გოგრის ფხალი მჭადის კალათაში - გამორჩეული სადღესასწაულო კერძის რეცეპტი ლიკა კვარაცხელიასგან (ვიდეო) - მშობლები

ყოფილი მოდელი, ამჟამად კი ტელეწამყვანი და კულინარი ლიკა კვარაცხელია მორიგ საინტერესო კერძს უზიარებს საზოგადოებას, რომელიც მისი საყვარელი კერძი ყოფილა.

გოგრის ფხალი მჭადის კალათაში

ინგრედიენტები:

• გოგრა — 500 გრ
• ნიგოზი — 300 გრ
• ხახვი — 1 ც
• სტაფილო — 1 ც
• ბროწეული — 200 გრ
• ნიორი — 1 კბ
• ქინძი — 100 გრ
• ოხრახუში — 100 გრ
• მარილი — გემოვნებით
• უცხო სუნელი — გემოვნებით
• ხმელი ქინძი — გემოვნებით
• დარიჩინი — მწიკვი
• ძმარი ან ბალზამიკო — გემოვნებით

მომზადება:

ზეთწასმული გოგრა გამოვაცხოთ ღუმელში დაახლოებით 20 წუთი (მე მიყვარს, როცა ოდნავ ცინცხალია), გავაგრილოთ და მოვაცილოთ ქერქი.ამ დროს მსუბუქად მოვთუშოთ წვრილად დაჭრილი ხახვი და გახეხილი სტაფილო.გაგრილებული გოგრა ჩანგლით დავაქუცმაცოთ, დავამატოთ ხახვი და სტაფილო, შემდეგ მარილი, უცხო სუნელი, ხმელი ქინძი, დარიჩინი, გახეხილი ნიორი, დაჭრილი ქინძი და ოხრახუში.დავამატოთ დაფქული ნიგოზი.ბოლოს ჩავასხათ ძმარი ან ბალზამიკო, დავამატოთ გარჩეული ბროწეული და მწვანილები.

ფხალი მზად არის.

მჭადის კალათა:

ცომისთვის:

ყვითელი სიმინდის ფქვილი, კვერცხი, წყალი, მარილი და არაჟანი (თუმცა მხოლოდ ზეთი და წყალიც საკმარისია).

ცომი გადავიტანე ზეთწასმულ ფორმაში.ზემოდან ჩავუფინე პერგამენტი და შიგნით ჩავყარე ბარდა, რათა ღრმა ფორმა შეინარჩუნოს. გამოვაცხვე 180 გრადუსზე 20 წუთი, შემდეგ 10–15 წუთი - პერგამენტის გარეშე.

გემრიელი სადილი მთელი ოჯახისთვის, როცა არ იცი, რა მოამზადო - ლიკა კვარაცხელია ხორცის სოუზის განსაკუთრებული რეცეპტით