შაკირას შვილები დედასთან ერთად ამღერდნენ და მაყურებელი აატირეს - ქმრის ღალატის მერე შაკირას შვილები აძლიერებენ. "მათ გამო ვარ ცოცხალი..." - მშობლები

მას მერე, რაც ქმარმა, ცნობილმა ფეხბურთელმა ჟერარ პიკემ უღალატა და ეს მთელმა მსოფლიომ გაიგო, შაკირას ცხოვრებაში რთული ეტაპი დაიწყო.

კარგად ხანს ყოფილი ცოლ-ქმარი ერთმანეთს საჯაროდ ლანძღავდა, შაკირა სიმღერების ტექსტებში ახსენებდა მოღალატე ქმარს, ყოფილ დედამთილსაც არ ადგა კარგი დღე, რომელმაც იცოდა შვილის ღალატის შესახებ და ხელს უწყობდა. ნელ-ნელა ვნებები ჩაცხრა, შაკირა გონს მოეგო რთული პერიოდის მერე და ხშირად ამბობს, რომ ამაში შვილები დაეხმარნენ. 12 წლის საშა და 10 წლის მილანი ყველა ღონისძიებაზე დედის გვერდით არიან.

"ისინი ყველაფერი არიან ჩემთვის... ისინი არიან მიზეზი, რის გამოც მე ვცოცხლობ", - თქვა შაკირამ.

ცოტა ხნის წინ მან შვილებთან ერთად სიმღერაც ჩაწერა - Acróstico, და კლიპიც გადაიღო. ახლა კი სცენაზეც იმღერა მათთან ერთად და დედა-შვილის ემოციურმა გამოსვლამ ბევრი მაყურებელი აატირა.