"მოპარული ბავშვები" - საქართველოში გაყიდული 100 ათასზე მეტი ახალშობილის დაუჯერებელი ამბავი HBO-ს ახალ ფილმში - მშობლები

"მადლობა ყველას, ვისაც ჩემი არ გჯეროდათ! ეს ფილმი პირველ რიგში თქვენ გეძღვნებათ" - წერს თამუნა მუსერიძე და ახალი ფილმის ტრეილერს აზიარებს. დღეს, 5 დეკემბერს, ვარშავაშია ფილმის - "მოპარული ბავშვების" ჩვენება. ჩვენებაზე დასასწრებად ფილმის მთავარი გმირებიც ჩავიდნენ - თამუნა მუსერიძე და ცნობილი გაყიდული ტყუპი, რომელმაც წლების მერე იპოვა ერთმანეთი - თათული კვიტია და ანო სართანია.

HBO-ს დოკუმენტურ ფილმში ვრცლად არის მოთხრობილი, თუ როგორ ყიდდნენ საბჭოთა საქართველოში და მერეც, დაახლოებით 2005 წლამდე, ჩვილებს.

"სქემა რამდენიმე სახის იყო: ქალბატონი სამშობიაროდ შედიოდა. მესამე დღეს ეუბნებოდნენ, რომ ბავშვს ფილტვი არ გაეხსნა და დაიღუპა. ჰყავდათ გაყინული ბავშვები იმისთვის, რომ თუ რომელიმე ოჯახი კატეგორიულად მოითხოვდა ბავშვის დაკრძალვას, სხვისი გაყინული ბავშვი გაეტანებინათ მათთვის..." - ამბობს თამუნა მუსერიძე ფილმის ტრეილერში.

ფილმში აღნიშნულია, რომ ჩვილებით ვაჭრობის მასშტაბური სქემა გაშიფრულია. აღმოჩნდა, რომ საბჭოთა პერიოდიდან 2005 წლამდე საქართველოში 100 ათასზე მეტი ახალშობილის გაყიდვის ფაქტი ფიქსირდება.

"ერთხელ, როდესაც გაშვილებულმა ადამიანებმა გენეტიკური ტესტი გაიკეთეს, აღმოჩნდა, რომ ქმარი მისი ნათესავია... ჩემი და ჩემი ოჯახის მისამართით გარკვეული მუქარებიცაა. საუბარია 100 ათასზე მეტ ქალბატონზე, რომლებსაც, რეალურად, არ აქვთ პასუხი, თუ სად არიან მათი შვილები." - აღნიშნავს ფილმში თამუნა მუსერიძე.

ფილმი "მოპარული ბავშვები" HBO Max-ზე 12 დეკემბრიდან იქნება ხელმისაწვდომი. დახურული პრემიერა კი 5 დეკემბერს იმართება. თამუნა მუსერიძე და ფილმის სხვა გმირები ვარშავაში იმყოფებიან.

მამა ეჭვიანობდა დედაზე და ამის გამო გაგვაშვილეს... მანაც იცოდა ჩვენი გაშვილების შესახებ... დედა მორალურად განადგურდა ამ ამბის შემდეგ... - შემაძრწუნებელი ამბები, რასაც გაშვილებული ტყუპი გოგონა ყვება

ბიოლოგიურმა დედამ დნმ-ის დადებითი პასუხი რომ გაიგო, გამლანძღა... საშინელი რაღაცები მითხრა... რა უფლება გაქვს, ჩემს პირად ისტორიას რომ ქექავო... - თამუნა მუსერიძე ბიოლოგიურ დედაზე