რას გვეუბნება სიზმარი ახალი წლის ღამეს - ნიშნები, რომლებსაც ყურადღება უნდა მივაქციოთ - მშობლები
რას გვეუბნება ახალი წლის ღამეს ნანახი სიზმარი - ნიშნები, რომლებსაც ყურადღება უნდა მივაქციოთ
საყოველთაოდ მიღებულია მოსაზრება, რომ ახალი წლის ღამეს ნანახ სიზმრებს განსაკუთრებული, საკრალური მნიშვნელობა აქვს და ისინი წინასწარმეტყველურია. დღესასწაულის წინ მილიონობით ადამიანი სურვილებს ჩაიფიქრებს ხოლმე და თითქოს საკუთარ სურვილებს სამყაროს უგზავნის. ზოგჯერ კი სამყარო პასუხად მინიშნებებს სწორედ ჩვენი სიზმრების საშუალებით გვაწვდის.
თუმცა არ ღირს ყველაფრისთვის გადამეტებული მნიშვნელობის მინიჭება, რაც გვესიზმრება — სიზმრებს მრავალი ნიუანსი აქვს. რა თქმა უნდა, სიზმრების ზუსტი და ღრმა განმარტება მხოლოდ სპეციალისტებს შეუძლიათ. დამოუკიდებლად კი ჩვენ შეგვიძლია მხოლოდ ზოგადი მნიშვნელობებისა და აშკარა ნიშნების ამოცნობა.
სიზმარი, როგორც პასუხი სურვილზე
თუ ახალი წლის ღამეს სურვილი ჩაიფიქრეთ და შემდეგ სიზმარში მისი ასრულება ნახეთ, მიიჩნევა, რომ ეს სურვილი მომდევნო წელს რეალურად აგიხდებათ. ეცადეთ, სიზმარი დეტალურად დაიმახსოვროთ. ამისთვის სასურველია, ძილის წინ საწოლთან ფურცელი და კალამი დაიდოთ. გაღვიძებისთანავე, ადგომის გარეშე, ჩაიწერეთ ყველაფერი, რაც გახსოვთ. თუ სიზმარი კარგი იყო, თქვით: „რაც სიზმარში ვნახე, ყველაფერი ჩემთვის წამოვიღე.“
ახალი წლის ღამის სიზმრების მნიშვნელობა
თუ სიზმარში ფეიერვერკები, ნაძვის სათამაშოები, დღესასწაულის ატრიბუტი ნახეთ — ეს, სამწუხაროდ, მხოლოდ ემოციებით გამოწვეული სიზმარია და განსაკუთრებულ მნიშვნელობას არ ატარებს.
მაგრამ თუ სიზმარში დაფრინავდით, მოგზაურობდით ახალ ადგილებში, ციცაბო კიბეზე ადიოდით, ბაღში მუშაობდით, იბანდით სახეს — ეს კარიერულ და ფინანსურ წინსვლაზე მიანიშნებს ახალ წელს.
თუ სიზმარში გეძინათ, შიმშილობდით, ტალახში გაისვარეთ, ღვინოს ასხამდით ან სვამდით, თევზის წვნიანს მიირთმევდით — ეს ნიშნებია, რომ ახლო მომავალში ფინანსური წარმატება და იღბალი გელით.
სიყვარულის მომასწავებელი სიზმრები
სიყვარულის ენერგიასთან მუშაობის გამოცდილებით, შეიძლება ითქვას, რომ ახალ წელს ახალი ურთიერთობის დაწყების ერთ-ერთი ყველაზე ზუსტი ნიშანი არის სიზმარში ცხოველებისა და ფრინველების ნახვა.
მტრედები და გედები — ხანგრძლივ და ბედნიერ ურთიერთობაზე მიანიშნებს. მგლების, ცხენის ან წითელი ძაღლის ნახვა — მოახლოებული ქორწინების ნიშანია. კნუტები სიზმარში მიუთითებს, რომ ნაზი და ყურადღებიანი პარტნიორი გელოდებათ. გველი მტკიცე ქორწინებას ნიშნავს, ხოლო ეგზოტიკური ცხოველები — მხიარულ და ორიგინალურ კავშირზე მიანიშნებს.
თუ ახალი წლის ღამეს კოშმარი დაგესიზმრათ
თუ ახალ წელს ცუდი სიზმარი ან კოშმარი ნახეთ, არავის მოუყვეთ. დამშვიდდით და ნუ შეიქმნით ზედმეტ შიშებს. მნიშვნელოვანია, რა განწყობით და ემოციებით იღვიძებთ.
მიუახლოვდით წყალს (მაგალითად, გახსენით ონკანი), ხელები წყალს შეუშვირეთ და თქვენი სიზმარი მხოლოდ წყალს უამბეთ. შემდეგ ჩუმად თქვით: „რაც დამესიზმრა, ყველაფერი ჩამოირეცხა და აღარ ახდება. დაე, ასე იყოს.“
საშიში სიზმრები ხშირად ჩნდება მაშინ, როცა ადამიანი არასწორ გზაზე დგას ან საბედისწერო შეცდომის ზღვარზეა. ასეთი სიზმარი გაფრთხილებად შეიძლება ჩაითვალოს — შეცდომამ შესაძლოა სერიოზული შედეგები მოიტანოს და დიდხანს მოგიწიოთ მათთან გამკლავება.
როცა ახალი წლის ღამეს წარსული გესიზმრებათ
ახალი წლის ღამეს შესაძლებელია წარსულში მომხდარი მოვლენებიც დაგესიზმროთ. ეს გაძლევთ შანსს, გადახედოთ ძველ ამბებს, სხვა კუთხით შეხედოთ მათ და გააანალიზოთ, რამ მიგიყვანათ კონკრეტულ სიტუაციამდე. ეს ერთგვარი შინაგანი ანალიზია.
თუ სიზმარში გარდაცვლილი დაგესიზმრათ
სიზმარში მოსული გარდაცვლილი ადამიანები ყოველთვის ცუდს არ მოასწავებენ. თუ სიზმარში გარდაცვლილმა რამე მოგცათ — ყურადღება მიაქციეთ ჯანმრთელობას. თუ მასთან საუბრობდით — მალე მნიშვნელოვან ამბავს გაიგებთ. თუ გარდაცვლილი რაღაცას გთხოვთ, შეძლებისდაგვარად შეეცადეთ, მისი თხოვნა შეასრულოთ.
ყური დაუგდეთ იმას, რასაც სიზმარში გარდაცვლილი ადამიანები გეუბნებიან — ხშირად ისინი გვაფრთხილებენ, რადგან, როგორც მიიჩნევა, გაცილებით მეტი იციან, ვიდრე ცოცხლებმა.
თუ სიზმარში საკუთარ თავს ან ახლობელს ავადმყოფად ხედავთ — ეს მცირე სიგნალია, რომ ჯანმრთელობას მეტი ყურადღება უნდა მიაქციოთ: მიმართოთ ექიმს, ჩაიტაროთ კვლევები და შეამციროთ ორგანიზმზე ნეგატიური ზემოქმედება.
სიზმრები და რეალობა
სიზმრების მეტაფორები და სიმბოლოები მრავალფეროვანია. ხშირად ადამიანი თავად აქცევს სიზმარში ნანახს რეალობად. მაგალითად, თუ სიზმარში მოგზაურობა ნახეთ და ძლიერ შთაბეჭდილებას განიცდით, შესაძლოა საკუთარ თავი ამ მიზანზე დააპროგრამოთ. ასეთი მოტივაციით ადამიანი ყველგან ნიშნებს ეძებს და ხშირად სწორედ ეს მიდგომა მიიყვანს მიზნის მიღწევამდე.
თუ კი სიზმრები საერთოდ არ გახსოვთ, ეს არ ნიშნავს, რომ სამყაროს თქვენთვის შეტყობინება არ აქვს. შესაძლოა, უბრალოდ გადაღლილობამ იმოქმედა.
