ნიკოლოზ ბასილაშვილმა გერმანელ რჩეულს ხელი სთხოვა - ცნობილი ჩოგბურთელი მილოცვებს იღებს - მშობლები

ცნობილმა ქართველმა ჩოგბურთელმა ნიკოლოზ ბასილაშვილმა თავის რჩეულს, კარლოტა ელენას ხელი სთხოვა. ფოტოები ინსტაგრამზე გამოაქვეყნა და იქვე იღებს უამრავ მილოცვას მეგობრებისა და გულშემატკივრებისგან.

ნიკოლოზი და კარლოტა 2020 წლიდან ერთად არიან. სწორედ ამ პერიოდში აქტიურად მიმდინარეობდა სასამართლო პროცესები ჩოგბურთელის წინააღმდეგ, რომელიც ყოფილმა ცოლმა, ნეკა დოროყაშვილმა ოჯახურ ძალადობაში ამხილა. ხმაურიანი გარჩევების პერიოდში კარლოტა ნიკოლოზის გვერდით იყო და აქტიურად უჭერდა მხარს. საბოლოოდ სააპელაციო სასამართლომ ბასილაშვილი, ყოფილი მეუღლის მიმართ ფიზიკურ და ფსიქოლოგიურ ძალადობაში უდანაშაულოდ ცნო.

კარლოტა ელენა გერმანელი სპორტსმენია. ისიც ყოფილი ჩოგბურთელია, თუმცა აქტიური კარიერა ტრავმის გამო დაასრულა და ახლა ნიკოლოზის ასისტენტი და მთავარი გულშემატკივარია.

ნეკა დოროყაშვილი: ჩემი მეუღლე იყო პირველი მამაკაცი ჩემთვის. ვფიქრობდი, რომ თუ ოჯახს შექმნიდი, ის არასოდეს უნდა დაგენგრია