განათლების სამინისტრო - აბიტურიენტებს სხვადასხვა ფაკულტეტის არჩევაზე შეზღუდვა არ ექნებათ - მშობლები
განათლების სამინისტრო - აბიტურიენტებს სხვადასხვა ფაკულტეტის არჩევაზე შეზღუდვა არ ექნებათ
განათლების სამინისტროს განცხადებით, გავრცელებული ინფორმაცია, თითქოს მომავალი წლიდან აბიტურიენტები ეროვნულ გამოცდებზე რეგისტრაციისას ერთზე მეტ საგანმანათლებლო პროგრამას ვერ აირჩევენ, სიმართლეს არ შეესაბამება.
„აბიტურიენტებს არ შეეზღუდებათ არჩევანის თავისუფლება. მათ ექნებათ შესაძლებლობა, ჩამონათვალში მიუთითონ სახელმწიფო, თუ კერძო უნივერსიტეტის მიერ შეთავაზებული საგანმანათლებლო პროგრამები“, - ნათქვამია სამინისტროს მიერ გავრცელებულ ინფორმაციაში.
როგორც ცნობილია, განათლების მინისტრის მოადგილემ დღეს განაცხადა, რომ ახალი მოდელით შეიცვლება ის წესი, რომლის მიხედვითაც აბიტურიენტს რამდენიმე უნივერსიტეტის და პროგრამის არჩევის საშუალება აქვს.
