთაც თავხედი, უმაქნისი და უზრდელი მოსწავლეები ართმევენ ძვირფას დროს? ამდენი წლის მასწავლებელი ვარ და ვერაფრით გამიგია, ვისაც სწავლა არ უნდა, წლების განმავლობაში ვერანაირად რომ ვერ დააინტერესებ, სკოლაში გასართობად რომ დადიან და თან იციან, რომ სკოლას უფლება არ აქვს, არ დაამთავრებინოს ათი კლასი და მერეც მადა ეხსნებათ ატესტატის აღებისას... აღარ დადგა დრო, ვიფიქროთ ისეთი სასწავლებლების გახსნაზე, რომლებშიც რაიმე ხელობას მაინც ისწავლიან ასეთები? იქნებ ამით მაინც დააინტერესოს სახელმწიფომ? ჩვენ რომ გვთხოვენ, მიუდექით, დააინტერესეთ!!! ვცდილობთ, მაგრამ, არიან ისეთები, რომლებთანაც არ გამოდის (აკაკი მაინც გაიხსენეთ). მოგვეცით მასწავლებლებსა და მონდომებულ მოსწავლეებს მშვიდად, შემოქმედებითად წარვმართოთ სასწავლო პროცესი, აამაღლეთ მასწავლებლის ავტორიტეტი და გამოეცით კანონი, რომელიც ყველას უფლებებს თანასწორად დაიცავს!“
• „პირველ რიგში, წიგნებს მიხედეთ! ისტორიის წიგნში აზრს რომ ვერ აბამს ბავშვი და ქართულის წიგნის მოთხრობის მიხედვით მაკედონელი რომ ქართველების საყვარელი გმირი ჰგონია.“
• „სავალდებულო უნდა გახდეს, რომ სახელმწიფო დაწესებულების მოხელე, თანამდებობის პირების შვილებმა ისწავლონ საჯარო სკოლებში და შემდგომ შევჯერდეთ 11 კლასზე. მხოლოდ მაშინ იქნება თანასწორობა და არ დაირღვევა ბავშვთა უფლებები.“
• „თუ მე-11 კლასი მასალის გამეორებას და ცოდნის თავმოყრას ეთმობა, ე.ი. ორ კლასს ვაუქმებთ. და 10 წელში 12 ის ნაცვლად უკეთეს განათლებას როგორ მიიღებს ბავშვი და ეროვნულ გამოცდებზე კერძო სკოლის კურსდამთავრებულს კონკურენციას როგორ გაუწევს? რა დომხალია, ამ რეფორმას არ უწერია განხორციელება, როგორც აქამდე დაანონსებულ ყველა რეფორმას. წინა წელს პროფესიული განათლება დავაანონსეთ სკოლაში, აბა, სად არის? ცოტა ხანში სხვა მინისტრი დაინიშნება, ის კიდევ თავდაყირა დააყენებს ყველაფერს. როდემდე უნდა ვიტრიალოთ წრეზე?“
• „კანონში უნდა ჩაიწეროს ყველა საჯარო მოხელის შვილი დაწყებული პრეზიდენტიდან დამთავრებული დეპუტატამდე, ვალდებული უნდა იყოს, შვილები ატაროს საჯარო სკოლაში. მათ შვილებს უნდა ეკრძალებოდეთ კერძო სკოლებში მისვლა. აი, მაშინ ნამდვილად ყველაფერი უკეთესობისკენ შეიცვლება.“
• "ბავშვები სკოლაში შიმშილობენ, ხალხო, უკიდურესი მდგომარეობაა, ოთხი შვილი მყავს სკოლის ასაკის და ისეთი ამბები ხდება უცრემლოდ ვერ მოისმენთ. ვიღაცამ დაწერა ბავშვებს მდიდრულად აცვიათო. ასეთი ტვინტლუების გასაგონად ვიტყვი, რომ ხალხის უდიდესი ნაწილი მეორადებში 1-2 ლარებად ვიმოსებით და ნამდვილად არავისზე ნაკლებად არ გვაცვია. რა ეღირება ის ფორმა? რატომ გვიძვრებიან კიდე დამატებით ჯიბეში?"
• "უმრავლესობისთვის პრობლემა მხოლოდ მე-12კლასი, (სადაც თურმე მაინც არ დადის არავინ) და ფორმა ყოფილა, ისიც დაწყებით კლასებში. ანუ პრობლემა არაა 30+ ბავშვი რომ ზის გაკვეთილზე, მეორე ცვლა, რომელიც 6-ზე მთავრდება, "უცხო" ენაზე დაწერილი წიგნები, კვების საკითხი და ა.შ."
• "ნაცვლად იმისა, რომ ტელეფონები და კომპიუტერები მაქსიმალურად ჩავრთოთ სწავლის პროცესში, რადგან ეს ორი ნივთი მათი მომავლის განუყოფელი ნაწილი იქნება, ნაცვლად AI-ს სწავლებისა, ნაცვლად კოდირების სწავლებისა, ნაცვლად რობოტიკის სწავლებისა და უამრავი თანამედროვე და მომავლის პროფესიისთვის მომზადებისა, ტელეფონებს ვკრძალავთ. ფორმებზე საერთოდ როგორ საუბრობთ? თუ კარგია ფორმა, რატომ მთელი ქვეყანა სიკვდილამდე არ დავდივართ ფორმით? რატომ გინდათ, რომ მეექვსე ან მთორმეტე კლასის მერე ადამიანი სრულიად სხვა რეალობაში აღმოჩნდეს? ეს ფორმების პრაქტიკა ხომ არაა მომავლისთვის მზადება. თქვენ სკოლა ბავშვის მოსარჯულებლად გინდათ ალბათ. სკოლა უნდა იყოს დამოუკიდებლად ცხოვრებისთვის საჭირო უნარების შესასწავლად და არა მოსარჯულებლად ან თუნდაც მაგალითად მათემატიკის სასწავლებლად მაინცდამაინც. "
• "სახელმძღწვნელოები თუ გამოიცვლება და დავალებები მშობლებისთვის არ იქნება, კარგია"
• "შვილი სად უნდა ვატარო სკოლაში, მინისტრს უნდა ვკითხო?"
• "ბავშვები ნახევრად მშივრები არიან!! სკოლებს არ აქვთ სასადილო!! არ გვაქვს სკოლები!! შეხიზნულები ვართ სხვადასხვა სკოლებში!!! არ არის სათანადო წიგნები და განათლება!! ბავშვს არ უნდა ჭირდებოდეს მომზადება!! აი, ყველაფერი მოგვარებული გეგონება და ფორმები დარჩა!"
• "სკოლებს მოწესრიგებული ტუალეტები არ აქვთ, სასმელი წყლის ნორმალური, ჰიგიენური სისტემა არ გააჩნიათ, არ აქვთ კვება, მასწავლებლები ვერ აკმაყოფილებენ ახალი დროის მოთხოვნებს, მასწავლებელთა უმეტესობამ ვერ გაიარა საკვალიფიკაციო ტესტები და მათი გადამზადების ნაცვლად, უბრალოდ მარჟა დასწიეს, საქართველოს მოსწავლეები წაკითხულიდან შინაარსის გამოტანის შედეგებით ბოლო ადგილებზე არიან, მათემატიკურ უნარებში კიდე უარესი მდგომარეობა გვაქვს, ქვეყანა ამოაგდეს ბოლონიის პროცესიდან, რამდენი სკოლაა მოუწესრიგებელი და აუშენებელი, რამდენი უბანი და დასახლებული პუნქტია (განსაკუთრებით სოფლები) დარჩენილი სკოლის შენობის გარეშე, სკოლის ასაკის უფრო და უფრო მეტი მოზარდი ხდება ჩართული ქუჩურ/კრიმინალურ სამყაროში, სკოლებს არ გააჩნიათ ლაბორატორიები, ბიბლიოთეკები და სხვა ინფრასტრუქტურა თუ ინვენტარი, სკოლებში მოუგვარებელია პირველადი სამწდიცინო დახმარების მომსახურება"...
• "ქალაქების სკოლებში ორ ცვლად სწავლობენ ბავშვები არ ყოფნით შენობები გადატვირატულია კლასები და სასურველ სკილაში მოხვედრა დიდი პრობლემაა ასევე სოფლად თითო ოროლა მოსწვლეღა შემორჩა ასევე სკოლებში მუშაობენ 70 და მეტი ასაკის მასწავლებლები რომლებიც ვერანსირად ვერ უწყობენ ფეხს თანამედროვე გამოწვევებს ზიანდებიან ამ დროს მოსწავლეები საერთოდ ახალგაზრდა და მასწავლებლები იშვიათ გამონაკლისს შეადგენს და ამ დროს ფორმაა უფრო მნიშვნელოვანი თურმე".

• "ვისი ბრალია, 13 წელი თქვენ მართავდით ქვეყანას ყოველ წელს სულ უარესი სახელმძღვანელო იბეჭდებოდა. ახლა გამოიღვიძეთ? იმ 13 წელზე ვინ აგებს პასუხს?"

• "პატრიოტული სულისკვეთება ჯერ თქვენში აღმოაჩინეთ და მერე მომავალ თაობას გადაულოცეთ. ილია და აკაკი ვერ გაგირჩევიათ. ქართულ ლიტერატურის სახელმძღვანელოებიდან ამოღებულია ყველაფერი, რაც უნდა იცოდეს ქართველმა, ვისი ნაწარმოებებიც უნდა ისწავლოს და ისეთი აუზრო მოთხრობები გაქვთ ჩართული და ისე უაზროდ ნათარგმნი, ტირილი მოგინდება. და თქვენ ქადაგებთ კიდევ ეროვნულ სულისკვეთებაზე?'

• "ამდენი არაბი, თურქი, ინდოელი და სხვა რჯულის შემოუშვით, ბინები და მიწები მიჰყიდეთ, მოქალაქეობა თან ჩაუდეთ ჯიბეში, რომ ხმები დაიგროვოთ არჩევნებზე, ავლენ მალე მილიონზე უცხოტომელები, რომ მუდამ იყოთ პარლამანტში... ესაა თქვენი პატრიოტიზმი".

• "საჯარო სკოლებში ატარეთ თქვენი შვილებიც გამოიჩინეთ პატრიოტული სულისკვეთება".

• "ბავშვი მეუბნება, სკოლაში საპირფარეშოს კარი არ აქვს და არ უნდა იქ შესვლა, წარმოიდგინეთ, ხალხო. რა დროს ფორმებია? იქნება ეს მოგეგვარებინათ და წყალი რომ იყოს ჩასარეცხი და ხელის დასაბანი ელემენტარული."

• "ფორმა იქნება ძალიან კარგი. ბავშვები დეკოლტეებით და მინი ქვედაბოლოებით არ უნდა დადიოდნენ სკოლაში".

• "ფორმებზე უფრო დიდი პრობლემებია სკოლებში და მიაქციეთ ყურადღება. პირველ რიგში სასწრაფოდ გაარემონტეთ სკოლები. წლობით რომ ჭიანურდება და სამ ცვლაში არიან დაწყებითი კლასის მოსწავლეები შეხიზნულები სხვა სკოლებში. მაგალითად ავლაბარში 89-ე საჯარო სკოლა წლებია რემონტშია. მისახედია სახელმძღვანელოები. სკოლის კვების ობიექტები და კიდევ ბევრი რამ."

• "მე-6 კლასამდე ისედაც არ დადიან შეუფერებლად.მთავარი მაღალი კლასებია და იქ არაფერი შეცვლილა".

• "კლასებში მოსწავლეთა რაოდენობა უნდა შემცირდეს, რაც არანაკლები პრობლემაა".

• "ფორმის ჩაცმის ვალდებულება უსამართლობა და ძალადობაა! მითუმეტეს დაბალ კლასებში. თუმცა უზნეოდ ჩაცმას, სამკაულებს, შილაკებს და მაკიაჟებს თუ აკრძალავენ, მივესალმები".

• "ძირითადად მსჯელობთ ფორმასთან დაკავშირებით, რაც განათლების სფეროში მეასეხარისხოვანია. ეს უკვე მეტყველებს ძირითადი, ფუნდამენტური პრობლემების უმნიშვნელო საკითხებით ჩანაცვლებაზე".

• "ამ სიგიჟეების შემყურე ისე დაგვებნა გზა-კვალი რომ უკვე მთავარი შეკითხვები გვრჩება განზე. ამ კითხვას არ უნდა სვამდეთ, იმ პირობებში რომ განათლების სისტემის რღვევა მიმდინარეობას. არადა, სინამდვილეში ჩვენ, მშობლებს ის გვაინტერესებს

  1) რატომ არ დაჰყავთ მაღალჩინოსნებს თავისი შვილები საჯარო სკოლებში?

  2) როგორ შეიძლება, 13 წელი ხელისუფლებაში იყო და სკოლებში ტუალეტების მოწესრიგებას ვერ დაადგა საშველი?

  3) როგორ შეიძლება, 13 წელი ხელისუფლებაში იყო და სკოლებში დამლაგებლებს ვერ შოულობდე?

  3) რატომ ხდება, რომ ჩვენი შვილები საექსპერიმენტო ვირთხებად გადაიქცნენ ყოველი ახალი მინისტრის ხელში? ბოლო 13 წელიწადში უკვე 8-ჯერ გამოცვალა ამ მთავრობამ მინისტრი

  4) რა ზომები მიიღო ამ მთავრობამ, რომ ჩვენს შვილებს წაკითხულის გააზრებაში და მეცნიერებებში გაუუმჯობესდეთ მოსწრება სხვა ქვეყნების ბავშვებთან შედარებით

  5) რა ზომები მიიღო სამინისტრომ ბოლო წლებში, რომ მასწავლებლების მეთოდოლოგია გაუმჯობესდეს და კლასის მართვის ერთადერთი საშუალება წივილ-კივილი არ იყოს?

  6) რა ზომები მიიღო სამინისტრომ, რომ მასწავლებლები იყვნენ არა პოლიტიკური დეკორაციები, არამედ ჰქონდეთ სიტყვის და გამოხატვის თავისუფლება?

  7) როდის იქნება სკოლაში კვება? მინიმუმ წასახემსებელი მაინც?

  8) როდის იქნება, რომ სკოლაში აქტიური ბავშვი და მშობელი ინტრიგნებად არ მოიხაზონ სკოლის ადმინისტრაციის მიერ?

  9) როდის იქნება სკოლებში პედაგოგებმა, სოცალურმა მუშაკებმა, მანდატურებმა, სკოლის ადმინისტრაციამ შეთანხმებულად და კოორდინირებულად იმუშაონ სკოლებში ჩაგვრისა და ძალადობის აღმოსაფხვრელად?

  10) როდის იქნება სკოლებში ბავშვებს ასწავლონ დებატების, დემოკრატიის და პრობლემების არაძალადობრივი გზებით გადაჭრის კულტურა

  11) როდის იქნება, რომ ისეთი განათლების ხარისხი, რომ უნივერსიტეტში ჩასაბარებლად წინაპრების ქონების გაყიდვა და ბანკის ვალების აღება არ დაგვჭირდეს ოჯახებს?

  12) როდის იქნება სკოლებში საკმარისი ფსიქოლოგები ბავშვებისთვისაც და პედაგოგებისთვისაც?

  13) როდის იქნება სკოლებში წიგნები ადამიანურ ენაზე დაწერილი?

  14) როდის გვაჩვენებს სტატისტიკას განათლების სამინისტრო თუ როგორია სოციალურად დაუცველი მოსწავლეების მოსწრება და უმაღლესში ჩაბარების მაჩვენებელი?

  რამდენი ჩამოვთვალო.....? დაამატეთ

  სკოლაში რატომ ვერ აძლევთ ისეთი დონის განათლებას,რომ რეპეტოტორი არ იყოს საჭირო...ამას მიხედეთ!!!"